2 Thessalonians 2
2
1ညီအစ်ကိုမောင်နှမတို့၊ ကျွန်ုပ်တို့၏အရှင်ဖြစ်သော ယေရှုခရစ်တော် ကြွလာတော်မူခြင်းအကြောင်းနှင့် ကိုယ်တော်ထံ ကျွန်ုပ်တို့ စုဝေးခြင်းအကြောင်းတို့နှင့်ပတ်သက်၍ 2ကြိုတင်ဟောပြောခြင်းအားဖြင့်ဖြစ်စေ၊ နှုတ်ထွက်သတင်းစကားအားဖြင့်ဖြစ်စေ၊ ကျွန်ုပ်တို့ထံမှလာသောစာကဲ့သို့သော စာအားဖြင့်ဖြစ်စေ အရှင် ပြန်လည်ကြွလာမည့် နေ့ရက် ကျရောက်ပြီ ဖြစ်ကြောင်း ပြောဆိုကြသည်ကိုကြားလျှင် လွယ်လွယ်နှင့် တုန်လှုပ်ခြင်း သို့မဟုတ် စိုးရိမ်ခြင်းမရှိကြရန် ကျွန်ုပ်တို့ တောင်းလျှောက်ပါ၏။ 3မည်သူမျှ သင်တို့ကို မည်သည့်နည်းနှင့်မျှမလှည့်ဖြားစေနှင့်။ အကြောင်းမူကား ဆန့်ကျင်ပုန်ကန်မှုဖြစ်ပြီး ပျက်စီးခြင်း၏သားတည်းဟူသော တရားမဲ့သောသူ မပေါ်ပေါက်မီအချိန်အထိ ထိုနေ့ရက်သည် ကျရောက်လာမည် မဟုတ်ပေ။ 4ထိုသူသည် ဘုရားဟူ၍လည်းကောင်း၊ လူတို့ ကိုးကွယ်ကြသော အရာဟူ၍လည်းကောင်း ခေါ်ဝေါ်ကြသောအရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်ကာ ဘုရားရှင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားရှင်ဖြစ်ကြောင်း ကြွေးကြော်လိမ့်မည်။ 5ကျွန်ုပ် သင်တို့နှင့်အတူ ရှိစဉ်က ဤအကြောင်းအရာများ ပြောခဲ့သည်ကို သင်တို့ မမှတ်မိကြသလော။ 6ထိုသူသည် အချိန်ကျသောအခါ ပေါ်လာစေရန် ယခု မည်သည့်အရာက သူ့ကို တားဆီးနေကြောင်း သင်တို့သိကြ၏။ 7အကြောင်းမူကား ထိုတရားမဲ့ခြင်းနှင့်ဆိုင်သည့် လျှို့ဝှက်သောတန်ခိုးသည် လှုပ်ရှားနေပြီဖြစ်၏။ သို့သော်လည်း တားဆီးသူသည် ဖယ်ရှားခံရချိန် မရောက်မီအထိ တားဆီးနေလိမ့်မည်။ 8ထို့နောက် တရားမဲ့သူသည် ပေါ်လာလိမ့်မည်။ သို့သော် အရှင်ယေရှုကြွလာတော်မူသောအခါ ထိုတရားမဲ့သူကို နှုတ်တော်မှထွက်သောလေဖြင့် ဖျက်ဆီး၍ ဘုန်းတန်ခိုးတော်ဖြင့် ပယ်ရှားတော်မူလိမ့်မည်။ 9ထိုတရားမဲ့သူသည် မာရ်နတ်၏ တန်ခိုးဖြင့် ရောက်လာမည်ဖြစ်ပြီး အတုအယောင်အံ့ဖွယ်အမှုများ၊ နိမိတ်လက္ခဏာနှင့် အံ့ဩဖွယ်ရာများကို ပြလိမ့်မည်။ 10ထို့နောက် ပျက်စီးတော့မည့်သူတို့ကို မကောင်းသော နည်းအမျိုးမျိုးဖြင့် လှည့်ဖြားလိမ့်မည်။ ထိုသူတို့သည်ကယ်တင်ခြင်းရနိုင်ရန် သမ္မာတရားတော်ကိုနှစ်သက်လက်ခံမှုမရှိ ကြသောကြောင့်ပျက်စီးမည်ဖြစ်သည်။ 11ထိုအကြောင်းကြောင့် ဘုရားရှင်သည် သူတို့ကို လှည့်ဖြားခံစေတော်မူမည်ဖြစ်ပြီး သူတို့သည်လည်း ထိုလိမ်လည်မှုကို ယုံကြည်ကြလိမ့်မည်။ 12သို့ဖြစ်၍ သူတို့အားလုံးသည် သမ္မာတရားကို မယုံကြည်ဘဲ ကောက်ကျစ်စဉ်းလဲမှုကို နှစ်သက်သောကြောင့် ပြစ်ဒဏ်စီရင်ခြင်းခံကြရလိမ့်မည်။ 13အရှင်ချစ်တော်မူသော ညီအစ်ကိုမောင်နှမတို့၊ ကျွန်ုပ်တို့သည် သင်တို့အတွက် ဘုရားရှင်ကို အစဉ်အမြဲကျေးဇူးတင် သင့်၏။ အဘယ်ကြောင့်ဆိုသော် သင်တို့သည် ဉာဏ်အလင်းတော်၏ မြင့်မြတ်သန့်ရှင်းစေခြင်းနှင့် သမ္မာတရားကို ယုံကြည်ခြင်းအားဖြင့် ကယ်တင်ခံရရန် ဘုရားရှင် ရှေးကတည်းကပင် ရွေးချယ်ထားသောကြောင့်ဖြစ်၏။ 14သို့ဖြစ်၍ ဘုရားရှင်သည် ကျွန်ုပ်တို့ဟောပြောသော မင်္ဂလာသတင်းကောင်းဖြင့် သင်တို့ကို ခေါ်တော်မူ၏။ သို့မှသာ ကျွန်ုပ်တို့၏အရှင်ဖြစ်သော ယေရှုခရစ်တော်၏ ဘုန်းတန်ခိုးတော်ကို သင်တို့ခံစားရရှိနိုင်မည်ဖြစ်၏။ 15ထို့ကြောင့် ညီအစ်ကိုမောင်နှမတို့၊ ကြံ့ကြံ့ခိုင်ခိုင်ရပ်တည်ကြလော့။ စကားဖြင့်ဖြစ်စေ၊ စာဖြင့် ဖြစ်စေ သင်တို့ကို ကျွန်ုပ်တို့ သွန်သင်ခဲ့သည့်အရာများကို ဆက်လက်ယုံကြည်ကြလော့။ 16ကျွန်ုပ်တို့ကို ချစ်၍ ကျေးဇူးတော်ဖြင့် ထာဝရနှစ်သိမ့်ခြင်းနှင့် ကောင်းမြတ်သောမျှော်လင့်ခြင်းတို့ကို ပေးသနားတော်မူသော ကျွန်ုပ်တို့၏အဖဘုရားရှင်နှင့် ကျွန်ုပ်တို့၏အရှင်ဖြစ်သောယေရှုခရစ်တော်ကိုယ်တိုင်သည် 17သင်တို့၏ စိတ်နှလုံးကို နှစ်သိမ့်ပေးပြီး ကောင်းမြတ်သောစကားနှင့် ကောင်းမြတ်သောအမှုအမျိုးမျိုးတို့၌ ခွန်အားပေးတော်မူပါစေသော။
Jelenleg kiválasztva:
2 Thessalonians 2: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Thessalonians 2
2
1ညီအစ်ကိုမောင်နှမတို့၊ ကျွန်ုပ်တို့၏အရှင်ဖြစ်သော ယေရှုခရစ်တော် ကြွလာတော်မူခြင်းအကြောင်းနှင့် ကိုယ်တော်ထံ ကျွန်ုပ်တို့ စုဝေးခြင်းအကြောင်းတို့နှင့်ပတ်သက်၍ 2ကြိုတင်ဟောပြောခြင်းအားဖြင့်ဖြစ်စေ၊ နှုတ်ထွက်သတင်းစကားအားဖြင့်ဖြစ်စေ၊ ကျွန်ုပ်တို့ထံမှလာသောစာကဲ့သို့သော စာအားဖြင့်ဖြစ်စေ အရှင် ပြန်လည်ကြွလာမည့် နေ့ရက် ကျရောက်ပြီ ဖြစ်ကြောင်း ပြောဆိုကြသည်ကိုကြားလျှင် လွယ်လွယ်နှင့် တုန်လှုပ်ခြင်း သို့မဟုတ် စိုးရိမ်ခြင်းမရှိကြရန် ကျွန်ုပ်တို့ တောင်းလျှောက်ပါ၏။ 3မည်သူမျှ သင်တို့ကို မည်သည့်နည်းနှင့်မျှမလှည့်ဖြားစေနှင့်။ အကြောင်းမူကား ဆန့်ကျင်ပုန်ကန်မှုဖြစ်ပြီး ပျက်စီးခြင်း၏သားတည်းဟူသော တရားမဲ့သောသူ မပေါ်ပေါက်မီအချိန်အထိ ထိုနေ့ရက်သည် ကျရောက်လာမည် မဟုတ်ပေ။ 4ထိုသူသည် ဘုရားဟူ၍လည်းကောင်း၊ လူတို့ ကိုးကွယ်ကြသော အရာဟူ၍လည်းကောင်း ခေါ်ဝေါ်ကြသောအရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်ကာ ဘုရားရှင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားရှင်ဖြစ်ကြောင်း ကြွေးကြော်လိမ့်မည်။ 5ကျွန်ုပ် သင်တို့နှင့်အတူ ရှိစဉ်က ဤအကြောင်းအရာများ ပြောခဲ့သည်ကို သင်တို့ မမှတ်မိကြသလော။ 