2 Corinthians 3
3
1အကျွန်ုပ်တို့သည် မိမိကိုယ်ကိုယ်ပြန်၍ ထောက်ခံချီးမွမ်းကြသလော။ အကျွန်ုပ်တို့သည် အခြားသူများကဲ့သို့ သင်တို့ထံ ထောက်ခံစာယူလာရန်လိုအပ်သလော။ သို့မဟုတ် သင်တို့ရေးပေးသော ထောက်ခံစာကို လိုအပ်သလော။ 2သင်တို့ကိုယ်တိုင်သည် အကျွန်ုပ်တို့၏နှလုံးသား၌ရေးထားသည့် လူတိုင်းဖတ်ရှု၍သိနိုင်သော အကျွန်ုပ်တို့၏ထောက်ခံစာဖြစ်သည်။ 3သင်တို့သည် အကျွန်ုပ်တို့ပြုစုသော ယေရှုခရစ်တော်ထံမှစာဖြစ်ကြောင်းသိသာထင်ရှားသည်။ ဤစာသည် မင်ဖြင့် ရေးသားထားသောစာမဟုတ်၊ အသက်ရှင်တော်မူသောဘုရားရှင်၏ ဉာဏ်အလင်းတော်အားဖြင့် ရေးသားထားသောစာဖြစ်သည်။ ကျောက်ပြားပေါ်တွင်ရေးထွင်းထားသောစာမဟုတ်၊ လူ၏နှလုံးသားပေါ်တွင် ရေးထွင်းထားသောစာဖြစ်သည်။ 4အကျွန်ုပ်တို့သည် ယေရှုခရစ်တော်အားဖြင့် ဘုရားရှင်၏ရှေ့တော်၌ ထိုသို့သောစိတ်ချယုံကြည်မှုရှိကြသည်။ 5ထိုသို့ဆိုသော် တစ်စုံတစ်ယောက်သည် အကျွန်ုပ်တို့ထံမှဖြစ်လာသည်ဟု သတ်မှတ်နိုင်ရန် အကျွန်ုပ်တို့၌အစွမ်းအစရှိသည်ဟုမဆိုလို။ အကျွန်ုပ်တို့၏အစွမ်းအစသည် ဘုရားရှင်ထံမှလာခြင်းဖြစ်သည်။ 6ဘုရားရှင်သည် အကျွန်ုပ်တို့အား ပဋိညာဉ်အသစ်၏အမှုကိုဆောင်ရွက်နိုင်သောအစွမ်းအစကိုပေးတော်မူသည်။ ထိုပဋိညာဉ်အသစ်သည် စာဖြင့်ရေးသားထားသောတရာမဟုတ်ဘဲ ဉာဏ်အလင်းတော်နှင့်သာဆိုင်သောတရားဖြစ်သည်။ အကြောင်းမူကား စာဖြင့်ရေးသားထားသောတရားသည် အသက်ကိုသေစေပြီး ဉာဏ်အလင်းတော်မူကား အသက်ကိုရှင်စေသည်။ 7ကျောက်ပြားပေါ်တွင် ရေးထွင်းထားသည့် သေခြင်းနှင့်ဆိုင်သောတရားကို ပေးအပ်တော်မူစဉ် ဘုရားရှင်၏ ဘုန်းအသရေတော်ထွန်းတောက်တော်မူသည်။ ထိုဘုန်းအသရေတော်သည် မောရှေ၏မျက်နှာ၌ ထင်ဟပ်၍ ထိုထင်ဟပ်ခြင်းမှာ တဖြည်းဖြည်းမှေးမှိန်လာသော်လည်း အစ္စရေးလူမျိုးတို့သည် မောရှေ၏မျက်နှာကို စေ့စေ့မကြည့်နိုင်ခဲ့ကြပေ။ သေခြင်းနှင့်ဆိုင်သောတရားသည် ဤကဲ့သို့သောဘုန်းအသရေနှင့် ပြည့်စုံလျှင် 8အသက်ကိုရှင်စေသည့် ဘုန်းအသရေနှင့်ပြည့်စုံတော်မူသောဉာဏ်အလင်းတော်၏ တရားသည် မည်မျှပို၍ ဘုန်းအသရေနှင့် ပြည့်စုံလိမ့်မည်နည်း။ 9ပြစ်ဒဏ်ချမှတ်ခြင်းနှင့်ဆိုင်သောတရားသည် ဘုန်းအသရေနှင့် ပြည့်စုံလျှင် ဖြောင့်မတ်စေခြင်းနှင့်ဆိုင်သောတရားသည် ပို၍ပင်ဘုန်းအသရေနှင့် ပြည့်စုံပေလိမ့်မည်။ 10အမှန်တွင်မူ ယခုဘုန်းအသရေ၏ သာလွန်ထူးကဲခြင်းကြောင့် ယခင်ကဘုန်းအသရေရှိသောအရာသည် ကွယ်ပျောက်သွားရခြင်းဖြစ်သည်။ 11မှေးမှိန်သွားသောအရာ၌ ဘုန်းအသရေရှိလျှင် ထာဝရတည်မြဲသောအရာ၌ မည်မျှပို၍ ဘုန်းအသရေရှိလိမ့်မည်နည်း။ 12ဤသို့သောမျှော်လင့်ခြင်းရှိသဖြင့် အကျွန်ုပ်တို့သည် အလွန်ရဲရင့်ကြသည်။ 13အကျွန်ုပ်တို့သည် မောရှေကဲ့သို့မပြုကြ။ မောရှေသည် မှေးမှိန်လာသောဘုန်းအသရေ၏အဆုံးပိုင်းကို အစ္စရေးလူမျိုးတို့ မမြင်နိုင်အောင် သူ၏မျက်နှာအားပဝါဖြင့်ဖုံးအုပ်ခဲ့သည်။ 14ထိုအစ္စရေးလူမျိုးတို့၏ စိတ်နှလုံးသည် မာကျောလျက်ရှိခဲ့သည်။ ယနေ့တိုင်အောင် ပဋိညာဉ်တရားဟောင်းကို ဖတ်သောအခါ ထိုပဝါသည် သူတို့၏ စိတ်နှလုံးကိုဖုံးအုပ်လျက်ရှိသည်။ ယေရှုခရစ်တော်ကို ယုံကြည်ခြင်းအားဖြင့်သာ ထိပဝါကိုဖယ်ရှားနိုင်သည်။ 15ယနေ့တိုင်အောင်ပင် မောရှေ၏ကျမ်းစာကိုဖတ်ကြသောအခါတိုင်းတွင် သူတို့၏စိတ်နှလုံးသည် ထိုပဝါဖြင့် ဖုံးအုပ်ခံရဆဲဖြစ်လျက်နားမလည်နိုင်ဘဲရှိကြသည်။ 16သို့သော် တစ်စုံတစ်ယောက်သည် ဘုရားရှင်ထံသို့ပြန်လှည့်လာသောအခါ ထိုပဝါသည်သူ့ထံမှဖယ်ရှားခံရ သည်။ 17ဘုရားရှင်သည် ဉာဏ်အလင်းတော်ဖြစ်တော်မူပြီး ဘုရားရှင်၏ဉာဏ်အလင်းတော်ရှိသော အရပ်၌ လွတ်လပ်မှုရှိသည်။ 18ထို့ကြောင့် ပဝါဖုံးအုပ်ခံရခြင်းမရှိတော့သော အကျွန်ုပ်တို့၏မျက်နှာတွင် ဘုရားရှင်၏ ဘုန်းတော်ထင်ဟပ်လျက်ရှိသည်။ ဉာဏ်အလင်းတော်ဖြစ်သော ဘုရားရှင်ထံတော်မှဆင်းသက်လာသည့် ဘုန်းအသရေသည် အကျွန်ုပ်တို့ကို အစဉ်အမြဲဘုန်းအသရေတိုးပွားစေ၍ ကိုယ်တော်၏ ပုံသဏ္ဌာန်တော်အတိုင်း ပြောင်းလဲစေလျက်ရှိသည်။
Jelenleg kiválasztva:
2 Corinthians 3: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
