Népszerű bibliai igeversek innen: Ephesians 6

Megosztás

ကျွန်ုပ်တို့သည် လူသားများကိုဆန့်ကျင်တိုက်ခိုက်နေကြသည်မဟုတ်ဘဲ ဤအမှောင်လောကရှိ အုပ်ချုပ်သူများ၊ အာဏာရှင်များ၊ တန်ခိုးရှင်များနှင့် ကောင်းကင်အရပ်ရှိမကောင်းဆိုးဝါးဝိညာဉ်များ နှင့် တိုက်ခိုက်နေကြခြင်းပင်ဖြစ်သည်။

အမျိုးမျိုးသော ဆုတောင်းခြင်းနှင့် အသနားခံခြင်းတို့ဖြင့်အချိန်ရှိသရွေ့ ဉာဏ်အလင်းတော်ထံ၌ ဆုတောင်းကြ လော့။ ထိုသို့ဆုတောင်းနိုင်ရန် နိုးနိုးကြားကြားနေ၍ ဘုရားရှင်၏လူတို့အတွက်ဇွဲမလျှော့ဘဲဆုတောင်းကြလော့။

မာရ်နတ်၏ လှည့်ဖျားမှုကိုကာကွယ်နိုင်ရန် ဘုရားရှင်၏လက်နက်ကိုအပြည့်အစုံဝတ်ဆင်ကြလော့။

ထို့ကြောင့် ဘုရားရှင်၏လက်နက်အပြည့်အစုံကိုဝတ်ဆင်ကြလော့။ သို့မှသာ ထိုဆိုးလှသော နေ့ရက်ကာလ၌ သင်တို့သည် ခုခံကာကွယ်နိုင်ကြမည်ဖြစ်ပြီး တိုက်ပွဲပြီးဆုံးသောအခါ၌လည်း ရပ်တည်နိုင်ကြလိမ့်မည်ဖြစ်သည်။

ထိုအရာများအားလုံးအပြင် ယုံကြည်ခြင်းဒိုင်းလွှာကိုလည်းကိုင်ဆောင်ကြလော့။ ထိုဒိုင်းလွှာဖြင့် မာရ်နတ်၏ တောက်လောက်နေသောမီးမြှားအားလုံးကိုငြှိမ်းသက်နိုင်သည်။ ကယ်တင်ခြင်းတည်းဟူသောသံခမောက်ကိုလည်းဆောင်းထားကြလော့။ ဘုရားရှင်၏နှုတ်ကပတ်တော် ဖြစ်သော ဉာဏ်အလင်းတော်၏ဓါးကိုကိုင်ဆောင်ကြလော့။

ထို့ကြောင့်အသင့်ပြင်ထားကြလော့။ သစ္စာတရားတည်းဟူသော ခါးပန်းကြိုးကိုခါးတွင်စည်းလျက် ဖြောင့်မတ်ခြင်းတည်းဟူသော ချပ်ဝတ်တန်ဆာကိုဝတ်ဆင်လျက် ငြိမ်းချမ်းခြင်း မင်္ဂလာသတင်းကောင်းကိုမျှဝေရန် အဆင်သင့်ရှ်ိခြင်းတည်းဟူသောဖိနပ်စီးလျက်ရပ်တည် ကြလော့။

နိဂုံးချုပ်အနေဖြင့်ဆိုရလျှင် အရှင်နှင့် အရှင့်၏အနန္ဒတန်ခိုးတော်အားဖြင့် ကြံ့ခိုင်စွာနေကြလော့။

ကျမ်းစာထဲတွင်ပထမဆုံးပညတ်ချက်မှာ “မိဘကိုရိုသေကြလော့။ ထိုသို့ပြုလျှင် သင်သည်ကမ္ဘာမြေပေါ်တွင်ကောင်းစွာနေထိုင်ရလျက် အသက်ရှည်လိမ့်မည်” ဟူသောကတိတော်ပင်ဖြစ်သည်။

သားသမီးတို့၊ အရှင့်၏အလိုတော်နှင့်အညီ မိဘစကားကိုနားထောင်ကြလော့။ အဘယ်ကြောင့်ဆိုသော် ထိုသို့လုပ်ခြင်းသည် မှန်ကန်ခြင်းကြောင့်ဖြစ်သည်။