Amaokwu Akwụkwọ Nsọ Ndị Ama Ama siteré na DOMAANO 3

Kesaa

Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato. Yääje yeichaame Wanaadi töjaadonooje soto nödööaato ejeemajancädä’da, aashicha töweichö woije mmädääne, Jesuuquidiito wwä ewaanaca’jocoomo weijäcä.

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo. Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

Edääje Wanaadi a’deddu imennaajä nä’döa: Aashichaato ’je’da na soto, tooni’chä a’que. Etaanei ’je’da na; Wanaadi ujiiñei ’je’da mmaja. Tameedä soto tösaadijange naato, töweecone’ma mmaja. Aashichaato tödöönei ’je’da na, tooni’chä a’que.

Mädääje na; ecamjödö que Wanaadi jadoonoje cä’döjaato, jenaado’jä waanontänä woije tödöödö que’daane.

Ng’jn, yääje’da yeichaame. Wanaadi chäänöngeedä na yeichöje, tameedä soto chäänönge’da yeichaameiñe. Edääje Wanaadi a’deddu imennaajä nä’döa: Adha’deddu jäcäinchädä chäänönge mätä’täja’de; chäänönge määneja’de äwäätämmencajoodawä; quee imennaajä nä’döa.