लेवी 3
3
मेलबलि
1“‘सुनानं परमप्रभुयात सा वा द्वहं मेलबलि छाल धाःसा व पशु खू मदुम्ह जुइमाः। 2व मनुखं थःगु ल्हाः पशुया छेनय् तयेमाः। अले व देछाःम्ह बलियात नापलायेगु पालया ध्वाखाय् पालाः स्यायेमाः। अले हारूनया पुजाहारी काय्पिन्सं बलिया हि वेदीइ जःखः छ्वाकेमाः। 3मेलबलिं विशेष देछाः परमप्रभुया निंतिं आतापुति भ्वरि त्वपुइगु दाः व उकिया च्वय्च्वंगु दाः फुक्क छायेमाः। 4निगः जलासेँ व उकिया च्वय् जँ नापं च्वंगु दाः, अले सेँया भिंगु ब्व वं लिकायेमाः। 5व फुक्कयात हारूनया काय्पिन्सं वेदीइ मि च्वय् दुगु सिँइ तयाः छ्वय्केमाः। थ्व परमप्रभुयात यःगु नस्वाः वःगु विशेष देछा खः।
6“‘सुनानं परमप्रभुयात मेलबलिया बथांपाखें फैचा वा दुगुचा छाल धाःसा मिजंम्ह जूसां मिसाम्ह जूसां खू मदुम्ह पशुयात छायेमाः। 7थःगु बलि चिधिकःम्ह भ्याःचा छायेगु खःसा वं वयात परमप्रभुया न्ह्यःने छायेमाः। 8वं थःगु बलिया छेनय् ल्हाः तयेमाः। अले वयात नापलायेगु पालया ध्वाखाय् स्यायेमाः। पुजाहारीं छाःम्ह पशुया हि वेदीया जःखः छ्वाकेमाः। 9अले व मनुखं मेलबलिपाखें परमप्रभुयात विशेष देछा छायेमाः। थथे दाः व दुगः क्वँय्या लिक्कनं अलग यानातःगु दाःखाःगु न्हिप्यं दुगु क्वँय् निसें फायाबीमाः, आतापुति भ्वरि त्वपुइगु दाः व उकिया च्वय्च्वंगु दाः नं फुक्क लिकायेमाः। 10निगः जलासेँ व उकिया च्वय् जँ नापं च्वंगु दाः, अले सेँया भिंगु ब्व वं लिकायेमाः। 11पुजाहारीं व परमप्रभुया निंतिं विशेष देछा वेदीइ नसाकथं छ्वय्केमाः।
12“‘सुनानं दुगुचा छाल धाःसा वं परमप्रभुया न्ह्यःने छायेमाः। 13वं थःगु ल्हाः वयागु छेनय् तयेमाः, नापलायेगु पालया ध्वाखाय् वयात स्यायेमाः। अले हारूनया काय्पिन्सं वयागु हि वेदीया जःखः छ्वाकेमाः। 14वं उकिं थःगु बलि परमप्रभुया निंतिं विशेष देछाकथं छायेमाः। आतापुति भ्वरि त्वपुइगु दाः व उकिया च्वय्च्वंगु दाः फुक्क लिकायेमाः। 15निगः जलासेँ व उकिया च्वय् जँ नापं च्वंगु दाः, अले जलासेँ व सेँया भिंगु ब्व वं लिकायेमाः। 16अले पुजाहारीं विशेष देछायात वेदीइ छ्वय्केमाः। थ्व परमप्रभुयात नस्वाः वःगु नसा थें जुइ। दाः दक्व परमप्रभुया लागिं जक खः।
17“‘छिमिसं दाः व हि गुबलें नये मते। थ्व छिमि पुस्तौं पुस्ताया लागिं न्ह्याबलेंया नियम खः।’”
Nke Ahọpụtara Ugbu A:
लेवी 3: NEW
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2024 Nepal Bible Society, Newa Christian
Literature Center and Wycliffe Bible Translators, Inc.