Népszerű bibliai igeversek innen: Maakɩ 13

Megosztás

Ma dʋɔ, bakpa kpiniŋ aja kɔla amɩɛ. Ama wʋŋ wʋ a sɩŋ na doŋ ga tala dɩtamtɩŋ na, wʋ a yu nkpa.

Dɩmʋŋ dʋɔ n kɩɛ amɩɛ wʋsɛ dʋɔ na dieli na ɩ gie, akala takɩɛ ɩ ba jiŋ saŋa gaa ŋii kɔŋ na a.

Sɛ ba chaŋ amɩɛ ju wɩɛ didiitiŋ na, n baa nyala amɩɛ wʋsɛ wɩɛ ŋii ɩ tawɩ na dʋɔ. Dɩ tala dɩmaŋ na, n tawɩ a kʋma ŋii Ɩsʋɔ aja kalaa amɩɛ na. Akala takɩɛ naa amɩɛ tɩŋtɩŋ aaŋ ja ɩ tawɩ ɩ, ama Ɩsʋɔ Feliŋ aaŋ ja tawɩ.

Ɩsʋɔ adugbe na tie aja laŋ, ama ma wɩɛ ŋii bɩrɛ, ŋii laŋ ŋ.>>

Sɛ Yesu ju dʋɔ tawɩ sɛ, <<Wʋrʋ ba jiŋ wɩɩ gaa yaa saŋa gaa a. Ɩsʋɔ gabʋɔsɛ baa ba wɩɛ Ɩsʋɔ adugbe yaa Bu wʋŋ gba ba jiŋ ŋ, amʋɔ Juo wʋŋ nyiŋeŋ.

Ɩ nyii yuo gaa ga tirina amɩɛ na yuo gaa ga wɩɛ taŋasɛ wɩɛ na, n baa yela na amɩɛ agela a kʋlʋ. Akala takɩɛ ŋɩ tiri gʋ ŋina a tibi, ama ŋii kalaa sɛ dulunya dɩtamtɩŋ talɛ ɛ.

Dɩmʋŋ dʋɔ, n duo amɩɛ wʋsɛ dʋɔ, akala takɩɛ ɩ ba jiŋ wɩɩ gaa waatɛ wʋŋ aja bɔrɛ kɔŋ ŋ. A dɩlɛ yɩɛ bʋyanɔ, tɩɛtɩtɩba, tafɩlɛ yaa nafo, na wʋ n baa gaa purugi amɩɛ ɩ duwei asoroŋ. Wɩɛ ŋii ma tawɩ fa amɩɛ na, maa tawɩ wʋkʋma sɛ, <<N duo amɩɛ wʋsɛ dʋɔ.>>

Atawɩ yɩrɩ kpiniŋ aja yuo dɔŋa na juori a yuo juori. Na tibi a jigisi akpie dʋɔ-akpie dʋɔ na wɔŋfɩrɛ a kɔŋ. Ŋina kpiniŋ kɩɛna bɛ takɩɛ dʋŋɩwʋ ŋii ŋɩ dɔŋ asanaŋ pɔɩ na alʋ a lʋrʋ na.>>

Ŋɩ tiri gʋ baa chɩŋkpɩɛ tawɩ Ɩsʋɔ Wɩɛ Abama ŋii fa atawɩ yɩrɩ kpiniŋ.

Bakpa fɔɩ aja kɔŋ ma yɩrɛ naŋ na baa gaa tawɩ sɛ, <Baa n nyina Kirisito wʋŋ> na baa pɩna bakpa fɔɩ.

Dɩmʋŋ dʋɔ, ŋɩ tiri gʋ n kɩɛ amɩɛ wʋsɛ dʋɔ na dieli. Ma dʋɔ, baa chaŋ amɩɛ mʋ ju wɩɛ adiitiŋ bɩnɩɛ asanaŋ na baa taɩ amɩɛ achʋchʋɛ Yudatina tʋm danɛ naŋ, baa chaŋ amɩɛ ju Roma bɩnɩɛ baa baa kɩɛ Isirali tibi dʋɔ na, na juoneŋ asanaŋ na baa ga di amɩɛ wɩɛ. Dɩmaŋ sɛ ɩ yu gbɩɛ tawɩ Ɩsʋɔ Wɩɛ Abama ŋii fa ba.

Akala takɩɛ, barɛ baa baa yɩɛ akarɩɛ sɛ ba yɩɛ Kirisito na akarɩɛ bajana aja kɔŋ gaa yɩɛ daasɛ na adaŋgana na baa mʋ pɩna baa Ɩsʋɔ lɩsɛ ba na.

Sɛ Yesu ju dʋɔ tawɩ sɛ, <<Dɩmʋŋ saŋa gana naŋ, wʋkpa wʋsɛ chaŋ wʋrʋgbɩɛ na, wiita baa lɩɩ ɩ, sɛ gafita baa fʋlʋŋsɛ ɛ.>> Achikpebi aja kuli lɩɩ Ɩsʋɔ tanɛ naŋ gaa sala, na Ɩsʋɔ adugbe abʋrɩ kpiniŋ ajigisi.