Népszerű bibliai igeversek innen: مَتَّى 23

Megosztás

و الزّول الأكبَر بينكُم هو بِكون خَدّامكُم.

الزّول اليَرفَع نَفسو، بِخُتّوهو تِحِت. و اليَخُت نَفسو تِحِت، بِكون مَرفوع.

حُزن ليكُم، يا مُعَلِّمين القانون و الفَرّيسيّين، المُنافِقين! عَشان إنتو تَدّو الواحِد في عَشَرَه مِن بُهاراتكُم، النَّعناع و الشِّبِت و الكَمّون، و لَكِن تَخَلّو الحاجات الأهَمّا مِن ديل في القانون، يَعني العَدل و الرَّحمَه و الإيمان. لازِم تَعمِلو دي، و ما تَخَلّو ديك.

حُزن ليكُم، يا مُعَلِّمين القانون و الفَرّيسيّين، المُنافِقين! إنتو بِتنَضِّفو الفِنجان و الصَّحَن مِن بَرَّه، و لَكِن مِن جُوَّه هُم مَليانين طَمَع و مَحَبَّة النَّفس.

يا أُورُشَلِيم، يا أُورُشَلِيم، البِتَكتُل الأنبياء و البِتَرمي حِجارَه فوق النّاس المُرَسَّلين ليكُم. كَم مَرَّه كُنتَ عاوِز ألِم أولادِك، زي ما الجِّدادَه تَلِم الجَّنى بِتِاعا تِحِت جِنحيها. و لَكِن إنتو أبيتو.

زي دا، إنتو كَمان مِن بَرَّه بِتبَيِّنو زي البارين لِلنّاس، و لَكِنَّكُم مِن جُوَّه مَليانين مِن نِفاق، و عَمَل بَطّال.