Mark 1
1
Yafukon te sene Ntin ge lon te jejee sene te yen ge Asaya te fe myarin.
1Ge a be sarōan hu ge rrō fe #1:1 Rral ge rrwu ne Iyesu be sarōan ge rrwu ne Iyesu ge me fe ge Iyesu eb halku vanten bonga ge em rrinkete ge nge be Genti Yafukon, te te yel tere jenjenan te te myarr tebyan mwenar hakbean. Ngate te myur mōl ran wobung sul te yen ge Tuuankon Metō te fe.rral ge rrwu ne #1:1 Iyesu be ee ge ta Ju nyer err rrō fe myarin. Te ran tolor err fe Josua te ken yim rro fe Iyesu. Iyesu rrō fe ge, “Vanten ne halku vanten an.”Iyesu #1:1 Lon Tuuankon Metō, vanten ta Ju nyer err rrō rrinrrine ge Yafukon eb sene vanten hu ge eba ktu meyen brrofet, brris, te king nyer. Te eb halku nyer metenen mwenar jenjenan. Lon Tuuankon Vivi, Yafukon te sene Iyesu ge te me e Mesaya, te telōn halku nyer metenen jenjenan, te te me tebyan ge eb halku nyer metenen mwenar hakbean. Te tōlō e myarin, eb la mōl te eb halku vanten nyer ge em rrō rrinkete nge metene tan ge fyan ge li. Ngate eba rrwene mwenan vere ne limhian. Mesaya, #1:1 Terere Mleng Genti Yafukon rrō fe ge Iyesu be bari terere mleng mwena Yafukon.Terere Mleng Genti Yafukon.
2Sarōan ge a te tang barite bone ge Jon Babtaes te rrō nangnangne hal mwena Iyesu en ōrr ge be meha. Mwi ling baritean mwe yen ge Asaya, vanten ge te rrō fe tolo Yafukon, ge te rrhu lon #1:2 Bone ge yim rrō horrutōn rral ge a lon Tuuankon, rral ge a te rru myarin teemō Tuuankon ge yim rrō horrutōn lonle ge a. Vanten mwena Yafukon worhu ete rrhu myarin mwe yen: brrofet nyer, Mosis, King Tefit, te nyer worhu mōn bwe. Tuuankon myarin konkon. Te rrhu ha ge Yafukon te fe byanen ge,
“Ō lhe, nam rrō sene mweneng #1:2 Abhyobhyor be vanten hu ge rrō yel te rrō bhyor mwenan vanten ge mu hutamne rru. Ma kya fō lngi ran vanten hu ge eba rrwene mwenam rrinrrinan. Mwi yi nga rru en vanten ge mu hutamne rru.abhyobhyor eb rrumō
tebyan ge eb nangnangne hal tebyam.” Malakae 3:1
3 “Vanten ge a rrō ii en meha, rrō fe,
‘Mi rrwene hal eb nangnang tōne Mesaya;
mi rrwene hal nan eba knon
tebyan ge eb yel en!’ “ Asaya 40:3
4Abhyobhyor ge a, Jon. Jon te tamtee en ōrr ge be meha, te rrō #1:4 Susuran ge a, tono, rrō fe sese mwe lam lon Tuuankon. Mwe yen: hagwo sese, tono sese an lon we, rrō rrinrrin tam ne sese nyer, be rruan hu bone ge vanten hu rrō rrno vanten lon we be ahubsi hu ge vanten ge le rrō rrinkete te rrō rrutōn wuhuran mwenan vanten ge rrō rrno. Te bone ge yim rrō lhe tontonan lon Tuuankon, vanten ge rrō rrno an le, nge rrō hubsine me ne ken ge nge mwe rrinkete tolo Iyesu, te Nin Myuran Kon rrō haryelyele mwenan rrinrrinan, te lolon. rrno nyer, te te rrō jefne ge, “Emi kilhi gimi metenen mwenami hakbean, te eba rrno gimi an. Te Yafukon mōn eb taōkuku mwenami hakbean te eb rrumyune.”
5Ngate vanten te e lol ge te e lol besaō nyer ne ōrr Jutia krinen #1:5 Besaō ge rrlam be taon o vilij ge vanten mwe lam ho en. besaō ge rrlam Jerrusalem, err vya ne nge. Te err rrō survyōvyō mwenar rruan hakbe. Te Jon te rrō tonton nyer lon Wehal Jotan.
