Romans 9
9
1ကျွန်ုပ်သည် ခရစ်တော်၏တပည့်ဖြစ်၍ မှန်သောစကားကို ယခုကျွန်ုပ်ပြော၏။ ကျွန်ုပ်သည် လိမ်လည်၍ ပြောဆိုခြင်းမပြု။ ကျွန်ုပ်သည် မှန်သောစကားကိုပြောကြောင်း ဝိညာဉ်တော်၏အုပ်စိုးမှုကိုခံသော ကျွန်ုပ်၏ အရှက်အကြောက်စိတ်ကလည်း သက်သေခံနေ၏။ 2ကျွန်ုပ်၏စိတ်နှလုံးသည် ကျွန်ုပ်၏လူမျိုုး၊ ကျွန်ုပ်၏ဆွေမျိုးသားချင်းတို့အတွက် ဝမ်းနည်းပူဆွေးလျက် အခါမလပ် ပြင်းထန်သောဝေဒနာကို ခံစားလျက်ရှိ၏။ 3သူတို့၏အကျိုးအတွက် ကျွန်ုပ်သည် ဘုရှားရှင်၏ကျိန်စာသင့်တော်မူခြင်းကိုလည်းကောင်း၊ ခရစ်တော်နှင့် ကွဲကွာမှုကိုလည်းကောင်း ခံယူလိုသော ဆန္ဒရှိပါ၏။ 4သူတို့သည်ကား ဘုရားရှင်၏ လူမျိုးတော်များဖြစ်ကြ၏။ ဘုရားရှင်သည် သူတို့အား သားသမီးများအဖြစ် ချီးမြှောက်တော်မူ၍ မိမိ၏ဘုန်းအသရေတော်ကို ဖူးမြင်ခွင့်ပေးတော်မူ၏။ ကိုယ်တော်သည် သူတို့နှင့်အတူ ပဋိညာဉ်များပြုတော်မူ၏။ သူတို့အား ပညတ်တရားကို ပေးအပ်တော်မူ၏။ သူတို့သည် မှန်ကန်သော ဝတ်ပြုကိုးကွယ်ခြင်းနည်းလမ်းများနှင့် ကတိတော်များကို ခံယူရရှိကြ၏။ 5သူတို့သည် ဟေဗြဲလူမျိုးတို့၏ ဘိုးဘေးများမှ ဆင်းသက်လာသူများဖြစ်ကြသည်။ ခရစ်တော်သည် လူ့ဇာတိအားဖြင့် ထိုသူတို့၏ အမျိုးအနွယ်ပင်ဖြစ်ပေသည်။ ခပ်သိမ်းသောအရာတို့ကို အစိုးရတော်မူသော ဘုရားရှင်သည် ထာဝစဉ်မင်္ဂလာရှိတော်မူပါစေသတည်း။ အာမင်။ 6ဘုရားရှင်၏ ကတိတော်အတိုင်း အကောင်အထည်ခြင်းမရှိဟု ကျွန်ုပ်ဆိုလိုခြင်း မဟုတ်ပေ။ အဘယ်ကြောင့်ဆိုသော် ဘုရားရှင်၏လူမျိုးတော်တွင် အစ္စရေးလူမျိုးများအားလုံး ပါဝင်ခြင်းမရှိသောကြောင့်ဖြစ်၏။ 7ထို့အပြင် အာဗြဟံထံမှ ဆင်းသက်လာကြသူအားလုံးတို့သည် အာဗြဟံ၏ သားမြေးအစစ်များ မဟုတ်ကြပေ။ ဘုရားရှင်က "သင်သည် ဣဇက်အားဖြင့်သာလျှင် သားမြေးများကိုရလိမ့်မည်" ဟုအာဗြဟံအား မိန့်တော်မူခဲ့၏။ 8တစ်နည်းဆိုရလျှင် သာမန်အားဖြင့် မွေးဖွားလာကြသော အာဗြဟံ၏သားမြေးများသည် ဘုရားရှင်၏ သားသမီးများ မဟုတ်ကြပေ။ ကိုယ်တော်၏ကတိတော်အတိုင်း မွေးဖွားလာကြသူများကိုသာလျှင် အာဗြဟံ၏ သားမြေးအစစ်အမှန်များဟု ခေါ်ဆိုနိုင်ပေသည်။ 9ဘုရားရှင်က "အချိန်တန်သောအခါ ငါသည် ကြွလာခဲ့မည်" ဟုအာဗြဟံအား ကတိထားတော်မူခဲ့လေသည်။ 10ထို့အပြင် ရေဗက္က၏သားနှစ်ယောက်သည်လည်း ငါတို့၏ဘိုးဘေးဖြစ်သော ဣဇက်နှင့်ရသော သားများပင် ဖြစ်ကြ၏။ 11သို့သော် သူတို့မမွေးဖွားမီနှင့် အဆိုးအကောင်းအား ပြုကျင့်နိုင်ခြင်း မရှိမီကပင် 12ဘုရားရှင်သည် ရေဗက္ကအား "သင်၏သားကြီးသည် သားငယ်၏ အစေကိုခံရလိမ့်မည်" ဟုမိန့်တော်မူခဲ့၏။ ဘုရားရှင်သည် ဤသို့မိန့်တော်မူရခြင်းမှာ ကိုယ်တော်သည် မိမိအကြံအစည်ကို ဖော်ပြရန်ဖြစ်ပေသည်။ ထိုသို့ ရွေးကောက်တော်မူရာ၌ ပြုမူကျင့်ကြံမှုအပေါ်တွင် မူတည်သည်မဟုတ်ပေ။ ကိုယ်တော်၏ ခေါ်ယူတော်မူခြင်းပေါ်၌ မူတည်ပေသည်။ 13ကျမ်းစာတော်၌ "ယာကုပ်အား ငါသည် ချစ်မြတ်နိုးတော်မူ၏။ ဧသောကိုကား မုန်းတီး၏" ဟု ရေးသားထားလေသည်။ 14သို့ဖြစ်၍ ဘုရားရှင်သည် တရားမျှတမှုမရှိဟု ဆိုရမည်လော။ မည်သည့်နည်းနှင့်မျှ ဤသို့မဆိုနိုင်ပေ။ 15ကိုယ်တော်က မောရှေအား "ငါကျေးဇူးပြုလိုသူအား ငါသည်ကျေးဇူးပြုမည်ဖြစ်၏။ ငါသနားလိုသူကို သနားမည်ဖြစ်၏" ဟုမိန့်တော်မူ၏။ 16ထို့ကြောင့် ဘုရားရှင်၏ ရွေးချယ်မှုသည် လူ၏အလိုဆန္ဒ သို့မဟုတ် ကြိုးစားအားထုတ်မှုပေါ်၌ မူတည်နေခြင်းမရှိပေ။ ကိုယ်တော်၏ ဂရုဏာတော်အပေါ်၌သာ မူတည်လျက်ရှိပေသည်။ 17ကိုယ်တော်က ဖာရောဘုရင်အား "သင့်အား ဘုရင်အဖြစ် ငါချီးမြှောက်ရခြင်းအကြောင်းမှာ သင်သည် ငါ့အားဖြင့် ငါ၏တန်ခိုးတော်ကိုပြသ၍ ကမ္ဘာတစ်ဝန်းတွင် ငါ၏ဂုဏ်သတင်းကို ပျံ့နှံ့စေရန်ဖြစ်၏" ဟု မိန့်တော်မူကြောင်း ကျမ်းစာတော်တွင် ရေးသားထား၏။ 18သို့ဖြစ်၍ ကိုယ်တော်သည် မိမိသနားလိုသူကို သနားတော်မူခြင်းရှိ၍ မိမိခေါင်းမာစေလိုသူတို့အား ခေါင်းမာစေတော်မူ၏။ 19"ထိုသို့ဖြစ်ပါမူ ဘုရားရှင်သည် လူတို့ကို