Népszerű bibliai igeversek innen: Mateo 20

Megosztás

Jal pax je xol jaex tiꞌ, man jaxca oj tuꞌ oj yunne. Ta ey mac chi yoche caw miman yopiso je xol, sowalil chi oc yakꞌomaloj servil ebꞌ yet cuywomal masanil. Yetoj pax oj, ta ey mac je xol chi yoche tol miman yeloc apnoj, sowalil chi oc yakꞌomaloj servil xol ebꞌ yet cuywomal. Ilaꞌ jin, jain Akꞌbꞌil Wopiso yu Dios xol ebꞌ ket animail tiꞌ, man yu oj wakꞌle servil yuxan jix jin jul an, tol yu wakꞌwi servil. Jix jin jul yu wakꞌon jin bꞌa camoj, yet watxꞌ ecꞌal mactxequel chi colcha can el wu an, ẍi Jesús tet ebꞌ.

Yuxan, jaꞌ ebꞌ cꞌam niꞌoj yeloc apnoj tinaniꞌ, yel miman oj yun yeloc ebꞌ. Jal ebꞌ miman yeloc apnoj tinaniꞌ, cꞌamxa yeloc apnoj ebꞌ tituꞌ. /Ecꞌal mac awtebꞌil yu Dios, jaywanne pax mac sicꞌbꞌil eloj,/ ẍi Jesús tet ebꞌ.

Catuꞌ jix okꞌ scꞌul Jesús yin ebꞌ. Jix yaon oc skꞌabꞌ Naj yibꞌan sbꞌakꞌ sat ebꞌ. Jix jajcha can sat ebꞌ yet jun txolan tuꞌ yu Naj. Jix lawi tuꞌ xin, jix oc tzajan ebꞌ yintaj Jesús.