Népszerű bibliai igeversek innen: VARHOMA 8

Megosztás

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Hikuva ndza swi tivisisa ngopfu leswaku, hambi ku ri ku fa, hambi ku ri ku hanya, hambi ti ri tintsumi, hambi ku ri ku fuma loku ka matimba, hambi swi ri leswi nga kona sweswi, hambi swi ri leswi nga ta ta, hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Kutani sweswi, a ka ha ri na ku avanyisiwa eka lava nga ka Yesu Kriste.

Hikuva ku rhandza ka nyama i rifu, kambe ku rhandza ka Moya, i vutomi ni ku rhula

Kambe eka leswo hinkwaswo, hi hlula hi ku tlurisa ha loyi a hi rhandzeke.

Hikuva ndzi ringanisa leswaku nhlomulo wa nguva leyi, a wu faneri ku ringanisiwa ni ku kwetsima loku ku nga ta kombisiwa eka hina.

I mani la nga hi hambanyisaka ni rirhandzu ra Kriste xana? Xana i ku karhateka, kumbe maxangu, kumbe ku xaniseka, kumbe ndlala, kumbe vusweti, kumbe mhangu, kumbe fumu?

Kambe la hlanekaka timbilu, u tiva ku rhandza ka Moya, loko wu ri karhi wu khongelela vakwetsimi, hi mukhuva lowu rhandziwaka hi Xikwembu.

Hikuva hinkwavo lava fambisiwaka hi Moya wa Xikwembu, hi vona va nga vana va Xikwembu.

Hikuva lava fambaka hi nyama va anakanya swa nyama; kambe lava fambaka hi Moya, va anakanya swa Moya.

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Kambe na wona Moya wu yimelana ni moya wa hina, wu tiyisa leswaku hi vana va Xikwembu. Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Hikuva leswi vumbiweke hinkwaswo swi langutela ku kombisiwa ka vana va Xikwembu hi ku navela lokukulu.

Hikuva ha swi tiva leswaku leswi vumbiweke hinkwaswo swi ni ku hefemuteka swin'we, onge swi le khombyeni ra ku veleka, ka ha ri mpfhuka, ku fika sweswi.