Népszerű bibliai igeversek innen: မဿဲ 18

Megosztás

အကြောင်းမူကား ငါ၏အမည်နာမကို အမှီပြု၍ လူနှစ်ဦး သို့မဟုတ် သုံးဦးစုဝေးကြသောအခါ ငါသည်သူတို့နှင့်အတူ ရှိတော်မူမည်ဖြစ်၏” ဟုမိန့်တော်မူ၏။

ထို့နောက် သင်တို့အား ငါအမှန်ဆိုသည်ကား ကမ္ဘာမြေကြီးပေါ်တွင် သင်တို့တွင် လူနှစ်ဦးသည် သဘောတူညီ၍ ဆုတောင်းကြလျှင် သူတို့တောင်းသမျှကို ရွှေမြို့တော်မှာရှိတော်မူသော ငါ၏အဖဘုရားရှင်သည် သူတို့အတွက် ဆောင်ရွက်ပေးမည်ဖြစ်၏။

ထိုအခါ ကိုယ်တော်ယေရှုသည် ကလေးငယ်တစ်ဦးကို ခေါ်၍ သူတို့၏အလယ်၌ရပ်စေပြီး “သင်တို့အား ငါအမှန်ဆိုသည်ကား သင်တို့သည် ဤကလေးငယ်ကဲ့သို့မဖြစ်လျှင် ရွှေမြို့တော်၏သာသနာတော်ကို မည်သည့်အခါမှ ဝင်ရောက်နိုင်မည်မဟုတ်။

ထို့ကြောင့် ဤကလေးငယ်ကဲ့သို့ မိမိကိုယ်ကိုနှိမ့်ချသောသူသည် ရွှေမြို့တော်၏သာသနာတော်တွင် အကြီးမြတ်ဆုံးဖြစ်၏။

ငါ့၏အမည်နာမကြောင့် ဤကလေးငယ်ကိုလက်ခံသောသူသည် ငါ့ကိုယုံကြည်လက်ခံသောသူဖြစ်၏။

သင်တို့အား ငါအမှန်ဆိုသည်ကား သင်တို့ကို ကမ္ဘာမြေကြီးပေါ်တွင် ချည်နှောင်ထားသည့်အရာများသည် ရွှေမြို့တော်တွင်လည်း ချည်နှောင်ခြင်းခံရမည်ဖြစ်၏။ ကမ္ဘာမြေကြီးပေါ်တွင် ဖြေလွှတ်ခဲ့သမျှတို့သည် ရွှေမြို့တော်မှာဖြေလွှတ်ခြင်းကို ခံကြရမည်ဖြစ်၏။

သင်တို့တစ်ဦးစီသည် မိမိညီအစ်ကိုကို စိတ်နှလုံးသားထဲမှ ခွင့်မလွှတ်လျှင် ရွှေမြို့တော်၌ရှိတော်မူသော အဖဘုရားရှင်သည်လည်း သင်တို့ကို ထိုနည်းအတိုင်းပင် ပြုတော်မူလိမ့်မည်” ဟုမိန့်တော်မူ၏။

သို့သော် ငါ့ကိုယုံကြည်လက်ခံသော ဤကလေးသူငယ်များထဲမှ တစ်ယောက်ယောက်ကို အပြစ်လုပ်မိသောသူသည် ကြီးမားသောကျောက်တုံးကို လည်ပင်းမှာဆွဲ၍ပင်လယ်ထဲသို့ ပစ်ချခံရခြင်းသည်သာ ပို၍ကောင်းပေလိမ့်မည်။

လူတစ်ဦးတွင် သိုးအကောင်တစ်ရာရှိပြီး ထိုသိုးများထဲမှတစ်ကောင် ပျောက်သွားလျှင် သူသည် မည်သို့လုပ်ဆောင်မည်ဟု သင်တို့ထင်သနည်း။ သူသည် သိုးကိုးဆယ့်ကိုးကောင်ကို တောင်ကုန်းပေါ်တွင် ထားခဲ့ပြီး ပျောက်ဆုံးသွားသော သိုးတစ်ကောင်ကို သွားရောက်ရှာဖွေမည်ဖြစ်၏။