2 Corinthians 3
3
1အကျွန်ုပ်တို့သည် မိမိကိုယ်ကိုယ်ပြန်၍ ထောက်ခံချီးမွမ်းကြသလော။ အကျွန်ုပ်တို့သည် အခြားသူများကဲ့သို့ သင်တို့ထံ ထောက်ခံစာယူလာရန်လိုအပ်သလော။ သို့မဟုတ် သင်တို့ရေးပေးသော ထောက်ခံစာကို လိုအပ်သလော။ 2သင်တို့ကိုယ်တိုင်သည် အကျွန်ုပ်တို့၏နှလုံးသား၌ရေးထားသည့် လူတိုင်းဖတ်ရှု၍သိနိုင်သော အကျွန်ုပ်တို့၏ထောက်ခံစာဖြစ်သည်။ 3သင်တို့သည် အကျွန်ုပ်တို့ပြုစုသော ယေရှုခရစ်တော်ထံမှစာဖြစ်ကြောင်းသိသာထင်ရှားသည်။ ဤစာသည် မင်ဖြင့် ရေးသားထားသောစာမဟုတ်၊ အသက်ရှင်တော်မူသောဘုရားရှင်၏ ဉာဏ်အလင်းတော်အားဖြင့် ရေးသားထားသောစာဖြစ်သည်။ ကျောက်ပြားပေါ်တွင်ရေးထွင်းထားသောစာမဟုတ်၊ လူ၏နှလုံးသားပေါ်တွင် ရေးထွင်းထားသောစာဖြစ်သည်။ 4အကျွန်ုပ်တို့သည် ယေရှုခရစ်တော်အားဖြင့် ဘုရားရှင်၏ရှေ့တော်၌ ထိုသို့သောစိတ်ချယုံကြည်မှုရှိကြသည်။ 5ထိုသို့ဆိုသော် တစ်စုံတစ်ယောက်သည် အကျွန်ုပ်တို့ထံမှဖြစ်လာသည်ဟု သတ်မှတ်နိုင်ရန် အကျွန်ုပ်တို့၌အစွမ်းအစရှိသည်ဟုမဆိုလို။ အကျွန်ုပ်တို့၏အစွမ်းအစသည် ဘုရားရှင်ထံမှလာခြင်းဖြစ်သည်။ 6ဘုရားရှင်သည် အကျွန်ုပ်တို့အား ပဋိညာဉ်အသစ်၏အမှုကိုဆောင်ရွက်နိုင်သောအစွမ်းအစကိုပေးတော်မူသည်။ ထိုပဋိညာဉ်အသစ်သည် စာဖြင့်ရေးသားထားသောတရာမဟုတ်ဘဲ ဉာဏ်အလင်းတော်နှင့်သာဆိုင်သောတရားဖြစ်သည်။ အကြောင်းမူကား စာဖြင့်ရေးသားထားသောတရားသည် အသက်ကိုသေစေပြီး ဉာဏ်အလင်းတော်မူကား အသက်ကိုရှင်စေသည်။ 7ကျောက်ပြားပေါ်တွင် ရေးထွင်းထားသည့် သေခြင်းနှင့်ဆိုင်သောတရားကို ပေးအပ်တော်မူစဉ် ဘုရားရှင်၏ ဘုန်းအသရေတော်ထွန်းတောက်တော်မူသည်။ ထိုဘုန်းအသရေတော်သည် မောရှေ၏မျက်နှာ၌ ထင်ဟပ်၍ ထိုထင်ဟပ်ခြင်းမှာ တဖြည်းဖြည်းမှေးမှိန်လာသော်လည်း အစ္စရေးလူမျိုးတို့သည် မောရှေ၏မျက်နှာကို စေ့စေ့မကြည့်နိုင်ခဲ့ကြပေ။ သေခြင်းနှင့်ဆိုင်သောတရားသည် ဤကဲ့သို့သောဘုန်းအသရေနှင့် ပြည့်စုံလျှင် 8အသက်ကိုရှင်စေသည့် ဘုန်းအသရေနှင့်ပြည့်စုံတော်မူသောဉာဏ်အလင်းတော်၏ တရားသည် မည်မျှပို၍ ဘုန်းအသရေနှင့် ပြည့်စုံလိမ့်မည်နည်း။ 9ပြစ်ဒဏ်ချမှတ်ခြင်းနှင့်ဆိုင်သောတရားသည် ဘုန်းအသရေနှင့် ပြည့်စုံလျှင် ဖြောင့်မတ်စေခြင်းနှင့်ဆိုင်သောတရားသည် ပို၍ပင်ဘုန်းအသရေနှင့် ပြည့်စုံပေလိမ့်မည်။ 10အမှန်တွင်မူ ယခုဘုန်းအသရေ၏ သာလွန်ထူးကဲခြင်းကြောင့် ယခင်ကဘုန်းအသရေရှိသောအရာသည် ကွယ်ပျောက်သွားရခြင်းဖြစ်သည်။ 11မှေးမှိန်သွားသောအရာ၌ ဘုန်းအသရေရှိလျှင် ထာဝရတည်မြဲသောအရာ၌ မည်မျှပို၍ ဘုန်းအသရေရှိလိမ့်မည်နည်း။ 12ဤသို့သောမျှော်လင့်ခြင်းရှိသဖြင့် အကျွန်ုပ်တို့သည် အလွန်ရဲရင့်ကြသည်။ 13အကျွန်ုပ်တို့သည် မောရှေကဲ့သို့မပြုကြ။ မောရှေသည် မှေးမှိန်လာသောဘုန်းအသရေ၏အဆုံးပိုင်းကို အစ္စရေးလူမျိုးတို့ မမြင်နိုင်အောင် သူ၏မျက်နှာအားပဝါဖြင့်ဖုံးအုပ်ခဲ့သည်။ 14ထိုအစ္စရေးလူမျိုးတို့၏ စိတ်နှလုံးသည် မာကျောလျက်ရှိခဲ့သည်။ ယနေ့တိုင်အောင် ပဋိညာဉ်တရားဟောင်းကို ဖတ်သောအခါ ထိုပဝါသည် သူတို့၏ စိတ်နှလုံးကိုဖုံးအုပ်လျက်ရှိသည်။ ယေရှုခရစ်တော်ကို ယုံကြည်ခြင်းအားဖြင့်သာ ထိပဝါကိုဖယ်ရှားနိုင်သည်။ 15ယနေ့တိုင်အောင်ပင် မောရှေ၏ကျမ်းစာကိုဖတ်ကြသောအခါတိုင်းတွင် သူတို့၏စိတ်နှလုံးသည် ထိုပဝါဖြင့် ဖုံးအုပ်ခံရဆဲဖြစ်လျက်နားမလည်နိုင်ဘဲရှိကြသည်။ 16သို့သော် တစ်စုံတစ်ယောက်သည် ဘုရားရှင်ထံသို့ပြန်လှည့်လာသောအခါ ထိုပဝါသည်သူ့ထံမှဖယ်ရှားခံရ သည်။ 17ဘုရားရှင်သည် ဉာဏ်အလင်းတော်ဖြစ်တော်မူပြီး ဘုရားရှင်၏ဉာဏ်အလင်းတော်ရှိသော အရပ်၌ လွတ်လပ်မှုရှိသည်။ 18ထို့ကြောင့် ပဝါဖုံးအုပ်ခံရခြင်းမရှိတော့သော အကျွန်ုပ်တို့၏မျက်နှာတွင် ဘုရားရှင်၏ ဘုန်းတော်ထင်ဟပ်လျက်ရှိသည်။ ဉာဏ်အလင်းတော်ဖြစ်သော ဘုရားရှင်ထံတော်မှဆင်းသက်လာသည့် ဘုန်းအသရေသည် အကျွန်ုပ်တို့ကို အစဉ်အမြဲဘုန်းအသရေတိုးပွားစေ၍ ကိုယ်တော်၏ ပုံသဏ္ဌာန်တော်အတိုင်း ပြောင်းလဲစေလျက်ရှိသည်။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.