Amaokwu Akwụkwọ Nsọ Ndị Ama Ama siteré na PA’TOLE 10

Kesaa

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu, sia ungkaritutui tu pepasan sia aluk Napondok PUANG, tu kupapassanangko allo iate, kumua mumalaga’-laga’.

Belanna iatu PUANG, Kapenombammi, Iamo Puang Matua undaoanni mintu’ deata sia Puangna mintu’ puang, iamotu Kapenomban pasareongan sia mawatang sia metakuran, tu tang umpelindo rupa tau sia tang untarima pamengan

Iamoto sunna’i tu kuli’ penaammi sia damo mimatoro.

tu untonganan kara-karana pia biung sia baine balu sia umpa’petiroan kamamasean lako to sae, ke Nabenni roti sia pakean.

Puang Iamo kadipudiammu sia Puang Iamo Kapenombammu, tu mangka umpogaurangko te mai apa tarompo’ sia metakuran tu mutiro kalena.

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

Manassa iatu PUANG Kapenombammu, Iamo Puangna langi’, ondongpi ma’iringanna langi’ dao, sia lino sia mintu’ apa lan.

Iamoto la mikamasei tu to sae, belanna iatu kamu mangkamokomi to sae lan tondok Mesir.