Népszerű bibliai igeversek innen: انجیلِ مَتّی 15

Megosztás

امّا اوچییَلی که وَ دِهون ایا وَدَر، وَ دل سرچشمَه ایگِرِه، وِ یِه اوچیئی یَه که آیَمَه نجس ایکِنِه. سی‌یِکِه فکرَلِ گَند، قتل، زنا، بی‌عفتی، دِزی، شهادتِ دِرو وِ تهمت وَ دِل سرچشمَه ایگِرِه.

آیَم بِی اوچیئی که ایخَرِه نجس نیابو، بلکم اوچیئی که وَ دِهونِش ایا وَدَر، وِنِه که آیَمَه نجس ایکِنِه.»

«"ای قوم بِی لُویَلِشون مِنَه حرمت ایکِنِن، امّا دِلِشون وَ مِ دیرِه. اونگَل بی‌فِیدَه مِنَه عبادت ایکِنِن، وِ تعلیمِشون چیئی غیرَ حُکمَلِ بشری نی."»

اوسِه عیسی وَ او زَن گُت: «ای زن، ایمونِ تِ عظیمِه! هَموطو که ایخِی سیت وابو!» مِنِه هَمو دَقَه دویَرِش شفا گِرُت.

امّا او زن اومَه وِ جِلو عیسی زونی زَه وِ گُت: «ای آقا، وَ مِ کِمَک کُ!» عیسی مِنِه جواب او زن گُت: «رَوا نی که نونِ اولادَلَه بِسونی وُ وِرِش بِیی طِی سَگَل.» او زن گُت: «دِرِسِه، ای آقا، امّا سَگَل هَم وَ خُردِه‌یَلِ غذا که وَ سفرۀ صاحابِشون اییُفتِه، ایخَرِن!»