1 Thessalonians 4
4
1နောက်ဆုံးအနေဖြင့်ဆိုရလျှင် ညီအစ်ကိုမောင်နှမတို့၊ သင်တို့သည် ဘုရားရှင်နှစ်သက်တော်မူရန် မည်သို့ ပြုမူနေထိုင်ရမည်ကို ကျွန်ုပ်တို့သွန်သင်ခဲ့သည့်အတိုင်း ပြုမူနေထိုင်လျက်ရှိ၏။ ယခုတွင် ကျွန်ုပ်တို့သည် ပိုမို၍ကြိုးစားအားထုတ်ရန် အရှင်ယေရှု၏နာမတော်ကိုအမှီပြု၍ တိုက်တွန်းနှိုးဆော်လျက် တောင်းလျှောက်ပါ၏။ 2အကြောင်းမူကား ကျွန်ုပ်တို့သည် အရှင်ယေရှု၏ အခွင့်အာဏာဖြင့် သင်တို့ကို မည်သို့သော အကြောင်းအရာများအား ညွှန်ကြားခဲ့ကြောင်းကို သင်တို့ သိကြသောကြောင့် ဖြစ်၏။ 3ဘုရားရှင်သည် သင်တို့ကို တရားနှင့်မညီသော မေထုန်ပြုခြင်းကို ရှောင်ကြဉ်ခြင်းအားဖြင့် မြင့်မြတ်သန့်ရှင်းစေလိုတော်မူ၏။ 4သင်တို့ တစ်ဦးချင်းစီတိုင်းသည် မြင့်မြတ်ပြီး ဂုဏ်သိက္ခာရှိသောနည်းလမ်းဖြင့် မိမိတို့ကိုယ်ခန္ဓာကို ချုပ်တည်းတတ်ရမည်။ 5ဘုရားရှင်ကို မသိသောသူများကဲ့သို့ ကိလေသာတပ်မက်စိတ် မပြင်းပြရ။ 6ထို့ပြင် ဤသို့သော ကိစ္စများတွင် မည်သူမျှ မိမိတို့ ညီအစ်ကိုအပေါ် စည်းဖောက်၍ အခွင့်ကောင်းမယူရန်ဖြစ်၏။ သင်တို့ကို ကျွန်ုပ်တို့ သတိပေးပြောဆိုခဲ့သည့်အတိုင်း အထက်ပါအပြစ်ဒုစရိုက်တို့ကို ကျူးလွန်သော သူတို့ကို အရှင်သည် ပြစ်ဒဏ်ပေးတော်မူလိမ့်မည်။ 7အကြောင်းမူကား ဘုရားရှင်သည် ကျွန်ုပ်တို့ကို ညစ်ညမ်းစေရန် ခေါ်တော်မူသည် မဟုတ်ဘဲ မြင့်မြတ်သန့်ရှင်းစေရန် ခေါ်တော်မူသောကြောင့်ဖြစ်၏။ 8ထို့ကြောင့် ဤညွှန်ကြားချက်များကို ငြင်းပယ်သော သူတို့သည် လူကိုသာ ငြင်းပယ်ခြင်းမဟုတ်ဘဲ သင်တို့အား ဉာဏ်အလင်းတော်ကို ပေးတော်မူသော ဘုရားရှင်ကို ငြင်းပယ်ခြင်းဖြစ်၏။ 9သင်တို့အချင်းချင်းအပေါ်တွင် ထားသောချစ်ခြင်းမေတ္တာနှင့်ပတ်သက်၍ သင်တို့ထံစာရေးရန်မလိုပေ။ အကြောင်းမူကား သင်တို့ကိုယ်တိုင်သည် အချင်းချင်းချစ်ခြင်းမေတ္တာထားကြရန် ဘုရားရှင်ထံမှသင်ယူခဲ့ကြပြီးဖြစ်၏။ 10အမှန်စင်စစ် သင်တို့သည် မာကေဒေါနိပြည်အရပ်ရပ်၌ နေထိုင်ကြသော ညီအစ်ကိုမောင်နှမအပေါင်းတို့ကို