Népszerű bibliai igeversek innen: Ephesians 4

Megosztás

သင်တို့သည်တစ်ဦးကိုတစ်ဦးချစ်ခင်ကြင်နာကြလော့။ ဘုရားရှင်သည်ယေရှုခရစ်တော်ကြောင့် သင်တို့အားခွင့်လွှတ်တော်မူသကဲ့သို့ သင်တို့သည်လည်းတစ်ဦးနှင့်တစ်ဦးခွင့်လွှတ်ကြလော့။

အရာရာ၌ စိတ်နှိမ့်ချခြင်းနှင့်နူးညံ့သိမ်မွေ့ခြင်းအပြည့်အဝရှိလျက် စိတ်ရှည်စွာဖြင့်အချင်းချင်းမေတ္တာထားကြ လော့။

သင်တို့၏ နှုတ်ဆိုးညစ်သောစကားတစ်ခွန်းကိုမျှ မထွက်စေနှင့်။ နားထောင်သူတို့အတွက် အကျိုးရှိစေရန် အချိန်အခါကိုကြည့်၍ ကောင်းသောစကားကို အပြုသဘောဆောင်၍ပြောကြလော့။

ထို့ကြောင့်နာကြည်းခြင်း၊ စိတ်ဆိုးခြင်း၊ အမျက် ထွက်ခြင်း၊ အော်ဟစ်ငေါက်ငမ်းခြင်း၊ သူတစ်ပါး အသရေဖျက်ခြင်း၊ ခပ်သိမ်းသောမုန်းတီးခြင်း တို့ကိုဖယ်ရှားကြလော့။

စိတ်ဆိုးသော်လည်း အပြစ်မကျူးလွန်ကြနှင့်။ နေမဝင်ခင်အချိန်တွင် စိတ်ဆိုးပြေကြလော့။ မာရ်နတ်ကိုအခွင့်အရေးမပေးကြနှင့်။

သင်တို့သည် လှည့်ဖြားတတ်သောတပ်မက်ခြင်းများကြောင့် ပျက်စီးခြင်းသို့ရောက်မည့် သင်တို့၏လူဟောင်းတည်းဟူသော ယခင်က အသက်ရှင်နေထိုင်မှုကိုစွန့်လွှတ်ကြလော့။ သင်တို့၏စိတ်နှလုံးအား အသစ်ပြုပြင်မှုကိုခံယူကြလော့။ ဘုရားရှင်၏ပုံသဏ္ဌာန်တော်နှင့်အညီဖန်ဆင်း ခြင်းကိုခံရ၍ သမ္မာတရားဆိုင်ရာဖြောင့်မတ် သန့်ရှင်းသူလူသစ်ဖြစ်ကြရမည်။

ငြိမ်းချမ်းခြင်းတည်းဟူသော နှောင်ကြိုးဖြင့် ဉာဏ်အလင်းတော်မှပေးသော စည်းလုံးညီညွှတ်ခြင်းကို ကြိုးစား၍ ထိန်းသိမ်းကြလော့။

ယေရှုခရစ်တော်သည် တစ်ချို့ကိုသာဝကများအဖြစ်လည်းကောင်း၊ တစ်ချို့ကိုပညာရှိပရောဖက် များအဖြစ်လည်းကောင်း၊ တစ်ချို့ကိုမင်္ဂလာသတင်းဟောပြောသူများအဖြစ်လည်းကောင်၊ တစ်ချို့ကို သင်းအုပ်ဆရာနှင့် ဓမ္မဆရာများအဖြစ်လည်းကောင်း ရွေးကောက်ခန့်အပ်တော်မူသည်။ ဤသို့ ခန့်အပ်ရခြင်းမှာ ခရစ်တော်၏ကိုယ်ခန္ဓာနှင့်တူသောအသင်းတော်ကို တည်ဆောက်ခြင်းအတွက်၊ ဘုရားရှင်၏လူတို့အားအမှုတော်ထမ်းဆောင်ရန်အဆင်သင့်ပြင်ဆင်စေလိုခြင်းအတွက်ဖြစ်သည်။ အကျွန်ုပ်တို့အားလုံးသည် ယုံကြည်ခြင်းနှင့် ဘုရားရှင်၏ သားတော်ကိုသိကျွမ်းခြင်းတို့၌ တညီတညွတ်တည်း ဖြစ်သည့်တိုင်အောင် လည်းကောင်း၊ ရင့်ကျက်သည်ထိတိုင်အောင်လည်းကောင်း၊ ယေရှုခရစ်တော်၏ ပြည့်စုံခြင်းစံနှုန်းကိုမီသည်ထိတိုင်အောင်လည်းကောင်း ဤတာဝန်မှာ ဆက်လက်၍တည်ရှိနေဦးမည်ဖြစ်သည်။

ထိုအခါအကျွန်ုပ်တို့သည်ပရိယာယ်ဖြင့်လူတို့ကိုလမ်းလွှဲအောင်လိမ်လည်ပြောဆိုတတ်သူတို့၏ သြဝါဒလေလှိုင်းများထဲ၌ လေကြောင်းပြောင်းတိုင်းလွှင့်ပါသွားသောကလေ်သူငယ်များကဲ့သို့ဖြစ်ကြတော့မည် မဟုတ်ပေ။ ထိုအစား ချစ်ခြင်းမေတ္တာဖြင့် သမ္မာတရားကိုဟောပြောလျက် ဦးခေါင်းဖြစ်တော်မူသော ယေရှုခရစ်တော်၌ အစစအရာရာကြီးပွားတိုးတတ်မှုရှိကြရမည်ဖြစ်သည်။