Romans 15
15
1ယုံကြည်ခြင်းခိုင်မာကြသူ ကျွန်ုပ်တို့သည် ယုံကြည်ခြင်းအားနည်းသူတို့၏ ဝန်ထုပ်ဝန်ပိုးများကို ကူညီ၍ ထမ်းသင့်၏။ ကျွန်ုပ်တို့သည် မိမိ၏အလိုကိုလိုက်၍ မလုပ်ဆောင်ရ။ 2ကျွန်ုပ်တို့ရှိသမျှ ယုံကြည်ခြင်းမခိုင်မာကြသေးသော ညီအစ်ကိုများ၏ ယုံကြည်ခြင်းခိုင်မာလာကြစေရန် သူတို့၏အကျိုးကို ထောက်ရှု၍ သူတို့၏ အလိုကိုလိုက်သင့်၏။ 3"ကိုယ်တော်အား လူတို့စော်ကားပြောဆိုခြင်းသည် အမှန်ပင် အကျွန်ုပ်အား စော်ကားပြောဆိုခြင်း ဖြစ်ပါ၏" ဟု ကျမ်းစာတော်တွင် ဖော်ပြထားသည့်အတိုင်း ခရစ်တော်သည် မိမိ၏အလိုတော်ကို လိုက်တော်မူခြင်းမရှိခဲ့ပေ။ 4ကျမ်းစာတော်တွင် ရေးသားဖော်ပြထားသမျှသော အရာတို့သည် ကျွန်ုပ်တို့အား သွန်သင်ဆုံးမရန်အတွက် ဖြစ်သည်။ ထိုသို့ ရေးသားဖော်ပြရခြင်းမှာ ကျွန်ုပ်တို့သည် ကျမ်းစာတော်မှရရှိသည့် သည်းခံမှုနှင့် နှစ်သိမ့်မှုတို့အားဖြင့် မိမိတို့၌ မျှော်လင့်ခြင်းကို ရရှိနိုင်ကြစေရန်ပင်ဖြစ်သည်။ 5သင်တို့အားလုံးသည် ခရစ်တော်ယေရှုအား စံနမူနာယူ၍ တစ်စိတ်တစ်ဝမ်းတည်းရှိကြစေရန် သည်းခံမှုနှင့် နှစ်သိမ့်မှု၏အရှင် ဘုရားရှင်သည် သင်တို့အား ကူညီမတော်မူပါစေ။ 6သို့မှသာ သင်တို့အပေါင်းသည် တစ်ညီတညွှတ်တည်းဖြင့် ကျွန်ုပ်တို့၏အရှင်ဖြစ်သော ကိုယ်တော်ယေရှု၏ ခမည်းတော် ဘုရားရှင်၏ ဂုဏ်ကျေးဇူးအား ချီးမွမ်းနိုင်ကြလိမ့်မည်ဖြစ်၏။ 7ထို့ကြောင့် ခရစ်တော်သည် သင်တို့အား လက်ခံသကဲ့သို့ ဘုရားရှင်၏ဘုန်းအသရေတော် ထွန်းတောက်စေရန် သင်တို့သည်လည်း အချင်းချင်း တစ်ယောက်ကိုတစ်ယောက် လက်ခံကြလော့။ 8ဘုရားရှင်သည် ကတိတည်တော်မူသော အရှင်ဖြစ်ကြောင်းကို ပြသရန် တစ်နည်းအားဖြင့် ဘိုးဘေးတို့အား ဘုရားရှင်ထားတော်မူသော ကတိတော်ကို အကောင်အထည်ဖော်ရန် ခရစ်တော်သည် အစ္စရေးလူမျိုးတို့၏ အကျိုးအတွက် ဆောင်ရွက်တော်မူရန် ကြွလာခြင်းဖြစ်၏။ 9လူမျိုးခြားများကပင် ဘုရားရှင်၏ကရုဏာတော်ကို ချီးမွမ်းနိုင်ကြစေရန်အတွက်လည်း ဆောင်ရွက်တော်မူ၏။ ကျမ်းစာတော်တွင်၊ "ထို့ကြောင့် အကျွန်ုပ်သည် လူမျိုးခြားတို့အထဲတွင် ကိုယ်တော်၏ ဂုဏ်တော်ကို ချီးမွမ်းပါမည်။ ကိုယ်တော်၏ နာမတော်အာလည်း ချီးမွမ်းသီဆိုပါမည်" ဟုဖော်ပြပါရှိသည့်အတိုင်းပင် ဖြစ်ပေသည်။ 10တဖန် ကျမ်းစာတော်တွင်၊ "လူမျိုးခြားတို့ ၊ကိုယ်တော်၏ လူမျိုးတော်နှင့်အတူ ရွှင်လန်းဝမ်းမြောက်ကြလော့" ဟူ၍လည်းကောင်း၊ 11တဖန် "လူမျိုးခြားအပေါင်းတို့၊ ထာဝရဘုရား၏ ဂုဏ်တော်ကို ချီးမွမ်းကြလော့။ လူမျိုးအပေါင်းတို့၊ ကိုယ်တော်၏ ဂုဏ်တော်ကို ချီးမွမ်းကြလော့" ဟူ၍လည်းကောင်း ဖော်ပြပါရှိပါသည်။ 12တဖန် ဟေရှာယက၊ "ယေရှဲ၏ သားမြေးတစ်ဦးသည် ပေါ်ထွန်းလာလိမ့်မည်။ သူသည် လူမျိုးခြားတို့ကို အုပ်စိုးတော်မူမည်ဖြစ်၍ ထိုသူတို့သည် သူ့ကို အားကိုးမျှော်လင့်ကြလိမ့်မည်" ဟုဖော်ပြခဲ့သည်။ 13ဉာဏ်အလင်းတော်၏ တန်ခိုးအားဖြင့် သင်တို့၏ မျှော်လင့်ခြင်းပါရမီ ကြွယ်ဝစေရန် မျှော်လင့်ခြင်း၏ ဘုရားရှင်သည် သင်တို့၏ ယုံကြည်မှုကြောင့် သင်တို့အား ဝမ်းမြောက်ခြင်းအမျိုးမျိုးနှင့် ငြိမ်သက်ခြင်းကို ပေးသနားတော်မူပါစေ။ 14ညီအစ်ကိုတို့ သင်တို့သည် ကောင်းမြတ်ခြင်း ပါရမီနှင့်လည်းကောင်း၊ အသိပညာအမျိုးမျိုးနှင့်လည်းကောင်း ပြည်စုံလျက် အချင်းချင်း သွန်သင်နိုင်ကြကြောင်းကို ကျွန်ုပ်သည် စိတ်ချယုံကြည်ပါသည်။ 15သို့သော် ဤစာတွင် အချို့အမှုကိစ္စများနှင့်ပတ်သတ်၍ သင်တို့အား သတိပေးရာ၌ ကျွန်ုပ်သည် ဘုရားရှင် ပေးသနားတော်မူသော အခွင့်ထူးအားအကြောင်းပြု၍ ရဲတင်းပွင့်လင်းစွာရေးသားထားပေ၏။ 16ထိုအခွင့်ထူးမှာ လူမျိုးခြားတို့အတွက် အမှုတော်ဆောင်ရန် ခရစ်တော်ယေရှု၏ အစေခံဖြစ်ရသော အခွင့်ထူးပင်ဖြစ်သည်။ လူမျိုးခြားတို့သည် ဘုရားရှင်နှစ်သက်ဖွယ်ရာ ပူဇော်သက္ကာအဖြစ် ဘုရားရှင်အား ဉာဏ်အလင်းတော်အားဖြင့် ဆက်ကပ်သူများ ဖြစ်လာကြစေရန် ကျွန်ုပ်သည် ပုရောဟိတ်၏ လုပ်ငန်းတာဝန်ကို ထမ်းဆောင်လျက် ဘုရားရှင်၏ထံတော်မှ သတင်းကောင်းကို ဟောပြောကြေညာပါ၏။ 