Psalms 47

1လူမျိုးအပေါင်းတို့ လက်ခုပ်တီးကြလော့။ ရွှင်လန်းဝမ်းမြောက်သောအသံဖြင့် ဘုရားရှင်ထံသို့ ဝမ်းမြောက်စွာ ကြွေးကြော်ကြလော့။ 2အကြောင်းမူကား အမြင့်မြတ်ဆုံးသေအရှင် ဘုရားရှင်သည် အံ့ဩဖွယ်အရှင်ဖြစ်တော်မူ၏။ ကမ္ဘာမြေတစ်ခွင်လုံးအား အုပ်စိုးသော ကြီးမြတ်သည့်ရှင်ဘုရင်ဖြစ်တော်မူ၏။ 3ကိုယ်တော်သည် လူမျိုးတကာတို့ကို အကျွန်ုပ်တို့၏အောက်၌လည်းကောင်း၊ လူမျိုးခြားတို့၏ တိုင်းသူမပြည်သားတို့အား အကျွန်ုပ်တို့ခြေဖဝါးအောက်၌ လည်းကောင်း ငြိမ်ဝပ်ပိပြားစေတော်မူ၏။ 4ကိုယ်တော်သည် မိမိချစ်တော်မူသည့် ယာကုပ်၏ ဂုဏ်ယူဝင့်ကြွားစရာတည်းဟူသော အကျွန်ုပ်တို့၏အမွေကို အကျွန််ုပတို့အတွက် ရွေးချယ်တော်မူ၏။ 5ဘုရားရှင်သည် မိမိ၏ရာဇပလ္လင်တော်သို့ တက်လှမ်းတော်မူ၏။ ဘုရားရှင်တက်လှမ်းတော်မူသောအခါ ရွှင်လန်းဝမ်းမြောက်စွာ ကြွေးကြော်သည့်အသံများနင့် တံပိုးခရာမှုတ်သံများကို ကြားကြရ၏။ 6ဘုရားရှင်ကို သီဆိုချီးမွမ်းကြလော့။ သီဆိုချီးမွမ်းကြလော့။ အကျွန်ုပ်တို့ရှင်ဘုရင်ကို သီဆိုချီးမွမ်းကြလော့။ သီဆိုချီးမွမ်းကြလော့။ 7အကြောင်းမူကား ဘုရားရှင်သည် ကမ္ဘာမြေတစ်ခွင်လုံး၏ ရှင်ဘုရင်ဖြစ်တော်မူ၏။ ကိုယ်တော်အား ဆာလံသီချင်းဖြင့် သီဆိုချီးမွမ်းကြလော့။ 8ဘုရားရှင်သည် လူမျိုးတကာတို့ကို စိုးစံတော်မူ၏။ ဘုရားရှင်သည် မိမိ၏သန့်ရှင်းမြင့်မြတ်သော ပလ္လင်တော်ပေါ်၌ ထိုင်တော်မူ၏။ 9တိုင်းနိုင်ငံတို့အားအုပ်စိုးသည့် မင်းတို့သည် အာဗြဟံကိုးကွယ်သော် ဘုရားရှင်၏လူမျိုးတော်နှင့် အတူစုဝေးကြ၏။ အကြောင်းမူကား ကမ္ဘာမြေကြီး၏ ဒိုင်းလွှားတို့ကို ဘုရားရှင်သည် ပိုင်ဆိုင်တော်မူ၏။ ကိုယ်တော်သည် ချီးမြှောက်ခြင်းကို အထူးခံရတော်မူ၏။

Jelenleg kiválasztva:

Psalms 47: TPV-RV

Kiemelés

Megosztás

Összehasonlít

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Tudj meg többet a következőről: TPV-RV (Thamma Pitakadaw)