အမှန်တကယ် ချစ်ကြ၏။ သို့ရာတွင် ညီအစ်ကိုမောင်နှမတို့၊ ထိုထက်မက ပိုမို၍ချစ်ကြရန် ကျွန်ုပ်တို့သည် သင်တို့ကို တိုက်တွန်း၏။ 11ထို့ပြင် ကျွန်ုပ်တို့ မှာကြားခဲ့သည့်အတိုင်း သင်တို့သည် တည်ငြိမ်အေးချမ်းစွာ နေထိုင်ရန် ရည်မှန်းချက်ထား၍ မိမိတို့အရေးကိစ္စများကိုသာ အာရုံစိုက်လျက် မိမိတို့လက်ဖြင့် လုပ်ဆောင်ကြလော့။ 12ထိုသို့ဖြင့် သင်တို့၏နေ့စဉ်အသက်ရှင်နေထိုင်မှုတို့သည် ပြင်ပလူတို့၏လေးစားခြင်းကိုခံရမည့်အပြင် သင်တို့သည်လည်း မည်သူ့ကိုမျှ မှီခိုရန် လိုအပ်တော့မည်မဟုတ်ပေ။ 13ညီအစ်ကိုမောင်နှမတို့၊ သေလွန်ပြီးသော သူများနှင့် ပတ်သက်၍ သင်တို့ မသိဘဲမနေစေလိုပါ။ သို့မှသာ မျှော်လင့်ချက်ကင်းမဲ့သော မယုံကြည်သူများ ဝမ်းနည်းသကဲ့သို့ သင်တို့သည် ဝမ်းနည်းရမည်မဟုတ်ပေ။ 14ကိုယ်တော်ယေရှုသည် သေဆုံးပြီးနောက်အသက်ပြန်ရှင်ကြောင်းကို ကျွန်ုပ်တို့ ယုံကြည်လျှင် ကိုယ်တော်ယေရှု၌အိပ်ပျော်သောသူတို့ကိုလည်း ကိုယ်တော်နှင့်အတူ ဘုရားရှင်ထံသို့ခေါ်ဆောင်တော်မူလိမ့်မည်။ 15ဘုရားရှင်၏ စကားတော်အားဖြင့် သင်တို့ကို ငါဆိုရလျှင် အရှင်ကြွလာတော်မူသည့်တိုင်အောင် အသက်ရှင်ကျန်ရစ်သောငါတို့သည် အိပ်ပျော်ပြီးဖြစ်သောသူတို့ထက် အရင်ဦးဆုံးရောက်ကျလိမ့်မည်မဟုတ်သည်မှာ အသေချာပင်ဖြစ်သည်။ 16အကြောင်းမူကား အရှင်၏ ကြွေးကြော်အမိန့်ပေးသံနှင့်တကွ နတ်ဒေဝါအကြီးအကဲ၏အသံ၊ ဘုရားရှင်၏တံပိုးတော်မှုတ်သံတို့ဖြင့် အရှင်ကိုယ်တိုင် ကောင်းကင်က ကြွလာသောအခါ ခရစ်တော်၌သေလွန်သောသူတို့သည် ဦးစွာအသက်ပြန်ရှင်ကြလိမ့်မည်။ 17ထို့နောက် အသက်ရှင်ကျန်ရစ်သော ကျွန်ုပ်တို့သည် သူတို့နှင့်အတူ ကောင်းကင်တွင် အရှင်နှင့် တွေ့ဆုံရန် မိုးတိမ်ပေါ်သို့ ခေါ်ဆောင်ခြင်းခံရမည်။ ဤသို့ဖြင့် ကျွန်ုပ်တို့သည် အရှင်နှင့်အတူ ထာဝရနေကြရလိမ့်မည်။ 18ထို့ကြောင့် ဤစကားများဖြင့် အချင်းချင်းအားပေးကြလော့။
Jelenleg kiválasztva:
1 Thessalonians 4: TPV-RV
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
