Psalms 13

1အို ဘုရားရှင်၊ ကိုယ်တော်သည် အကျွန်ုပ်အား မည်သည့်ကာလတိုင်အောင် မေ့လျော့၍နေတော်မူပါမည်နည်း။ ထာဝစဉ် မေ့လျော့၍ နေတော်မူပါမည်လော။ မည်သည့်ကာလတိုင်အောင် မျက်နှာတော်ကို လွှဲထားတော်မူပါမည်နည်း။ 2အကျွန်ုပ်သည် မည်သည့်ကာလတိုင်အောင် ဒုက္ခခံရပါမည်နည်း။ မည်သည့်ကာလတိုင်အောင် နေ့ရောညပါ ဝမ်းနည်းကြေကွဲလျက် နေရပါမည်နည်း။ အကျွန်ုပ်၏ ရန်သူများသည် မည်သည့်ကာလတိုင်အောင် အကျွန်ုပ်အပေါ်တွင် အနိုင်ရကြပါမည်နည်း။ 3အကျွန်ုပ်၏အရှင်ဖြစ်တော်မူသော ဘုရားရှင်၊ အကျွန်ုပ်ခေါ်သောအခါ ကြည့်တော်မူ၍ ထူးတော်မူပါ။ အကျွန်ုပ်၏မျက်စိအား အလင်းပေးတော်မူပါ။ ထိုသို့မဟုတ်လျှင် အကျွန်ုပ်သည် သေခြင်း၌ အိပ်စက်နေရပါလိမ့်မည်။ 4အကျွန်ုပ်၏ ရန်သူသည်လည်း "သူ့အား ငါသည်အနိုင်ရရှိပြီ" ဟု ပြောဆိုပါလိမ့်မည်။ 5သို့သော် အကျွန်ုပ်သည် ကိုယ်တော်၏ မေတ္တာကရုဏာတော်ကို ယုံကြည်ကိုးစားပါ၏။ အကျွန်ုပ်၏ စိတ်နှလုံးသည် ကိုယ်တော်၏ကယ်တင်ခြင်း၌ ရွှင်လန်းဝမ်းမြောက်ပါမည်။ 6ဘုရားရှင်သည် အကျွန်ုပ်အား ကျေးဇူးပြုတော်မူသောကြောင့် အကျွန်ုပ်သည် ကိုယ်တော်အား သီဆိုချီးမွမ်းပါမည်။

Jelenleg kiválasztva:

Psalms 13: TPV-RV

Kiemelés

Megosztás

Összehasonlít

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Tudj meg többet a következőről: TPV-RV (Thamma Pitakadaw)