မည်ကဲ့သို့ အပြစ်တင်နိုင်ပါမည်နည်း။ မည်သူသည် ကိုယ်တော်၏ အလိုတော်အား ဆန့်ကျင်ဘက်ပြုနိုင်ပါမည်နည်း" ဟူ၍မေးမြန်းလိုသူရှိလိမ့်မည်နည်း။ 20မိတ်ဆွေ၊ သင်သည် မည်ကဲ့သို့သောသူဖြစ်၍ ဘုရားရှင်အား ဤသို့လျှောက်ထားနိုင်သနည်း။ အဖန်ဆင်းခံက ဖန်ဆင်းတော်မူသည့် အရှင်အား "အရှင်သည် အဘယ်ကြောင့် အကျွန်ုပ်အား ဤသို့ဖန်ဆင်းတော်မူပါသနည်း" ဟုမေးနိုင်မည်လော။ 21အိုးထိန်းသည်က ရွံ့စေးအား မိမိ၏အလိုဆန္ဒအတိုင်း ပြုလုပ်ပိုင်ခွင့်ရှိသည် မဟုတ်လော။ သူသည် ရွံ့တုံးတစ်ခုတည်းမှ ကောင်းသောအိုးကိုဖြစ်စေ ညံ့သောအိုးကိုဖြစ်စေ ပြုလုပ်ပိုင်ခွင့်ရှိသည် မဟုတ်လော။ 22ဘုရားရှင်သည်လည်း ဤနည်းအတိုင်းပင် ပြုတော်မူသည်။ ကိုယ်တော်သည် အမျက်တော်ကိုပြရန်နှင့် တန်ခိုးတော်ကိုထင်ရှားစေရန် အလိုရှိတော်မူ၏။ သို့ရာတွင် အမျက်တော်ရှိ၍ ပျက်စီးဆုံးရှုံးထိုက်သူတို့အား လွန်စွာပင် သည်းခံတော်မူ၏။ 23ထို့အပြင် ကိုယ်တော်သည် သူကရုဏာထားတော်မူသော ကျွန်ုပ်တို့အား သူ၏ကြွယ်ဝသော ဘုန်းအသရေတော်ကို ဖူးမြင်စေရန်လည်း အလိုရှိတော်မူ၏။ ကိုယ်တော်၏ ဘုန်းအသရေတော်ကို ခံစားခွင့်ရစေရန် ကိုယ်တော် ပြင်ဆင်ထားသည့်သူများဖြစ်ကြသော ကျွန်ုပ်တို့အား ထိုကြွယ်ဝသော ဘုန်းအသရေကို ခံစားစေတော်မူ၏။ 24ကျွန်ုပ်တို့သည် ကိုယ်တော်ခေါ်ယူတော်မူသောသူများဖြစ်ကြ၏။ ကိုယ်တော်သည် ကျွန်ုပ်တို့ကို ခေါ်ယူရာတွင် အစ္စရေးလူမျိုးများအထဲမှသာမက လူမျိုးခြားများအထဲမှလည်း ခေါ်ယူတော်မူလေသည်။ 25ဟောရှေ၏ကျမ်းတွင် ကိုယ်တော်က ငါ၏လူမျိုးတော် မဟုတ်သူတို့ကို "ငါ၏လူမျိုးတော်" ဟုငါခေါ်မည်ဖြစ်၏။ ငါ့အားမချစ်သောလူမျိုးတို့အားလည်း ငါ့အားချစ်သောလူမျိုးများဟု ငါသည်ခေါ်မည်ဖြစ်၏။ 26မည်သည့်အရပ်၌မဆို သင်တို့သည် ငါ၏လူမျိုးတော်မဟုတ်ဟု အခေါ်ခံရသော သူတို့သည် “အသက်ရှင်တော်မူသော ဘုရားရှင်၏ သားသမီးများ ဟုအခေါ်ခံရကြလိမ့်မည်” ဟူ၍မိန့်တော်မူပေသည်။ 