17ထို့ကြောင့် ကျွန်ုပ်သည် ခရစ်တော်ယေရှုနှင့် တစ်လုံးတစ်ဝတည်းဖြစ်လျက် ဘုရားရှင်၏ အမှုတော်ကို ဆောင်ရွက်ရသည့်အတွက် ဂုဏ်ယူဝင့်ကြွားနိုင်ပေသည်။ 18လူမျိုးခြားတို့သည် ဘုရားရှင်၏စကားကို နာခံလာကြစေရန် ကျွန်ုပ်၏ အပြုအမူများအားဖြင့်လည်းကောင်း၊ 19ထူးဆန်းသော နိမိတ်လက္ခဏာများနှင့် အံ့ဖွယ်အမှုအရာများအားဖြင့်လည်းကောင်း၊ ဘုရားရှင်၏ ဝိညာဉ်တော်အားဖြင့်လည်းကောင်း ခရစ်တော်ပြုတော်မူသော အရာများအကြောင်းကိုသာလျှင် ကျွန်ုပ်သည် ရဲဝံ့စွာဖော်ပြမည်ဖြစ်၏။ သို့ဖြစ်၍ ကျွန်ုပ်သည် ဂျေရုဆလင်မြို့မှ ဣလုရိပြည်အထိတိုင် ရောက်ရှိသည့်အရပ်ရပ်၌ ခရစ်တော်၏အကြောင်း သတင်းကောင်းကို အကုန်အစင်ကြေညာခဲ့ပြီဖြစ်၏။ 20သူတစ်ပါးတို့ ချမှတ်ခဲ့သည် အုတ်မြစ်ပေါ်တွင် ကျွန်ုပ်သည် တည်ဆောက်လိုခြင်းမရှိပေ။ ကျွန်ုပ်၏ဆန္ဒနှင့် ခရစ်တော်အကြောင်း မကြားဖူးသေးသော အရပ်တို့တွင် သတင်းကောင်းကို ကြေညာရန်ဖြစ်သည်။ 21ကျမ်းစာတော်တွင်၊ "ထိုသူ၏အကြောင်းကို မည်သူကမျှ မပြောဘူးသော်လည်း သူတို့သည် မြင်ကြလိမ့်မည်။ မကြားဘူးသောသူတို့သည် နားလည်ကြလိမ့်မည်" ဟုဖော်ပြပါရှိသည့်အတိုင်းပင်ဖြစ်သည်။ 22ဤအကြောင်းကြောင့် ကျွန်ုပ်သည် အကြိမ်ကြိမ်အခါခါ ကြိုးစားသော်လည်း သင်တို့ထံသို့ မရောက်နိုင်ခဲ့ပေ။ 23သို့ရာတွင် ယခုအခါ၌ ကျွန်ုသည် ထိုဒေသများတွင် ဆောင်ရွက်သင့်သည့် အမှုကိစ္စများကို ဆောင်ရွက်ပြီးပြီ ဖြစ်၏။ သင်တို့ထံသို့လာရန် လွန်ခဲ့သောနှစ်ပေါင်းများစွာကပင် ဆန္ဒရှိခဲ့သည့်အတိုင်း 24ယခု သင်တို့ထံသို့ လာရောက်နိုင်မည်ဟု မျှော်လင့်ပါသည်။ ကျွန်ုပ်သည် စပိန်ပြည်သို့ ခရီးသွားစဉ် သင်တို့ထံသို့ ဝင်ရောက်လည်ပတ်ရန် အကြံရှိပါသည်။ သင်တို့ထံတွင် ခေတ္တမျှတည်းခို၍ လည်ပတ်ပြီးနောက်တွင် စပိန်ပြည်သို့ ဆက်လက်ခရီးပြုနိုင်ရန် ကျွန်ုပ်အား ကူညီမစကြစေလိုပါသည်။ 25သို့သော် ယခုတွင် ကျွန်ုပ်သည် ဂျေရုလင်မြို့သို့သွား၍ ယုံကြည်သူများအား ကူညီပေးနေပါ၏။ 26ယခုမူ မာကေဒေါနိပြည်နှင့် ဂရိပြည်ရှိအသင်းတော်တို့က