Amaokwu Akwụkwọ Nsọ Ndị Ama Ama siteré na ປະຖົມມະການ 49

Kesaa

ຢູດາ ຈະ​ຖື​ຕາ​ຕັ້ງ​ອຳນາດ​ແຫ່ງ​ຣາຊາ ສືບ​ຮອດ​ຍາດ​ວົງ​ໃຫ້​ເຊື້ອສາຍ​ຄອງ​ອຳນາດ ຈົນ​ມີ​ຫລາຍ​ຊົນຊາດ​ອາສາ​ຫາ​ຂອງຂວັນ​ມາ​ຖວາຍ​ແດ່ ແລະ​ກົ້ມ​ຂາບລົງ​ໄຫວ້​ເຈົ້າ​ຝູງ​ຄົນ​ເຝົ້າ​ເຊື່ອຟັງ.

ສ່ວນ​ໂຢເຊັບ​ນັ້ນ​ດັ່ງ​ລໍປ່າ​ຕາມ​ແຄມ​ນໍ້າພຸ​ໄສ ປຽບ​ຄື​ລູກ​ມ້າ​ເຖິກ​ໂຕ​ງາມ​ຕາມ​ເນີນພູ​ພຸ້ນ. ສັດຕູ​ບຸກໂຈມຕີ​ຮອບດ້ານ​ຢ່າງ​ໃຈ​ອຳມະຫິດ ແລະ​ເລັ່ງ​ໄລ່​ຕິດຕາມ​ຖື​ທະນູ​ແລະ​ໜ້າ​ພ້ອມ.

ແຕ່​ໂຢເຊັບ​ຖື​ໜ້າທະນູ​ໄວ້​ໃນ​ກຳມື​ຢ່າງ​ໝັ້ນແກ່ນ ແລະ​ແຂນ​ລາວ​ຈຶ່ງ​ໄດ້​ຮັບ​ຊ່ວຍ​ຊູ​ຂຶ້ນ​ໃຫ້​ແຂງແຮງ; ເປັນ​ເພາະ​ຣິດອຳນາດ​ຂອງ​ພຣະອົງ ຄື​ພຣະເຈົ້າ​ອົງ​ຊົງ​ນຳພາ​ຢາໂຄບ​ມາ​ຕະຫລອດ. ພຣະອົງ​ເປັນ​ທັງ​ຜູ້​ປົກປ້ອງ​ຄຸ້ມຄອງ​ຕະຫລອດ​ມາ ທັງ​ເປັນ​ພຣະຜູ້​ລ້ຽງ​ຊົນເຜົ່າ​ຊາດ​ອິດສະຣາເອນ​ດ້ວຍ. ຍ້ອນ​ຄວາມ​ຊ່ວຍຊູ​ຂອງ​ພຣະເຈົ້າ​ແຫ່ງ​ພຣະ​ບິດາ ອົງ​ຊົງຣິດ​ອຳນາດ​ຍິ່ງໃຫຍ່​ຖອກເທ​ພອນ​ລົງ​ມາ ເໝືອນ​ດັ່ງ​ຫ່າຝົນ​ເທ​ລົງ​ມາ​ສູ່​ພິພົບ ປັດຖະພີ​ບໍ່​ຫລົບຫລີກ​ໄດ້​ເລີຍ​ໄປ​ສູ່​ພື້ນ​ທ້ອງ​ທາລາ. ໂດຍ​ອວຍພອນ​ໃຫ້​ມີ​ລົ້ນ ທັງ​ຝູງງົວ​ແລະ​ລູກຫລານ​ຕື່ມ ໃຫ້​ເປັນ​ກໍ​ເປັນ​ເຫງົ້າ​ຢ່າງ​ຫລວງຫລາຍ.

ຢູດາ​ເອີຍ ພວກ​ພີ່ນ້ອງ​ຈະ​ຮ້ອງ​ຄຳ​ສັນລະເສີນ ເພາະ​ເຈົ້າ​ເຄີຍ​ຈັບ​ຄໍ​ສັດຕູ​ຍໍ​ຂື້ນ​ແລະ​ລົງ​ໄດ້. ອ້າຍ​ນ້ອງ​ນົບນ້ອມ​ໄຫວ້​ເປັນໃຈ​ນຳ​ທຸກ​ທ່າ; ພາກັນ​ມາ​ຊ້ອງໜ້າ​ຢູດາ​ທ້າວ​ແທ້​ໃດ ຢູດາ​ນີ້ ຍັງ​ເກັ່ງກ້າ​ຮ້າຍກາດ​ເໝືອນ​ໂຕສິງ; ຂ້າ​ເຫຍື່ອ​ຍາດ​ຊີງ​ມາ ແລະ​ຟ້າວ​ໄປ​ຫາ​ໝົ້ງ​ນອນ​ລີ້. ຢຽດຕົວ​ລົງ​ນອນ​ເນີ້ງ​ເຮັດ​ຕາ​ຫລັບ​ສີ​ພັບໆ ໃຜ​ບໍ່​ກ້າ​ຫຍັບ​ເຂົ້າ​ໃກ້​ຍາມ​ລາວ​ໄດ້​ນອນ​ຫລັບ​ສະບາຍ.

ຣູເບັນ ຜູ້​ເປັນ​ລູກກົກ​ຂອງ​ເຮົາ ຜູ້​ຊຶ່ງ​ເປັນ​ກຳລັງ ແລະ​ຜົນ​ແຮກ​ແຫ່ງ​ເຫື່ອແຮງ​ຂອງ​ເຮົາ ທັງ​ຂະຫຍັນ​ແລະ​ອົງອາດ​ໃນ​ບັນດາ​ລູກ​ຂອງ​ພໍ່; ແຮງ​ເທົ່າທຽມ​ດັ່ງ​ກະແສ​ນໍ້າ​ຊັດຊົນ​ໄປ, ແຕ່​ເຈົ້າ​ນັ້ນ​ຈະ​ບໍ່ແມ່ນ​ບຸລຸດ​ຄົນ​ສຳຄັນ ເພາະ​ເຈົ້າ​ລັກ​ນອນ​ນຳ​ເມຍນ້ອຍ​ຂອງຂ້ອຍ. ເຈົ້າ​ຈຶ່ງ​ເຮັດ​ໃຫ້​ຂ້ອຍ​ເສື່ອມເສຍ​ກຽດ​ສັກສີ ເຮັດ​ໃຫ້​ຕຽງ​ຂ້ອຍ​ມີ​ຣາຄີ​ເປັນ​ມົນທິນ​ໄປ​ຕະຫລອດ.