27အစ္စရေးလူမျိုးများနှင့်ပတ်သက်၍ ဟေရှာယက "အစ္စရေးလူမျိုးများသည် ပင်လယ်ကမ်းခြေရှိ သဲပွင့်များအမျှ များပြားစေကာမူ သူတို့အထဲမှ လူနည်းစုသာလျှင် ကယ်တင်ခြင်းကို ခံကြရလိမ်မည်။ 28အဘယ်ကြောင့်ဆိုသော် ဘုရားရှင်သည် ကမ္ဘာပေါ်ရှိလူအပေါင်းတို့ကို မဆိုင်းမတွပင် အလျင်အမြန် တရားစီရင်တော်မူမည် ဖြစ်သောကြောင့်တည်း" ဟုကြွေးကြော်ခဲ့၏။ 29ထို့အပြင် အနန္တတန်ခိုးရှင် ထာဝရဘုရားသည် ငါတို့၏လူမျိုးများ ပျောက်ကွယ်သွားခြင်း မရှိစေရန် ကျွန်ုပ်တို့၏ သားမြေးအချို့တို့အား ချမ်းသာပေးတော်မူခြင်းမရှိခဲ့လျှင် ကျွန်ုပ်တို့သည် သောဒုံမြို့နှင့် ဂေါမောရမြို့တို့၏ ကံကြမ္မာနှင့် တွေ့ကြုံကြလိမ့်မည်" ဟုယခင်က ဟေရှာယဖော်ပြခဲ့သည့်အတိုင်းပင် ဖြစ်ပေသည်။ 30ကျွန်ုပ်တို့ ဆိုလိုသည်မှာ ဤသို့ဖြစ်၏။ ဘုရားရှင်နှင့် မှန်ကန်စွာဆက်ဆံနိုင်ရန် ကြိုးပမ်းခြင်းမရှိကြသော လူမျိုးခြားများသည် ယုံကြည်ခြင်းအားဖြင့် ကိုယ်တော်နှင့် မှန်ကန်စွာဆက်သွယ်ခွင့်ကို ရရှိကြ၏။ 31သို့ရာတွင် ရွေးကောက်တော်မူခြင်းကိုခံရသော လူမျိုးတော်သည် ဘုရားရှင်နှင့် မှန်ကန်စွာ ဆက်သွယ်စေမည့် ပညတ်တရားတော်ကို ရှာဖွေသော်လည်း မတွေ့ရှိကြပေ။ 32အဘယ်ကြောင့်နည်း။ အဘယ်ကြောင့်ဆိုသော် သူတို့၏လုပ်ဆောင်ချက်သည် ဘုရားရှင်အားယုံကြည်မှုအပေါ်၌ အခြေပြုခြင်းမရှိဘဲ မိမိတို့၏အကျင့်သီလအပေါ်၌ အခြေပြုသောကြောင့်ဖြစ်၏။ သို့ဖြစ်၍ ကျမ်းစာတော်တွင် ရေးသားဖော်ပြထားသည့် ကျောက်အားတိုက်မိ၍ လဲကျကြ၏။ 33ကျမ်းစာတော်တွင် "ကြည့်လော့။ လူတို့တိုက်မိ၍လဲကျစေရန် ကျောက်တုံးတစ်တုံးအား ဇိအုန်တောင်ပေါ်တွင် ငါသည်ချထားမည်ဖြစ်၏။ ထိုကျောက်တုံးကို လူတို့တိုက်မိ၍ လဲကြလိမ့်မည်။ သို့ရာတွင် ကိုယ်တော်အား ယုံကြည်သူသည် မည်သည့်အခါတွင်မျှ စိတ်ပျက်ရလိမ့်မည်မဟုတ်" ဟုဖော်ပြပါရှိပေသည်။
Jelenleg kiválasztva:
Romans 9: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 9