ဂျေရုဆလင်မြို့ရှိ ဘုရားရှင်၏ လူမျိုးတော်ထဲတွင် ဆင်းရဲသောတပည့်တော်တို့အား စေတနာအလျောက် ပေးလှူထောက်ပံ့ရန်ဆုံးဖြတ်သဖြင့် ထိုမြို့ရှိ တပည့်တော်တို့အား ထောက်ပံ့ရန် ကျွန်ုပ်သွားမည်ဖြစ်၏။ 27ထိုသို့ သူတို့ဆုံးဖြတ်ကြသည်မှာ မိမိတို့၏ စေတနာအလျောက်ပင် ဖြစ်ပေသည်။ အမှန်အားဖြင့်ဆိုသော် ထိုဆင်းရဲသောလူတို့အား ကူညီမစရန် သူတို့ထံတွင် တာဝန်ရှိ၏။ အစ္စရေးလူမျိုးတို့သည် မိမိတို့ခံစားရသည့် ဝိညာဉ်ဆုကျေးဇူးကို လူမျိုးခြားတို့အား ဝေမျှကြသည်ဖြစ်ရာ လူမျိုးခြားတို့ကလည်း အစ္စရေးလူမျိုးတို့အား စားဝတ်နေရေးကိစ္စတွင် အကူအညီပေးသင့်ကြပေသည်။ 28သို့ဖြစ်၍ ကျွန်ုပ်သည် ကောက်ခံရရှိသမျှသော အလှူငွေများအား ထိုသူတို့အား ပေးအပ်ရန်ကိစ္စ ပြီးစီးအောင် ဆောင်ရွက်ပြီးနောက် စပိန်ပြည်သို့ ဖခရီးသွားမည်ဖြစ်၏။ ခရီးလမ်းကြုံကြိုက်၍ သင်တို့ထံသို့ ဝင်ရောက်လည်ပတ်မည်ဖြစ်၏။ 29သင်တို့ထံသို့ လာသောအခါ ခရစ်တော်၏ ကောင်းချီးမင်္ဂလာအပြည့်အစုံနှင့် ကျွန်ုပ်ရောက်လာမည်ကို ကျွန်ုပ်သိ၏။ 30ညီအစ်ကိုတို့၊ ကျွန်ုပ်တို့၏အရှင် ယေရှုခရစ်တော်နှင့် ဝိညာဉ်တော်က ကျွန်ုပ်တို့အား ပေးသနားတော်မူသော မေတ္တာကိုအကြောင်းပြု၍ ကျွန်ုပ်အတွက် ကျွန်ုပ်နှင့်အတူ ဘုရားရှင်ထံတော်သို့ စိတ်အားထက်သန်စွာ ဆုတောင်းခြင်းပြုကြရန် သင်တို့အား ကျွန်ုပ်တိုက်တွန်းနှိုးဆော်ပါ၏။ 31ကျွန်ုပ်သည် အစ္စရေးပြည်ရှိ မယုံကြည်သူတို့၏ဘေးရန်မှ လွတ်မြောက်နိုင်စေရန်နှင့် ကျွန်ုပ်၏ လူမျိုးတော်များက ဝမ်းသာစွာဖြင့် လက်ခံနိုင်ကြစေရန် ဆုတောင်းခြင်း ပြုကြပါလော့။ 32သို့ဖြစ်၍ ဘုရားရှင်အလိုရှိလျှင် ကျွန်ုပ်သည် ဝမ်းမြောက်စွာဖြင့် သင်တို့ထံသို်လာ၍ သင်တို့နှင့်အတူ ပျော်ရွှင်စွာ နားနေခွင့်ကို ရရှိပါလိမ့်မည်။ 33ငြိမ်သက်ခြင်း၏အရှင် ဘုရားရှင်သည် သင်တို့အပေါင်းတို့နှင့် အတူရှိတော်မူပါစေ။ အာမင်။
Jelenleg kiválasztva:
Romans 15: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Romans 15