6 # 2 Ki 1:8 Bone ge le, Jon te rru en ōrr ge te e meha. Te kro ul ge tōlōn fyaa ge te rrwene an ne woulun kamel, krinen atotoō ge te rrwene an ne lun leleebrereō ge te rru goro teban. Te an meyee nge kil te hani. Rruan mwena Jon te yen rruan mwena Elaeja myarin.
7Te nge te rrō suuto byanen vanten ge nyer a ge, “Vanten ge eb nga rrutōng me, mwenan helan mwe saavi ni. Ni narr rrlō ngrengre ena mlimling te na tirrku mwenan fyarrbala.
8“Ni nam rrō rrno gimi lon we, a nge eb nga rrno gimi ne #1:8 Rengerenge Yafukon mwe yen nin hu ge mo kon. Bone ge rengerenge Yafukon mu rru ran vanten hu, vanten ge le mwe yekya eb rongtakya nin ge mo kon. Te nin kon ge le mwe yekya eb sene myuran byanen vanten ge me myarr rru ge mwi rrinkete Iyesu. Te vanten nyer em yekya efe lhe ge Nin Myuran Kon rrō haryelyele vanten nan tebyan wote ne Nin Myuran Kon mu rru ran mwe yen: lol jejee, rongne mu wu an, rru rongrong an, rru kii an, lol ten, lol ge rrwu, rrin helhele, te terfon sene nge hobōn. Nin Myuran Kon.”
9Telōn ve myarin, Iyesu te yel metenen ōrr Nasarret, besaō hu rrlam ne ōrr Kalili, ngate Jon te rrno nge lon Wehal Jotan.
10Bone ge Iyesu te tōl lon we, nge te lhe tōngtōng te kutaō byaho nga, te te lhe ge Nin Myuran Kon te rrō me ran te yen mar.
11 # Tang 22:2; Sam 2:7; Asa 42:1; Mat 3:17; 12:18; Mak 9:7; Luk 3:22 Ngate rral hu te metene Yafukon lon tōngtōng, te fe, “Neng ōm be mweneng terere ge long mwe jejee sene neng. Ni nam rongne mu wu ten tebyam.”
Lonle ge a be renge te ge ma knon e ge vanten eb rrinkete Iyesu.
12Ngate Yafukon te sur byanen te byaho nga Nin Myuran Kon te rrwene ge te vya en ōrr hu ge te e meha.
13Te rru en ōrr ge le, wobung te e 40 ge #1:13 Setan be yafu ge rrlam ne sōnhal nyer. Yafukon te rrwene nge myarin tebyan ge ne me e yafu ge rrlam ne abhyobhyorkon bonga, te telōne rrmelole, te te yel metene Yafukon. Ngate abhyobhyorkon worhu err rrutōn. Te rrwene ge err me e sōnhal nyer. Setan te rrō rrwekya he ne murr lon mwenan rrinketean ne Yafukon. En ōrr ge le Iyesu te rru krinen sesebno nyer ge err ve rrubōr ho, te #1:13 Abhyobhyorkon be abhyobhyor mwena Yafukon nyer ge Yafukon te rrwene nyer.abhyobhyorkon nyer err me roōne nge.
14Ngate bone ge ete lngi Jon bya lon im ne jenjenan, te nga e te nan, Iyesu te vya ran #1:14 Vere ge rrlam be tan ge rrlam mwe yen Santo, Australia, te USA.vere ge rrlam Kalili te te rrō suuto rral ge rrwu ge ma me metenen Yafukon.
15 # Mat 3:2 Iyesu te rrō fe, “Yafukon te hrene ge renge #1:15 Susuran ne limhian mwena Yafukon te vere ne limhian mwena Yafukon ge nyerō a, mōrō mnimnii kakae rro metene nyerō. Yim ho fyan limhian mwena Yafukon lonle ge a, te vere ne limhian mwena Yafukon eb nga me bwe. Iyesu mang rrō rrwene bwe. Jon 14:2-3limhian mwena Yafukon ma knon, mwe tamtee. Mi kilhi gimi metenen mwenami rruan hakbe te mi rrinkete rral ge rrwu a.”
Bone ge Iyesu rrō je vanten hu, vanten ge le eba rrma te eba lngilngi sese bonga te eb rrutōn.
16Bone ge Iyesu te rrō yeyel to fya Tee Kakre Kalili, nge te lhe vanten ne kokoōan te e ru, Saemon te taalan ge Antrru, terō rrō kokoō koo ne myaalo.
17Ngate Iyesu te fe byane nyerō, “Mōrō rrutōng, te na whure gōmōrō ge emrō sene vanten.”