9
1ကျွန်ုပ်သည် ခရစ်တော်၏တပည့်ဖြစ်၍ မှန်သောစကားကို ယခုကျွန်ုပ်ပြော၏။ ကျွန်ုပ်သည် လိမ်လည်၍ ပြောဆိုခြင်းမပြု။ ကျွန်ုပ်သည် မှန်သောစကားကိုပြောကြောင်း ဝိညာဉ်တော်၏အုပ်စိုးမှုကိုခံသော ကျွန်ုပ်၏ အရှက်အကြောက်စိတ်ကလည်း သက်သေခံနေ၏။ 2ကျွန်ုပ်၏စိတ်နှလုံးသည် ကျွန်ုပ်၏လူမျိုုး၊ ကျွန်ုပ်၏ဆွေမျိုးသားချင်းတို့အတွက် ဝမ်းနည်းပူဆွေးလျက် အခါမလပ် ပြင်းထန်သောဝေဒနာကို ခံစားလျက်ရှိ၏။ 3သူတို့၏အကျိုးအတွက် ကျွန်ုပ်သည် ဘုရှားရှင်၏ကျိန်စာသင့်တော်မူခြင်းကိုလည်းကောင်း၊ ခရစ်တော်နှင့် ကွဲကွာမှုကိုလည်းကောင်း ခံယူလိုသော ဆန္ဒရှိပါ၏။ 4သူတို့သည်ကား ဘုရားရှင်၏ လူမျိုးတော်များဖြစ်ကြ၏။ ဘုရားရှင်သည် သူတို့အား သားသမီးများအဖြစ် ချီးမြှောက်တော်မူ၍ မိမိ၏ဘုန်းအသရေတော်ကို ဖူးမြင်ခွင့်ပေးတော်မူ၏။ ကိုယ်တော်သည် သူတို့နှင့်အတူ ပဋိညာဉ်များပြုတော်မူ၏။ သူတို့အား ပညတ်တရားကို ပေးအပ်တော်မူ၏။ သူတို့သည် မှန်ကန်သော ဝတ်ပြုကိုးကွယ်ခြင်းနည်းလမ်းများနှင့် ကတိတော်များကို ခံယူရရှိကြ၏။ 5သူတို့သည် ဟေဗြဲလူမျိုးတို့၏ ဘိုးဘေးများမှ ဆင်းသက်လာသူများဖြစ်ကြသည်။ ခရစ်တော်သည် လူ့ဇာတိအားဖြင့် ထိုသူတို့၏ အမျိုးအနွယ်ပင်ဖြစ်ပေသည်။ ခပ်သိမ်းသောအရာတို့ကို အစိုးရတော်မူသော ဘုရားရှင်သည် ထာဝစဉ်မင်္ဂလာရှိတော်မူပါစေသတည်း။ အာမင်။ 6ဘုရားရှင်၏ ကတိတော်အတိုင်း အကောင်အထည်ခြင်းမရှိဟု ကျွန်ုပ်ဆိုလိုခြင်း မဟုတ်ပေ။ အဘယ်ကြောင့်ဆိုသော် ဘုရားရှင်၏လူမျိုးတော်တွင် အစ္စရေးလူမျိုးများအားလုံး ပါဝင်ခြင်းမရှိသောကြောင့်ဖြစ်၏။ 7ထို့အပြင် အာဗြဟံထံမှ ဆင်းသက်လာကြသူအားလုံးတို့သည် အာဗြဟံ၏ သားမြေးအစစ်များ မဟုတ်ကြပေ။ ဘုရားရှင်က "သင်သည် ဣဇက်အားဖြင့်သာလျှင် သားမြေးများကိုရလိမ့်မည်" ဟုအာဗြဟံအား မိန့်တော်မူခဲ့၏။ 8တစ်နည်းဆိုရလျှင် သာမန်အားဖြင့် မွေးဖွားလာကြသော အာဗြဟံ၏သားမြေးများသည် ဘုရားရှင်၏ သားသမီးများ မဟုတ်ကြပေ။ ကိုယ်တော်၏ကတိတော်အတိုင်း မွေးဖွားလာကြသူများကိုသာလျှင် အာဗြဟံ၏ သားမြေးအစစ်အမှန်များဟု ခေါ်ဆိုနိုင်ပေသည်။ 9ဘုရားရှင်က "အချိန်တန်သောအခါ ငါသည် ကြွလာခဲ့မည်" ဟုအာဗြဟံအား ကတိထားတော်မူခဲ့လေသည်။ 10ထို့အပြင် ရေဗက္က၏သားနှစ်ယောက်သည်လည်း ငါတို့၏ဘိုးဘေးဖြစ်သော ဣဇက်နှင့်ရသော သားများပင် ဖြစ်ကြ၏။ 11သို့သော် သူတို့မမွေးဖွားမီနှင့် အဆိုးအကောင်းအား ပြုကျင့်နိုင်ခြင်း မရှိမီကပင် 12ဘုရားရှင်သည် ရေဗက္ကအား "သင်၏သားကြီးသည် သားငယ်၏ အစေကိုခံရလိမ့်မည်" ဟုမိန့်တော်မူခဲ့၏။ ဘုရားရှင်သည် ဤသို့မိန့်တော်မူရခြင်းမှာ ကိုယ်တော်သည် မိမိအကြံအစည်ကို ဖော်ပြရန်ဖြစ်ပေသည်။ ထိုသို့ ရွေးကောက်တော်မူရာ၌ ပြုမူကျင့်ကြံမှုအပေါ်တွင် မူတည်သည်မဟုတ်ပေ။ ကိုယ်တော်၏ ခေါ်ယူတော်မူခြင်းပေါ်၌ မူတည်ပေသည်။ 13ကျမ်းစာတော်၌ "ယာကုပ်အား ငါသည် ချစ်မြတ်နိုးတော်မူ၏။ ဧသောကိုကား မုန်းတီး၏" ဟု ရေးသားထားလေသည်။ 14သို့ဖြစ်၍ ဘုရားရှင်သည် တရားမျှတမှုမရှိဟု ဆိုရမည်လော။ မည်သည့်နည်းနှင့်မျှ ဤသို့မဆိုနိုင်ပေ။ 15ကိုယ်တော်က မောရှေအား "ငါကျေးဇူးပြုလိုသူအား ငါသည်ကျေးဇူးပြုမည်ဖြစ်၏။ ငါသနားလိုသူကို သနားမည်ဖြစ်၏" ဟုမိန့်တော်မူ၏။ 16ထို့ကြောင့် ဘုရားရှင်၏ ရွေးချယ်မှုသည် လူ၏အလိုဆန္ဒ သို့မဟုတ် ကြိုးစားအားထုတ်မှုပေါ်၌ မူတည်နေခြင်းမရှိပေ။ ကိုယ်တော်၏ ဂရုဏာတော်အပေါ်၌သာ မူတည်လျက်ရှိပေသည်။ 17ကိုယ်တော်က ဖာရောဘုရင်အား "သင့်အား ဘုရင်အဖြစ် ငါချီးမြှောက်ရခြင်းအကြောင်းမှာ သင်သည် ငါ့အားဖြင့် ငါ၏တန်ခိုးတော်ကိုပြသ၍ ကမ္ဘာတစ်ဝန်းတွင် ငါ၏ဂုဏ်သတင်းကို ပျံ့နှံ့စေရန်ဖြစ်၏" ဟု မိန့်တော်မူကြောင်း ကျမ်းစာတော်တွင် ရေးသားထား၏။ 18သို့ဖြစ်၍ ကိုယ်တော်သည် မိမိသနားလိုသူကို သနားတော်မူခြင်းရှိ၍ မိမိခေါင်းမာစေလိုသူတို့အား ခေါင်းမာစေတော်မူ၏။ 19"ထိုသို့ဖြစ်ပါမူ ဘုရားရှင်သည် လူတို့ကို မည်ကဲ့သို့ အပြစ်တင်နိုင်ပါမည်နည်း။ မည်သူသည် ကိုယ်တော်၏ အလိုတော်အား ဆန့်ကျင်ဘက်ပြုနိုင်ပါမည်နည်း" ဟူ၍မေးမြန်းလိုသူရှိလိမ့်မည်နည်း။ 20မိတ်ဆွေ၊ သင်သည် မည်ကဲ့သို့သောသူဖြစ်၍ ဘုရားရှင်အား ဤသို့လျှောက်ထားနိုင်သနည်း။ အဖန်ဆင်းခံက ဖန်ဆင်းတော်မူသည့် အရှင်အား "အရှင်သည် အဘယ်ကြောင့် အကျွန်ုပ်အား ဤသို့ဖန်ဆင်းတော်မူပါသနည်း" ဟုမေးနိုင်မည်လော။ 21အိုးထိန်းသည်က ရွံ့စေးအား မိမိ၏အလိုဆန္ဒအတိုင်း ပြုလုပ်ပိုင်ခွင့်ရှိသည် မဟုတ်လော။ သူသည် ရွံ့တုံးတစ်ခုတည်းမှ ကောင်းသောအိုးကိုဖြစ်စေ ညံ့သောအိုးကိုဖြစ်စေ ပြုလုပ်ပိုင်ခွင့်ရှိသည် မဟုတ်လော။ 22ဘုရားရှင်သည်လည်း ဤနည်းအတိုင်းပင် ပြုတော်မူသည်။ ကိုယ်တော်သည် အမျက်တော်ကိုပြရန်နှင့် တန်ခိုးတော်ကိုထင်ရှားစေရန် အလိုရှိတော်မူ၏။ သို့ရာတွင် အမျက်တော်ရှိ၍ ပျက်စီးဆုံးရှုံးထိုက်သူတို့အား လွန်စွာပင် သည်းခံတော်မူ၏။ 23ထို့အပြင် ကိုယ်တော်သည် သူကရုဏာထားတော်မူသော ကျွန်ုပ်တို့အား သူ၏ကြွယ်ဝသော ဘုန်းအသရေတော်ကို ဖူးမြင်စေရန်လည်း အလိုရှိတော်မူ၏။ ကိုယ်တော်၏ ဘုန်းအသရေတော်ကို ခံစားခွင့်ရစေရန် ကိုယ်တော် ပြင်ဆင်ထားသည့်သူများဖြစ်ကြသော ကျွန်ုပ်တို့အား ထိုကြွယ်ဝသော ဘုန်းအသရေကို ခံစားစေတော်မူ၏။ 24ကျွန်ုပ်တို့သည် ကိုယ်တော်ခေါ်ယူတော်မူသောသူများဖြစ်ကြ၏။ ကိုယ်တော်သည် ကျွန်ုပ်တို့ကို ခေါ်ယူရာတွင် အစ္စရေးလူမျိုးများအထဲမှသာမက လူမျိုးခြားများအထဲမှလည်း ခေါ်ယူတော်မူလေသည်။ 25ဟောရှေ၏ကျမ်းတွင် ကိုယ်တော်က ငါ၏လူမျိုးတော် မဟုတ်သူတို့ကို "ငါ၏လူမျိုးတော်" ဟုငါခေါ်မည်ဖြစ်၏။ ငါ့အားမချစ်သောလူမျိုးတို့အားလည်း ငါ့အားချစ်သောလူမျိုးများဟု ငါသည်ခေါ်မည်ဖြစ်၏။ 26မည်သည့်အရပ်၌မဆို သင်တို့သည် ငါ၏လူမျိုးတော်မဟုတ်ဟု အခေါ်ခံရသော သူတို့သည် “အသက်ရှင်တော်မူသော ဘုရားရှင်၏ သားသမီးများ ဟုအခေါ်ခံရကြလိမ့်မည်” ဟူ၍မိန့်တော်မူပေသည်။ 