1 Thessalonians 4
4
1နောက်ဆုံးအနေဖြင့်ဆိုရလျှင် ညီအစ်ကိုမောင်နှမတို့၊ သင်တို့သည် ဘုရားရှင်နှစ်သက်တော်မူရန် မည်သို့ ပြုမူနေထိုင်ရမည်ကို ကျွန်ုပ်တို့သွန်သင်ခဲ့သည့်အတိုင်း ပြုမူနေထိုင်လျက်ရှိ၏။ ယခုတွင် ကျွန်ုပ်တို့သည် ပိုမို၍ကြိုးစားအားထုတ်ရန် အရှင်ယေရှု၏နာမတော်ကိုအမှီပြု၍ တိုက်တွန်းနှိုးဆော်လျက် တောင်းလျှောက်ပါ၏။ 2အကြောင်းမူကား ကျွန်ုပ်တို့သည် အရှင်ယေရှု၏ အခွင့်အာဏာဖြင့် သင်တို့ကို မည်သို့သော အကြောင်းအရာများအား ညွှန်ကြားခဲ့ကြောင်းကို သင်တို့ သိကြသောကြောင့် ဖြစ်၏။ 3ဘုရားရှင်သည် သင်တို့ကို တရားနှင့်မညီသော မေထုန်ပြုခြင်းကို ရှောင်ကြဉ်ခြင်းအားဖြင့် မြင့်မြတ်သန့်ရှင်းစေလိုတော်မူ၏။ 4သင်တို့ တစ်ဦးချင်းစီတိုင်းသည် မြင့်မြတ်ပြီး ဂုဏ်သိက္ခာရှိသောနည်းလမ်းဖြင့် မိမိတို့ကိုယ်ခန္ဓာကို ချုပ်တည်းတတ်ရမည်။ 5ဘုရားရှင်ကို မသိသောသူများကဲ့သို့ ကိလေသာတပ်မက်စိတ် မပြင်းပြရ။ 6ထို့ပြင် ဤသို့သော ကိစ္စများတွင် မည်သူမျှ မိမိတို့ ညီအစ်ကိုအပေါ် စည်းဖောက်၍ အခွင့်ကောင်းမယူရန်ဖြစ်၏။ သင်တို့ကို ကျွန်ုပ်တို့ သတိပေးပြောဆိုခဲ့သည့်အတိုင်း အထက်ပါအပြစ်ဒုစရိုက်တို့ကို ကျူးလွန်သော သူတို့ကို အရှင်သည် ပြစ်ဒဏ်ပေးတော်မူလိမ့်မည်။ 7အကြောင်းမူကား ဘုရားရှင်သည် ကျွန်ုပ်တို့ကို ညစ်ညမ်းစေရန် ခေါ်တော်မူသည် မဟုတ်ဘဲ မြင့်မြတ်သန့်ရှင်းစေရန် ခေါ်တော်မူသောကြောင့်ဖြစ်၏။ 8ထို့ကြောင့် ဤညွှန်ကြားချက်များကို ငြင်းပယ်သော သူတို့သည် လူကိုသာ ငြင်းပယ်ခြင်းမဟုတ်ဘဲ သင်တို့အား ဉာဏ်အလင်းတော်ကို ပေးတော်မူသော ဘုရားရှင်ကို ငြင်းပယ်ခြင်းဖြစ်၏။ 9သင်တို့အချင်းချင်းအပေါ်တွင် ထားသောချစ်ခြင်းမေတ္တာနှင့်ပတ်သက်၍ သင်တို့ထံစာရေးရန်မလိုပေ။ အကြောင်းမူကား သင်တို့ကိုယ်တိုင်သည် အချင်းချင်းချစ်ခြင်းမေတ္တာထားကြရန် ဘုရားရှင်ထံမှသင်ယူခဲ့ကြပြီးဖြစ်၏။ 10အမှန်စင်စစ် သင်တို့သည် မာကေဒေါနိပြည်အရပ်ရပ်၌ နေထိုင်ကြသော