15
1ယုံကြည်ခြင်းခိုင်မာကြသူ ကျွန်ုပ်တို့သည် ယုံကြည်ခြင်းအားနည်းသူတို့၏ ဝန်ထုပ်ဝန်ပိုးများကို ကူညီ၍ ထမ်းသင့်၏။ ကျွန်ုပ်တို့သည် မိမိ၏အလိုကိုလိုက်၍ မလုပ်ဆောင်ရ။ 2ကျွန်ုပ်တို့ရှိသမျှ ယုံကြည်ခြင်းမခိုင်မာကြသေးသော ညီအစ်ကိုများ၏ ယုံကြည်ခြင်းခိုင်မာလာကြစေရန် သူတို့၏အကျိုးကို ထောက်ရှု၍ သူတို့၏ အလိုကိုလိုက်သင့်၏။ 3"ကိုယ်တော်အား လူတို့စော်ကားပြောဆိုခြင်းသည် အမှန်ပင် အကျွန်ုပ်အား စော်ကားပြောဆိုခြင်း ဖြစ်ပါ၏" ဟု ကျမ်းစာတော်တွင် ဖော်ပြထားသည့်အတိုင်း ခရစ်တော်သည် မိမိ၏အလိုတော်ကို လိုက်တော်မူခြင်းမရှိခဲ့ပေ။ 4ကျမ်းစာတော်တွင် ရေးသားဖော်ပြထားသမျှသော အရာတို့သည် ကျွန်ုပ်တို့အား သွန်သင်ဆုံးမရန်အတွက် ဖြစ်သည်။ ထိုသို့ ရေးသားဖော်ပြရခြင်းမှာ ကျွန်ုပ်တို့သည် ကျမ်းစာတော်မှရရှိသည့် သည်းခံမှုနှင့် နှစ်သိမ့်မှုတို့အားဖြင့် မိမိတို့၌ မျှော်လင့်ခြင်းကို ရရှိနိုင်ကြစေရန်ပင်ဖြစ်သည်။ 5သင်တို့အားလုံးသည် ခရစ်တော်ယေရှုအား စံနမူနာယူ၍ တစ်စိတ်တစ်ဝမ်းတည်းရှိကြစေရန် သည်းခံမှုနှင့် နှစ်သိမ့်မှု၏အရှင် ဘုရားရှင်သည် သင်တို့အား ကူညီမတော်မူပါစေ။ 6သို့မှသာ သင်တို့အပေါင်းသည် တစ်ညီတညွှတ်တည်းဖြင့် ကျွန်ုပ်တို့၏အရှင်ဖြစ်သော ကိုယ်တော်ယေရှု၏ ခမည်းတော် ဘုရားရှင်၏ ဂုဏ်ကျေးဇူးအား ချီးမွမ်းနိုင်ကြလိမ့်မည်ဖြစ်၏။ 7ထို့ကြောင့် ခရစ်တော်သည် သင်တို့အား လက်ခံသကဲ့သို့ ဘုရားရှင်၏ဘုန်းအသရေတော် ထွန်းတောက်စေရန် သင်တို့သည်လည်း အချင်းချင်း တစ်ယောက်ကိုတစ်ယောက် လက်ခံကြလော့။ 8ဘုရားရှင်သည် ကတိတည်တော်မူသော အရှင်ဖြစ်ကြောင်းကို ပြသရန် တစ်နည်းအားဖြင့် ဘိုးဘေးတို့အား ဘုရားရှင်ထားတော်မူသော ကတိတော်ကို အကောင်အထည်ဖော်ရန် ခရစ်တော်သည် အစ္စရေးလူမျိုးတို့၏ အကျိုးအတွက် ဆောင်ရွက်တော်မူရန် ကြွလာခြင်းဖြစ်၏။ 9လူမျိုးခြားများကပင် ဘုရားရှင်၏ကရုဏာတော်ကို ချီးမွမ်းနိုင်ကြစေရန်အတွက်လည်း ဆောင်ရွက်တော်မူ၏။ ကျမ်းစာတော်တွင်၊ "ထို့ကြောင့် အကျွန်ုပ်သည် လူမျိုးခြားတို့အထဲတွင် ကိုယ်တော်၏ ဂုဏ်တော်ကို ချီးမွမ်းပါမည်။ ကိုယ်တော်၏ နာမတော်အာလည်း ချီးမွမ်းသီဆိုပါမည်" ဟုဖော်ပြပါရှိသည့်အတိုင်းပင် ဖြစ်ပေသည်။ 10တဖန် ကျမ်းစာတော်တွင်၊ "လူမျိုးခြားတို့ ၊ကိုယ်တော်၏ လူမျိုးတော်နှင့်အတူ ရွှင်လန်းဝမ်းမြောက်ကြလော့" ဟူ၍လည်းကောင်း၊ 11တဖန် "လူမျိုးခြားအပေါင်းတို့၊ ထာဝရဘုရား၏ ဂုဏ်တော်ကို ချီးမွမ်းကြလော့။ လူမျိုးအပေါင်းတို့၊ ကိုယ်တော်၏ ဂုဏ်တော်ကို ချီးမွမ်းကြလော့" ဟူ၍လည်းကောင်း ဖော်ပြပါရှိပါသည်။ 12တဖန် ဟေရှာယက၊ "ယေရှဲ၏ သားမြေးတစ်ဦးသည် ပေါ်ထွန်းလာလိမ့်မည်။ သူသည် လူမျိုးခြားတို့ကို အုပ်စိုးတော်မူမည်ဖြစ်၍ ထိုသူတို့သည် သူ့ကို အားကိုးမျှော်လင့်ကြလိမ့်မည်" ဟုဖော်ပြခဲ့သည်။ 13ဉာဏ်အလင်းတော်၏ တန်ခိုးအားဖြင့် သင်တို့၏ မျှော်လင့်ခြင်းပါရမီ ကြွယ်ဝစေရန် မျှော်လင့်ခြင်း၏ ဘုရားရှင်သည် သင်တို့၏ ယုံကြည်မှုကြောင့် သင်တို့အား ဝမ်းမြောက်ခြင်းအမျိုးမျိုးနှင့် ငြိမ်သက်ခြင်းကို ပေးသနားတော်မူပါစေ။ 14ညီအစ်ကိုတို့ သင်တို့သည် ကောင်းမြတ်ခြင်း ပါရမီနှင့်လည်းကောင်း၊ အသိပညာအမျိုးမျိုးနှင့်လည်းကောင်း ပြည်စုံလျက် အချင်းချင်း သွန်သင်နိုင်ကြကြောင်းကို ကျွန်ုပ်သည် စိတ်ချယုံကြည်ပါသည်။ 15သို့သော် ဤစာတွင် အချို့အမှုကိစ္စများနှင့်ပတ်သတ်၍ သင်တို့အား သတိပေးရာ၌ ကျွန်ုပ်သည် ဘုရားရှင် ပေးသနားတော်မူသော အခွင့်ထူးအားအကြောင်းပြု၍ ရဲတင်းပွင့်လင်းစွာရေးသားထားပေ၏။ 16ထိုအခွင့်ထူးမှာ လူမျိုးခြားတို့အတွက် အမှုတော်ဆောင်ရန် ခရစ်တော်ယေရှု၏ အစေခံဖြစ်ရသော အခွင့်ထူးပင်ဖြစ်သည်။ လူမျိုးခြားတို့သည် ဘုရားရှင်နှစ်သက်ဖွယ်ရာ ပူဇော်သက္ကာအဖြစ် ဘုရားရှင်အား ဉာဏ်အလင်းတော်အားဖြင့် ဆက်ကပ်သူများ ဖြစ်လာကြစေရန် ကျွန်ုပ်သည် ပုရောဟိတ်၏ လုပ်ငန်းတာဝန်ကို ထမ်းဆောင်လျက် ဘုရားရှင်၏ထံတော်မှ သတင်းကောင်းကို ဟောပြောကြေညာပါ၏။ 