27အစ္စရေးလူမျိုးများနှင့်ပတ်သက်၍ ဟေရှာယက "အစ္စရေးလူမျိုးများသည် ပင်လယ်ကမ်းခြေရှိ သဲပွင့်များအမျှ များပြားစေကာမူ သူတို့အထဲမှ လူနည်းစုသာလျှင် ကယ်တင်ခြင်းကို ခံကြရလိမ်မည်။ 28အဘယ်ကြောင့်ဆိုသော် ဘုရားရှင်သည် ကမ္ဘာပေါ်ရှိလူအပေါင်းတို့ကို မဆိုင်းမတွပင် အလျင်အမြန် တရားစီရင်တော်မူမည် ဖြစ်သောကြောင့်တည်း" ဟုကြွေးကြော်ခဲ့၏။ 29ထို့အပြင် အနန္တတန်ခိုးရှင် ထာဝရဘုရားသည် ငါတို့၏လူမျိုးများ ပျောက်ကွယ်သွားခြင်း မရှိစေရန် ကျွန်ုပ်တို့၏ သားမြေးအချို့တို့အား ချမ်းသာပေးတော်မူခြင်းမရှိခဲ့လျှင် ကျွန်ုပ်တို့သည် သောဒုံမြို့နှင့် ဂေါမောရမြို့တို့၏ ကံကြမ္မာနှင့် တွေ့ကြုံကြလိမ့်မည်" ဟုယခင်က ဟေရှာယဖော်ပြခဲ့သည့်အတိုင်းပင် ဖြစ်ပေသည်။ 30ကျွန်ုပ်တို့ ဆိုလိုသည်မှာ ဤသို့ဖြစ်၏။ ဘုရားရှင်နှင့် မှန်ကန်စွာဆက်ဆံနိုင်ရန် ကြိုးပမ်းခြင်းမရှိကြသော လူမျိုးခြားများသည် ယုံကြည်ခြင်းအားဖြင့် ကိုယ်တော်နှင့် မှန်ကန်စွာဆက်သွယ်ခွင့်ကို ရရှိကြ၏။ 31သို့ရာတွင် ရွေးကောက်တော်မူခြင်းကိုခံရသော လူမျိုးတော်သည် ဘုရားရှင်နှင့် မှန်ကန်စွာ ဆက်သွယ်စေမည့် ပညတ်တရားတော်ကို ရှာဖွေသော်လည်း မတွေ့ရှိကြပေ။ 32အဘယ်ကြောင့်နည်း။ အဘယ်ကြောင့်ဆိုသော် သူတို့၏လုပ်ဆောင်ချက်သည် ဘုရားရှင်အားယုံကြည်မှုအပေါ်၌ အခြေပြုခြင်းမရှိဘဲ မိမိတို့၏အကျင့်သီလအပေါ်၌ အခြေပြုသောကြောင့်ဖြစ်၏။ သို့ဖြစ်၍ ကျမ်းစာတော်တွင် ရေးသားဖော်ပြထားသည့် ကျောက်အားတိုက်မိ၍ လဲကျကြ၏။ 33ကျမ်းစာတော်တွင် "ကြည့်လော့။ လူတို့တိုက်မိ၍လဲကျစေရန် ကျောက်တုံးတစ်တုံးအား ဇိအုန်တောင်ပေါ်တွင် ငါသည်ချထားမည်ဖြစ်၏။ ထိုကျောက်တုံးကို လူတို့တိုက်မိ၍ လဲကြလိမ့်မည်။ သို့ရာတွင် ကိုယ်တော်အား ယုံကြည်သူသည် မည်သည့်အခါတွင်မျှ စိတ်ပျက်ရလိမ့်မည်မဟုတ်" ဟုဖော်ပြပါရှိပေသည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.