ညီအစ်ကိုမောင်နှမအပေါင်းတို့ကို အမှန်တကယ် ချစ်ကြ၏။ သို့ရာတွင် ညီအစ်ကိုမောင်နှမတို့၊ ထိုထက်မက ပိုမို၍ချစ်ကြရန် ကျွန်ုပ်တို့သည် သင်တို့ကို တိုက်တွန်း၏။ 11ထို့ပြင် ကျွန်ုပ်တို့ မှာကြားခဲ့သည့်အတိုင်း သင်တို့သည် တည်ငြိမ်အေးချမ်းစွာ နေထိုင်ရန် ရည်မှန်းချက်ထား၍ မိမိတို့အရေးကိစ္စများကိုသာ အာရုံစိုက်လျက် မိမိတို့လက်ဖြင့် လုပ်ဆောင်ကြလော့။ 12ထိုသို့ဖြင့် သင်တို့၏နေ့စဉ်အသက်ရှင်နေထိုင်မှုတို့သည် ပြင်ပလူတို့၏လေးစားခြင်းကိုခံရမည့်အပြင် သင်တို့သည်လည်း မည်သူ့ကိုမျှ မှီခိုရန် လိုအပ်တော့မည်မဟုတ်ပေ။ 13ညီအစ်ကိုမောင်နှမတို့၊ သေလွန်ပြီးသော သူများနှင့် ပတ်သက်၍ သင်တို့ မသိဘဲမနေစေလိုပါ။ သို့မှသာ မျှော်လင့်ချက်ကင်းမဲ့သော မယုံကြည်သူများ ဝမ်းနည်းသကဲ့သို့ သင်တို့သည် ဝမ်းနည်းရမည်မဟုတ်ပေ။ 14ကိုယ်တော်ယေရှုသည် သေဆုံးပြီးနောက်အသက်ပြန်ရှင်ကြောင်းကို ကျွန်ုပ်တို့ ယုံကြည်လျှင် ကိုယ်တော်ယေရှု၌အိပ်ပျော်သောသူတို့ကိုလည်း ကိုယ်တော်နှင့်အတူ ဘုရားရှင်ထံသို့ခေါ်ဆောင်တော်မူလိမ့်မည်။ 15ဘုရားရှင်၏ စကားတော်အားဖြင့် သင်တို့ကို ငါဆိုရလျှင် အရှင်ကြွလာတော်မူသည့်တိုင်အောင် အသက်ရှင်ကျန်ရစ်သောငါတို့သည် အိပ်ပျော်ပြီးဖြစ်သောသူတို့ထက် အရင်ဦးဆုံးရောက်ကျလိမ့်မည်မဟုတ်သည်မှာ အသေချာပင်ဖြစ်သည်။ 16အကြောင်းမူကား အရှင်၏ ကြွေးကြော်အမိန့်ပေးသံနှင့်တကွ နတ်ဒေဝါအကြီးအကဲ၏အသံ၊ ဘုရားရှင်၏တံပိုးတော်မှုတ်သံတို့ဖြင့် အရှင်ကိုယ်တိုင် ကောင်းကင်က ကြွလာသောအခါ ခရစ်တော်၌သေလွန်သောသူတို့သည် ဦးစွာအသက်ပြန်ရှင်ကြလိမ့်မည်။ 17ထို့နောက် အသက်ရှင်ကျန်ရစ်သော ကျွန်ုပ်တို့သည် သူတို့နှင့်အတူ ကောင်းကင်တွင် အရှင်နှင့် တွေ့ဆုံရန် မိုးတိမ်ပေါ်သို့ ခေါ်ဆောင်ခြင်းခံရမည်။ ဤသို့ဖြင့် ကျွန်ုပ်တို့သည် အရှင်နှင့်အတူ ထာဝရနေကြရလိမ့်မည်။ 18ထို့ကြောင့် ဤစကားများဖြင့် အချင်းချင်းအားပေးကြလော့။
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.