18Byaho nga terō lngilngi mwenarō koo ne myaalo te terō rrutōn.
19Te yel roroō mōn bya, te te a lhe teere mwena Sebeti nyerō, sarō nge Jemes te Jon. Terō taa ho ran afloo kakae ne kokoōan, te terō rrō bsiktekte mōle mwenarō koo ne myaalo.
20Ngate te je nyerō; byaho nga terō totor, terō lngilngi temyarō ge Sebeti krinen mwenan vanten ne ōman nyer, err mang ho ran afloo ne kokoōan, te terō rrutō Iyesu.
Iyesu te whure vanten nyer lon mwenan helan, te te hubsine ge nge mwe saavi helan mwenan sōnhal nyer.
21Ngate Iyesu krinen #1:21 Vanten ne ōman mwena Iyesu rrō fe ge vanten bonga ge em rrō rrutō Iyesu te Iyesu rrō whure tolo Yafukon byane nyer.mwenan vanten nyer, err vya bsaō hu Kabeneam. Te ran Wobungkon, nge te yel konon bya lon imkon kakae ne tamtamyaōan, te te rrō whure vanten nyer.
22 # Mat 7:28, 29 Vanten ge err rrō rongtane, err non metenen mwenan wuhuran. Tebyan ge mwenan wuhuran telōn yen #1:22 Vanten ne wuhuran ne lingsenean be vanten ta Isrrel worhu ge err ve Farrasi a Satusi. Err yekya sene Tuuankon, te err rrō whure byane ta Ju nyer. Err rrō tuuku Tuuankon, te err ve vanten ne rongtafyanan a lingsenean. vanten ne wuhuran ne #1:22 Teemō Yafukon te sene mwenan lingsenean byane Mosis. Ngate Mosis te rrhu, te te sene byane vanten ta Isrrel nyer. Vanten ta Isrrel nyer em rrō fe ge lingsenean mwena Yafukon nge be Tang Baritean, Yel Metenen, Lefitikas, Fluflungan, te Titrronami. Bone ge vanten ta Isrrel nyer em rrō fe Law o Lingsenean, em rrō fe Tuuankon ge nyer le. Lingsenean rrō fulvi Tuuankon ge nyer le. Bone ge Iyesu te rrō yeyel ran tan ge fyan, vanten ta Isrrel worhu err rrō whur te err rrō tuuku lingsenean ge nyer le. San ge nyer le nge vanten ne wuhuran ne lingsenean. Yel Metenen 20; Mak 7:10lingsenean ta Isrrel nyer, te nge te rrō whur krinen helan.
23Bone ge Iyesu te mang rrō whure nyer nga bwe, vanten hu ge #1:23 Sōnhal be abhyobhyor hakbe nyer. Myarin Yafukon te rrwene nyer tebya nge hobōn, te lor sa hune sa Yafukon an, te err rrlōne rrmelole mwenan temelolean, te lor mwe jeene efe rrwene temelolean mwena Setan o Lusifa. sōnhal te hone rru te me vya lon imkon kakae ne tamtamyaōan ge a te rrō fwifwir bya mre, te te rrō fe ge,
24“Iyesu ta Nasarret, fō yel metene gemya! Ōm temelole fō rrwene ha ne gemya? Ō me tebyan ge fō mlone gemya? Ni nam yekya neng rru burr, neng ōm be Mesaya mwena Yafukon.”
25 Iyesu te sur te hel byane sōnhal ge a te fe, “Ō rru rongrong, te ō roō metenen vanten ge a!”
26Ngate sōnhal ge a te rrwene vanten ge a te rurur, te te fwifwir, ngate byaho nga te roō metenen.
27Vanten bonga err non metenen ha ge te rrwe, te rrwene err rrō susur e nyer ge, “Ha nge mwi yi a? Wuhuran vivi worhu mnii mōn? Vanten ge a ma ktu helan hu ge sōnhal, em rrō rongtafyan.”
28Sese ge le te rrwene ge rral e Iyesu te roō en ōrr bonga ran vere nyer ne ōrr Kalili.
Iyesu ma ktu helan bonga rru ge rrō kone mesean bonga te rrō korku sōnhal nyer.
29Ngate Iyesu te mwenan vanten nyer, krine Jemes te Jon, err yel metenen imkon kakae ne tamtamyaōan, te err yel konon bya lon im ma Saemon te Antrru.
