Népszerű bibliai igeversek innen: Ichedendik 3

Megosztás

Okpe kw'ikwanạng nwọ ose bẹ́, achidwuk mbọ ajibhi ichia, abẹ abạra anyạnẹ k'ichen, ọttạra bẹ́, m'ẹgba ẹnạng ọnạng esonga, ọtạkha achidwuk bạnọ uchi, ọbạra ọtạkha bạnọ ọnạng udim kwẹ, kw'uning ma, udim ọbạra uchi.

Wa ijọhk idongu iyọhnga mkpaten phyibh s'Ọvaar Ubinọkpaabyi kk'usia. Wa asẹ ita ibạbh ikwanạng bẹ́, “Kọngkẹ Ubinọkpaabyi kk'bạnga obena bẹ́, abạnga nạngẹ ichidwuk chidede ma owonu ngwa achi?”

M'nge iwawuna k'ngekha s'ọma ọttạra ikwanạng nwọ. Iva pọ ọttạra pẹ m'aninga k'iwawuna ayok abẹ. Nnwa kwẹ m'utwukhu echo chọ, ọma m'agakhẹ afhokkukkọrọ pẹ.”

Ubinọkpaabyi n'obeni ikwanạng nwọ bẹ́, “Amma m'nttạr-ọ irem sididen k'okpe kwidede kw'm'amaan nnwa. Tạrr oseng mạma, mạna aror bẹ́, agbạkha ifor udim kwọ abẹ, ẹma m'oyongu ma ode ochonạng kwọ.”

Ọma mạna asi ọtọhm tạạr asạnẹ iruk, brasẹ ase f'machi, tạma mantọhmma kpira k'okpe kw'm'akpa nnạm k'isisek, ukwuru bẹ́, abẹ atim idọhngọ asi-ọ, ọma ade idọhngọ, m'abạra akpa nnạm ma idọhngọ nnọ.”

Ubinọkpaabyi oben Adam bẹ́, “Ọma akhọhmọ ikwanạng kwọ itọhng, achi ichidwuk ch'nkhạmọ-ọ bẹ́ nạngẹ achi, ma wọ, kk'isisek ẹmma-nnaakha ukwuru ọma. Ọma m'ase irem s'ọtọhm brasẹ ase uchiattọhk f'm'achi k'akpen pọ phyibh.

Ọvaar Ubinọkpaabyi n'ọbạbh-ẹ bẹ́, “Anẹ wọ otekh-ọ bẹ aning irinikhum? Kk'achidwuk p'ichi njọ nnạngẹ bạnga nkhạkhạma bẹ́, abạnga nạngẹ achi, achia o?”

Masẹ Ubinọkpaabyi ukhubhu Adam o, ochok chẹrubim k'ukhubha kw'okpebhadudon n'uyin, ọttạra ọkkangkkang-kkro kw'ode masẹ okpondaak kw'n'ọyạma bẹ nuuurrrr ọbhạkhẹ iriringi okkeri k'ukhubha kwidede, ọfha ọkpa eden ch'eten k'ibyi s'ichi ch'akpen aning.

Wa Adam okpe ikwanạng kwẹ Iv, ukwuru bẹ́, ẹma wọ m'ode ọkka kw'anạng phyibh p'arukhu akpen.