6ထိုသူသည် အချိန်ကျသောအခါ ပေါ်လာစေရန် ယခု မည်သည့်အရာက သူ့ကို တားဆီးနေကြောင်း သင်တို့သိကြ၏။ 7အကြောင်းမူကား ထိုတရားမဲ့ခြင်းနှင့်ဆိုင်သည့် လျှို့ဝှက်သောတန်ခိုးသည် လှုပ်ရှားနေပြီဖြစ်၏။ သို့သော်လည်း တားဆီးသူသည် ဖယ်ရှားခံရချိန် မရောက်မီအထိ တားဆီးနေလိမ့်မည်။ 8ထို့နောက် တရားမဲ့သူသည် ပေါ်လာလိမ့်မည်။ သို့သော် အရှင်ယေရှုကြွလာတော်မူသောအခါ ထိုတရားမဲ့သူကို နှုတ်တော်မှထွက်သောလေဖြင့် ဖျက်ဆီး၍ ဘုန်းတန်ခိုးတော်ဖြင့် ပယ်ရှားတော်မူလိမ့်မည်။ 9ထိုတရားမဲ့သူသည် မာရ်နတ်၏ တန်ခိုးဖြင့် ရောက်လာမည်ဖြစ်ပြီး အတုအယောင်အံ့ဖွယ်အမှုများ၊ နိမိတ်လက္ခဏာနှင့် အံ့ဩဖွယ်ရာများကို ပြလိမ့်မည်။ 10ထို့နောက် ပျက်စီးတော့မည့်သူတို့ကို မကောင်းသော နည်းအမျိုးမျိုးဖြင့် လှည့်ဖြားလိမ့်မည်။ ထိုသူတို့သည်ကယ်တင်ခြင်းရနိုင်ရန် သမ္မာတရားတော်ကိုနှစ်သက်လက်ခံမှုမရှိ ကြသောကြောင့်ပျက်စီးမည်ဖြစ်သည်။ 11ထိုအကြောင်းကြောင့် ဘုရားရှင်သည် သူတို့ကို လှည့်ဖြားခံစေတော်မူမည်ဖြစ်ပြီး သူတို့သည်လည်း ထိုလိမ်လည်မှုကို ယုံကြည်ကြလိမ့်မည်။ 12သို့ဖြစ်၍ သူတို့အားလုံးသည် သမ္မာတရားကို မယုံကြည်ဘဲ ကောက်ကျစ်စဉ်းလဲမှုကို နှစ်သက်သောကြောင့် ပြစ်ဒဏ်စီရင်ခြင်းခံကြရလိမ့်မည်။ 13အရှင်ချစ်တော်မူသော ညီအစ်ကိုမောင်နှမတို့၊ ကျွန်ုပ်တို့သည် သင်တို့အတွက် ဘုရားရှင်ကို အစဉ်အမြဲကျေးဇူးတင် သင့်၏။ အဘယ်ကြောင့်ဆိုသော် သင်တို့သည် ဉာဏ်အလင်းတော်၏ မြင့်မြတ်သန့်ရှင်းစေခြင်းနှင့် သမ္မာတရားကို ယုံကြည်ခြင်းအားဖြင့် ကယ်တင်ခံရရန် ဘုရားရှင် ရှေးကတည်းကပင် ရွေးချယ်ထားသောကြောင့်ဖြစ်၏။ 14သို့ဖြစ်၍ ဘုရားရှင်သည် ကျွန်ုပ်တို့ဟောပြောသော မင်္ဂလာသတင်းကောင်းဖြင့် သင်တို့ကို ခေါ်တော်မူ၏။ သို့မှသာ ကျွန်ုပ်တို့၏အရှင်ဖြစ်သော ယေရှုခရစ်တော်၏ ဘုန်းတန်ခိုးတော်ကို သင်တို့ခံစားရရှိနိုင်မည်ဖြစ်၏။ 15ထို့ကြောင့် ညီအစ်ကိုမောင်နှမတို့၊ ကြံ့ကြံ့ခိုင်ခိုင်ရပ်တည်ကြလော့။ စကားဖြင့်ဖြစ်စေ၊ စာဖြင့် ဖြစ်စေ သင်တို့ကို ကျွန်ုပ်တို့ သွန်သင်ခဲ့သည့်အရာများကို ဆက်လက်ယုံကြည်ကြလော့။ 16ကျွန်ုပ်တို့ကို ချစ်၍ ကျေးဇူးတော်ဖြင့် ထာဝရနှစ်သိမ့်ခြင်းနှင့် ကောင်းမြတ်သောမျှော်လင့်ခြင်းတို့ကို ပေးသနားတော်မူသော ကျွန်ုပ်တို့၏အဖဘုရားရှင်နှင့် ကျွန်ုပ်တို့၏အရှင်ဖြစ်သောယေရှုခရစ်တော်ကိုယ်တိုင်သည် 17သင်တို့၏ စိတ်နှလုံးကို နှစ်သိမ့်ပေးပြီး ကောင်းမြတ်သောစကားနှင့် ကောင်းမြတ်သောအမှုအမျိုးမျိုးတို့၌ ခွန်အားပေးတော်မူပါစေသော။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.