30Bone ge le, rahe tarirr mwena Saemon te fu rru ran tōnyōn, myalaa te rru ran. Te bone ge Iyesu te tamtee, err vya fe mesean ge a byanen.
31Ngate Iyesu te vya biirin vehen ge a, te te halen veran, te rrwene ge te fyarr. Ngate myalaa ge a te nong ran, te te totor, te te roōne nyer ge te sene meyee byane nyer.
32Bone ge yal te rrō ror te hohor te rrō je je, vanten nyer ete rrya mesean nyer, te ge nyer ge sōnhal te ho rar, err me ne Iyesu.
33Vanten bonga ne ōrr besaō ge le ete kru houre bon taō ne im ge Iyesu te rru en.
34Ngate Iyesu te kone vanten err ve lol ge err rrō mse ne mesean minimnii, te te kor helale sōnhal te e lol metene nyer. Te Iyesu te rrwene ge sōnhal ge nyer a err lōn susur, tebyan ge nyer err yekya ge nge te e Mesaya rru.
35Ran wobung sōn, lon wowobung nga, Iyesu te totor te te yel metenen ōrr besaō ge a, te te a hobōn en ōrr ge vanten nyer err rranga ho en, te te rrō tamtamyaō.
36Bone ge Iyesu te mang rrō tamtamyaō nga bwe, Saemon krinen mwenan byulbyulan nyer err vya rrō teene.
37Te bone ge err homnen, err fe byanen ge, “Yafu, vanten bonga em rrō teene neng.”
38Ngate Iyesu te fe byane nyer ge, “Eyi yel mōn bya bsaō rrute ge em ho fyaasi. Ena suuto byane nyer, tebyan ge sese ge le nge, ni nam me rrbyan.”
39 # Mat 4:23; 9:35 Te nge te rrō yel bonga ōrr Kalili, te rrō suuto lon mar imkon kakae ne tamtamyaōan nyer te te rrō korku sōnhal nyer.
40En ōrr besaō hu mōn, vanten hu mnii mōn te ktu #1:40 Mesean ge le san nge lebrresi. Mak 14:3mesean hakbe ne lun vanten, te te me lhe Iyesu, te te singrrur bya fyan te whu roōnean te nen. Te fe, “Kabria, he te e mwenam temelolean, lo fō rrwene ni na mgal.”
41Iyesu te lol hane, te te hune veran, te te tongve vanten ge a. Ngate te surmōl byanen te fe, “Teha, nam temelole. Fō mgal.”
42Byaho nga, mesean ge a te roō metenen, te te mgal.
43Ngate Iyesu te rrnyorrnyo vanten ge a, te fe,
44 # Lef 14:1-32 “Fō lōn fe sese ge a byanen vanten te hu. A fō yel konon nga byane #1:44 Myarin bone ge buluim ma ta Isrrel err yel metenen ōrr Ijib, err me ho en ōrr ge te meha nga rru Sinae. En ōrr ge le, Yafukon te susur byane Mosis, te fe byanen ge ne lngi taalan ge Erron ge ne me e hae brris. Te he ge ne lngi mwenan terere mleng nyer mōn, en me e brris. Ngate bone ge le Erron te me e hae brris, te mwenan terere mleng nyer mōn err me e brris. Ngate ngamto nga ge nyer ge err nga rrō me bya tene nge, err me rrō e brris. Te ge nyer ge err nga rrō me bya tene vanten rrute, tōlōn e ngrengre ge en me e brris, te ge nyer lon buluim ma Erron nga, ete ngrengre ge err rrō halen ōman ne brris. Fō lhe lon Yel Metenen 5:11-27; 29:1-9; Fluflungan 3:10. Te fō lhe susuran ne Lifae. brris te eba lhe ge ōm mgal rru burr. Ngate fō nga rrwene #1:44 Fnefnean be sevyaran kon ge vanten rrō rrwene byane Yafukon mwe yen ge Mosis te rrhu myarin. Mak 1:44. fnefnean ge Mosis te fe rru, eb yi le e fyaara byanen vanten bonga ge neng ōm mgal burr.”
45Te nge te a saarōne ge Iyesu te kone nge. Sarōan ge le, te rrwene ge Iyesu telōn e ngrengre ne nga yel lon besaō nyer. Nge te nga rru hobōn nga en ōrr ge vanten err rrlō ho en, te vanten nyer err rrō me ne nge en ōrr bonga.
Jelenleg kiválasztva:
Mark 1: mmg
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Wycliffe Bible Translators, Inc. All rights reserved.