Népszerű bibliai igeversek innen: Ephesians 1

Megosztás

ဘုရားရှင်သည် သင်တို့၏စိတ်နှလုံးမျက်စိကိုပွင့်လင်းစေ၍ ခေါ်ယူတော်မူခြင်းနှင့်ဆိုင်သောမျှော်လင့်ခြင်းသည် မည်သည့်အရာဖြစ်သည်ကိုလည်းကောင်း၊ သန့်ရှင်းသူတို့ခံရမည့်အမွေတော်သည် ဘုန်းအသရေနှင့် မည်မျှကြွယ်ဝသည်ကိုလည်းကောင်း၊ ကိုယ်တော်၏အစွမ်းသတ္တိနှင့်ပြည့်စုံသော တန်ခိုးအရှိန်အဝါ၏လုပ်ဆောင်မှုအားဖြင့် ယုံကြည်သောငါတို့အပေါ်သက်ရောက်သည့် ကိုယ်တော်၏တန်ခိုးသည် မည်မျှထူးကဲကြီးမားသည်ကိုလည်းကောင်း သင်တို့အားသိစေရန်တောင်းလျှောက်၏။ ထိုတန်ခိုးတော်ဖြင့် ဘုရားရှင်သည် ယေရှုခရစ်တော်အားသေရာမှပြန်လည်ရှင်သန်ထမြောက်စေတော်မူ၍ ရွှေမြို့တော်တွင် မိမိ၏လက်ယာတော်၌ စံမြန်းစေတော်မူသောအခါ၌ ပြသတော်မူသော တန်ခိုးပင်ဖြစ်သည်။ ထိုရွှေမြို့တော်တွင် ယေရှုခရစ်တော်သည် အုပ်ချုပ်သူများ၊ အာဏာပိုင်များ၊ တန်ခိုးရှင်များနှင့် အရှင်သခင် အပေါင်းတို့အားအုပ်ချုပ်တော်မူမည်ဖြစ်သည်။ ကိုယ်တော်၏နာမတော်သည် ယခုမျက်မှောက်ကာလ၌သာမက အနာဂတ်ကာလပင် ခေါ်ဝေါ်ခြင်းခံရသည့်ဘွဲ့နာမများအားလုံး၏အထက်တွင်ရှိတော်မူသည်။

ဤကမ္ဘာကြီးကို မဖန်ဆင်းမီကပင် ဘုရားရှင်သည် အကျွန်ုပ်တို့ကိုခရစ်တော်နှင့် တစ်သွေးတစ်သားတည်း ဖြစ်စေပြီး သူ၏ရှေ့တော်တွင် အပြစ်ဆိုစရာမရှိဘဲ သန့်ရှင်းမွန်မြတ်သူများဖြစ်စေရန်ရွေးချယ်တော်မူသည်အထိ ချစ်မြတ်နိုးတော်မူခဲ့ပါသည်။ အကျွန်ုပ်တို့သည် ဘုရားရှင်၏သားသမီးများဖြစ်စေရန် ယေရှုခရစ်တော်အားဖြင့်ရွေးကောက်တော်မူပြီးဖြစ် သည်။ ဤသည်ကား ဘုရားရှင်နှစ်သက်တော်မူသောအရာနှင့်အလိုရှိတော်မူသောအရာပင်ဖြစ်သည်။

ဘုရားရှင်၏ကျေးဇူတော်သည်ကြွယ်ဝလှသဖြင့် အကျွန်ုပ်တို့သည်ယေရှုခရစ်တော်၏အသွေးတော်အားဖြင့် ရွေးနုတ်ခြင်းခံခဲ့ကြရသည်ဖြစ်သည်။ ထိုရွေးနုတ်ခြင်းကြောင့် အပြစ်များကိုခွင့်လွှတ်တော်မူသောကျေးဇူးတော်ကို ရရှိကြခြင်းဖြစ်သည်။

အကျွန်ုပ်တို့၏အရှင်ယေရှုခရစ်တော်၏ အဖဘုရားရှင်အားချီးမွမ်းကြလော့။ အဘယ်ကြောင့်ဆိုသော် ဘုရားရှင်သည်ရွှေမြို့တော်နှင့်ဆိုင်သော ဝိညာဉ်ရေးရာကောင်းချီးမင်္ဂလာများနှင့်အတူ ယေရှုခရစ်တော်၌ တစ်လုံးတစ်ဝတည်းဖြစ်သောအကျွန်ုပ်တို့ကို ကောင်းချီးမင်္ဂလာရှိစေခဲ့ပြီဖြစ်သည်။