17ထို့ကြောင့် ကျွန်ုပ်သည် ခရစ်တော်ယေရှုနှင့် တစ်လုံးတစ်ဝတည်းဖြစ်လျက် ဘုရားရှင်၏ အမှုတော်ကို ဆောင်ရွက်ရသည့်အတွက် ဂုဏ်ယူဝင့်ကြွားနိုင်ပေသည်။ 18လူမျိုးခြားတို့သည် ဘုရားရှင်၏စကားကို နာခံလာကြစေရန် ကျွန်ုပ်၏ အပြုအမူများအားဖြင့်လည်းကောင်း၊ 19ထူးဆန်းသော နိမိတ်လက္ခဏာများနှင့် အံ့ဖွယ်အမှုအရာများအားဖြင့်လည်းကောင်း၊ ဘုရားရှင်၏ ဝိညာဉ်တော်အားဖြင့်လည်းကောင်း ခရစ်တော်ပြုတော်မူသော အရာများအကြောင်းကိုသာလျှင် ကျွန်ုပ်သည် ရဲဝံ့စွာဖော်ပြမည်ဖြစ်၏။ သို့ဖြစ်၍ ကျွန်ုပ်သည် ဂျေရုဆလင်မြို့မှ ဣလုရိပြည်အထိတိုင် ရောက်ရှိသည့်အရပ်ရပ်၌ ခရစ်တော်၏အကြောင်း သတင်းကောင်းကို အကုန်အစင်ကြေညာခဲ့ပြီဖြစ်၏။ 20သူတစ်ပါးတို့ ချမှတ်ခဲ့သည် အုတ်မြစ်ပေါ်တွင် ကျွန်ုပ်သည် တည်ဆောက်လိုခြင်းမရှိပေ။ ကျွန်ုပ်၏ဆန္ဒနှင့် ခရစ်တော်အကြောင်း မကြားဖူးသေးသော အရပ်တို့တွင် သတင်းကောင်းကို ကြေညာရန်ဖြစ်သည်။ 21ကျမ်းစာတော်တွင်၊ "ထိုသူ၏အကြောင်းကို မည်သူကမျှ မပြောဘူးသော်လည်း သူတို့သည် မြင်ကြလိမ့်မည်။ မကြားဘူးသောသူတို့သည် နားလည်ကြလိမ့်မည်" ဟုဖော်ပြပါရှိသည့်အတိုင်းပင်ဖြစ်သည်။ 22ဤအကြောင်းကြောင့် ကျွန်ုပ်သည် အကြိမ်ကြိမ်အခါခါ ကြိုးစားသော်လည်း သင်တို့ထံသို့ မရောက်နိုင်ခဲ့ပေ။ 23သို့ရာတွင် ယခုအခါ၌ ကျွန်ုသည် ထိုဒေသများတွင် ဆောင်ရွက်သင့်သည့် အမှုကိစ္စများကို ဆောင်ရွက်ပြီးပြီ ဖြစ်၏။ သင်တို့ထံသို့လာရန် လွန်ခဲ့သောနှစ်ပေါင်းများစွာကပင် ဆန္ဒရှိခဲ့သည့်အတိုင်း 24ယခု သင်တို့ထံသို့ လာရောက်နိုင်မည်ဟု မျှော်လင့်ပါသည်။ ကျွန်ုပ်သည် စပိန်ပြည်သို့ ခရီးသွားစဉ် သင်တို့ထံသို့ ဝင်ရောက်လည်ပတ်ရန် အကြံရှိပါသည်။ သင်တို့ထံတွင် ခေတ္တမျှတည်းခို၍ လည်ပတ်ပြီးနောက်တွင် စပိန်ပြည်သို့ ဆက်လက်ခရီးပြုနိုင်ရန် ကျွန်ုပ်အား ကူညီမစကြစေလိုပါသည်။ 25သို့သော် ယခုတွင် ကျွန်ုပ်သည် ဂျေရုလင်မြို့သို့သွား၍ ယုံကြည်သူများအား ကူညီပေးနေပါ၏။ 26ယခုမူ မာကေဒေါနိပြည်နှင့် ဂရိပြည်ရှိအသင်းတော်တို့က ဂျေရုဆလင်မြို့ရှိ ဘုရားရှင်၏ လူမျိုးတော်ထဲတွင် ဆင်းရဲသောတပည့်တော်တို့အား စေတနာအလျောက် ပေးလှူထောက်ပံ့ရန်ဆုံးဖြတ်သဖြင့် ထိုမြို့ရှိ တပည့်တော်တို့အား ထောက်ပံ့ရန် ကျွန်ုပ်သွားမည်ဖြစ်၏။ 27ထိုသို့ သူတို့ဆုံးဖြတ်ကြသည်မှာ မိမိတို့၏ စေတနာအလျောက်ပင် ဖြစ်ပေသည်။ အမှန်အားဖြင့်ဆိုသော် ထိုဆင်းရဲသောလူတို့အား ကူညီမစရန် သူတို့ထံတွင် တာဝန်ရှိ၏။ အစ္စရေးလူမျိုးတို့သည် မိမိတို့ခံစားရသည့် ဝိညာဉ်ဆုကျေးဇူးကို လူမျိုးခြားတို့အား ဝေမျှကြသည်ဖြစ်ရာ လူမျိုးခြားတို့ကလည်း အစ္စရေးလူမျိုးတို့အား စားဝတ်နေရေးကိစ္စတွင် အကူအညီပေးသင့်ကြပေသည်။ 28သို့ဖြစ်၍ ကျွန်ုပ်သည် ကောက်ခံရရှိသမျှသော အလှူငွေများအား ထိုသူတို့အား ပေးအပ်ရန်ကိစ္စ ပြီးစီးအောင် ဆောင်ရွက်ပြီးနောက် စပိန်ပြည်သို့ ဖခရီးသွားမည်ဖြစ်၏။ ခရီးလမ်းကြုံကြိုက်၍ သင်တို့ထံသို့ ဝင်ရောက်လည်ပတ်မည်ဖြစ်၏။ 29သင်တို့ထံသို့ လာသောအခါ ခရစ်တော်၏ ကောင်းချီးမင်္ဂလာအပြည့်အစုံနှင့် ကျွန်ုပ်ရောက်လာမည်ကို ကျွန်ုပ်သိ၏။ 30ညီအစ်ကိုတို့၊ ကျွန်ုပ်တို့၏အရှင် ယေရှုခရစ်တော်နှင့် ဝိညာဉ်တော်က ကျွန်ုပ်တို့အား ပေးသနားတော်မူသော မေတ္တာကိုအကြောင်းပြု၍ ကျွန်ုပ်အတွက် ကျွန်ုပ်နှင့်အတူ ဘုရားရှင်ထံတော်သို့ စိတ်အားထက်သန်စွာ ဆုတောင်းခြင်းပြုကြရန် သင်တို့အား ကျွန်ုပ်တိုက်တွန်းနှိုးဆော်ပါ၏။ 31ကျွန်ုပ်သည် အစ္စရေးပြည်ရှိ မယုံကြည်သူတို့၏ဘေးရန်မှ လွတ်မြောက်နိုင်စေရန်နှင့် ကျွန်ုပ်၏ လူမျိုးတော်များက ဝမ်းသာစွာဖြင့် လက်ခံနိုင်ကြစေရန် ဆုတောင်းခြင်း ပြုကြပါလော့။ 32သို့ဖြစ်၍ ဘုရားရှင်အလိုရှိလျှင် ကျွန်ုပ်သည် ဝမ်းမြောက်စွာဖြင့် သင်တို့ထံသို်လာ၍ သင်တို့နှင့်အတူ ပျော်ရွှင်စွာ နားနေခွင့်ကို ရရှိပါလိမ့်မည်။ 33ငြိမ်သက်ခြင်း၏အရှင် ဘုရားရှင်သည် သင်တို့အပေါင်းတို့နှင့် အတူရှိတော်မူပါစေ။ အာမင်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.