मत्ति भूमिका
भूमिका
मत्ति पोरोयतोर वरोर यहुदि मानेय इद पुस्तक कोटतोर, ओर प्रबु येसु मसिना खास चेलानिकेडाल वरोर मतोर। ओर यहुदिलोकुरक साटि प्रबु येसु मसिना इद इतिहास कोटतोर, अनि इद पुस्तकतिगा प्रबु येसुन परमेस्वर लोहतोर मसि इदाम तोहान्तोर। इद पुस्तकतिगा प्रबु येसुना जनम, बपतिस्मा, ओना सेवकायि, हायाना अनि असा जिवेमास तेदाना इदाम पोल्लोंग ओळीय-ओळीय कोटता मन्ता। अनि प्रबु येसु आपुना चमत्कारता बुतोंग अनि अलग अलग पीटोंगता द्वारा स्वरग राज्यता लाव अनि अर्थ लोकुरकुन स्पष्ट रितिते समजेकिस हितुर। मूसाना नियमता अर्थतुन सोपो रितिते वेहचुन ओर वरोर हजोर यहुदि गुरु लेहका आपुनतुन तोहान्तोर।
पकाय लोकुरक प्रबु येसु मसिना चेला बनेमातुरक इन्जोर यहुदि अदिकारि लोकुरक येसुना विरोद आस ओन हव्काना साटि योजना बने कितुरक। अदाम यहुदि अदिकारि लोकुरक ओन पयस कुरुस पोरो अन्जहिस हव्कतुरक, मति परमेस्वरना योजनाता अनुसार ओर तिसरो दिया असा जिवे मास तेदितुर। अनि ओर आपुना चेला लोकुरकुन इदाम आग्या हितुर: “स्वरगतिगा अनि दरतितिगा सबोय अदिकार नाकुन हिता मन्ता इन्जोर निमाट हन्ट, बाबो अनि मरि अनि पवित्र आत्माता पोरोयते बपतिस्मा हिम्ट। अनि नना मिकुन आग्या हितोना ओद सबोय पोल्लोंग ओरकुन मानेमायिला करहिस सबोय जातितोर लोकुरकुन नावा चेलाह बनेहकिम्ट; अनि नना ते दुनियाता अन्तवनाह दरोज मियासंग मन्तोना” इन्जोर इतुर। यहुदिलोकुरकनिकेडाल प्रबु येसु मसिना बारेता सोबाता पोल्लो सबोय दुनियातिगा वेहिला पहाजे इदाम परमेस्वरना योजना मन्ता।
रुप-रेखा
येसु मसिना वारसान अनि येसु मसिना जनम १:१—२:२३
बपतिस्मा हेवाल युहन्नाना सेवा ३:१-१२
येसुना बपतिस्मा अनि परिक्षा ३:१३—४:११
गलील प्रदेशतिगा येसुना सेवा ४:१२—१८:२५
येसु गलील प्रदेशताल येरुसलेम वनाह हन्दाना १९:१—२०:३४
येरुसलेमतिगा येसुना आकरि हपता २१:१—२७:६६
प्रबु येसु मसिना असा जिवेमास तेदाना अनि चेलालोरकुन दिसाना २८:१-२०
Jelenleg kiválasztva:
मत्ति भूमिका: fmu
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© (Active) Wycliffe Bible Translators, Inc. All rights reserved.