Népszerű bibliai igeversek innen: Psalms 18

Megosztás

ဘုရားရှင်သည် ကျွန်ုပ်၏ကျောက်၊ ကျွန်ုပ်၏ရဲတိုက်၊ ကျွန်ုပ်ကို ကယ်တင်တော်မူသောအရှင်၊ ကျွန်ုပ်၏ဘုရား၊ ကျွန်ုပ် ခိုလုံရာကျောက်ဆောင်၊ ကျွန်ုပ်၏ဒိုင်းလွှား၊ ကျွန်ုပ်၏ ကယ်တင်ခြင်းဦးချိုနှင့် ကျွန်ုပ်၏ခိုကိုးရာ ဖြစ်တော်မူ၏။

ဘုရားရှင်၏လမ်းသည် ပြည့်ဝစုံလင်သကဲ့သို့ ဘုရားရှင်၏ မိန့်တော်မူချက်သည် ခိုင်လုံမှန်ကန်ပါ၏။ ကိုယ်တော်သည် အထံတော်၌ ခိုလှုံသူအားလုံးတို့၏ ဒိုင်းလွှားသဖွယ် အကာအကွယ်ဖြစ်တော်မူ၏။

ကျွန်ုပ်သည် ဘုရားရှင်အား တောင်းလျှောက်သောအခါ ကိုယ်တော်သည် ကျွန်ုပ်အား ရန်သူတို့၏လက်မှ ကယ်တင်တော်မူ၏။ ဘုရားရှင်အား ချီးမွမ်းကြလော့။

ကျွန်ုပ်သည် ဆင်းရဲဒုက္ခရောက်ချိန်၌ ဘုရားရှင်အား တောင်းလျှောက်ပါ၏။ ကူညီမစတော်မူရန် ကျွန်ုပ်၏ ဘုရားရှင်အား လျှောက်ထားပါ၏။ ကိုယ်တော်သည် ကျွန်ုပ်၏အသံကို ဗိမာန်တော်ထဲမှ ကြားတော်မူပါ၏။ ကျွန်ုပ်၏ အော်ဟစ်တောင်းလျှောက်သံသည်လည်း ကိုယ်တော်၏ရှေ့တော်၊ ကိုယ်တော်၏နားတော်သို့ ရောက်ပါ၏။

ကိုယ်တော်သည် ကျွန်ုပ်၏မီးခွက်ကို ထွန်းလင်းစေတော်မူ၏။ ကျွန်ုပ်၏အရှင်ဖြစ်တော်မူသော ဘုရားရှင်သည် ကျွန်ုပ်၏မှောင်မိုက်ကို လင်းစေတော်မူ၏။

ကိုယ်တော်သည် ကျွန်ုပ်အား သန်စွမ်းစေ‌သောဘုရား၊ ကျွန်ုပ်လိုက်လျှောက်ရာ ခရီးလမ်းကို ဘေးကင်းလုံခြုံစေတော်မူသော ဘုရားဖြစ်တော်မူ၏။

ဘုရားရှင်သည် အသက်ရှင်တော်မူ၏။ အကျွန်ုပ်အား ကွယ်ကာတော်မူသောအရှင်းအား ကောင်းချီးပေးကြလော့။ အကျွန်ုပ်အား ကယ်တင်တော်မူသော ဘုရားရှင်အား ချီးမြှောက်ကြလော့။