Népszerű bibliai igeversek innen: Байбихьи 1

Megosztás

Аллагьас абуна: «РачӀа Нилъер сураталда ва Нилъер сипаталда рекъон инсан вижизе Нилъеца, ва биччанте гьес ралъдалъ ругел ччугӀбуздаги, зобалазда роржанхъулел хӀанчӀаздаги, хӀайваназдаги, ракьалдасан шурулелщинал жалаздаги, тӀолабго ракьалдаги тӀад кверщел гьабизе». Гьедин Аллагьас инсан вижана Жиндирго сипат-сураталда рекъон. Аллагьасул сипат-сураталда вижана Гьес инсан: бихьинчиги чӀужугӀаданги – кӀиялго рижана.

Аллагьас гьезда баракат лъуна ва гьадин абуна: «Нужеца лъимал цӀикӀкӀун гьаре, нужго гӀемерлъизе рукӀине – ракь цӀезабе ва гьелда тӀад кверщел гьабе. Ралъадазулъ ругел ччугӀбуздаги, зобалазда роржанхъулел хӀанчӀаздаги ва ракьалдасан хьвадулелщинал жалаздаги тӀад кверщел гьабе».

Бищунго цебе Аллагьас зобги ракьги бижана.

ЧӀобого букӀана жеги ракь ва гьелъул куц букӀинчӀо: бецӀаб накӀкӀ тӀад тӀупараб тӀину лъалареб гъварилъиги, гъваридал лъиназда тӀад гьури гӀадин боржанхъулеб гӀицӀго Аллагьасул РухӀги букӀана.

Аллагьас абуна: «Бижа канлъи!» – ян. Ва канлъи бижана.

Аллагь валагьана Жинцаго бижанщиналъухъ – цӀакъ лъикӀ букӀана гьеб. БукӀана къасимех, нахъеги рогьел – гьедин ана анлъабилеб къо.

Аллагьасда бихьана канлъиялъул лъикӀлъи, ва Гьес канлъи бецӀлъиялдаса батӀа гьабуна.

Жеги Аллагьас абуна: «Гьале дица нужее нигӀматлъун кьуна ракьалда бижарабщинаб – хьон бугеб тӀегь-хер ва хьон бугеб пихъ кьолел гъутӀби.

Канлъиялда цӀар къойилан лъуна, бецӀлъиялда цӀар сордойилан ахӀана. БукӀана къасимех, нахъеги рогьел – гьедин ана тӀоцебесеб къо.

Цинги Аллагьас абуна: «Лъинал кӀийиде рикьизе, гьезда гьоркьоб къвакӀараб пардав бижа!» – ян. Ва гьедин ккана.

ГӀалхул жанаваразеги, хӀанчӀазеги, ракьалдасан шурулелщинал жалазеги, ай рухӀ бугебщиналъе, Дица кинабниги гӀурччинаб хер кьолеб буго кваназе». Ва гьедин ккана.

Аллагьас абуна: «Зодил пардавалда рижа, сордоги къоги батӀа гьабулел, заманалъул батӀи-батӀияб ригьги гӀужги бихьизабулел ва къоялги соналги рикӀкӀине бажарулел, гвангъарал чирахъал.

Аллагьас абуна: «Ракьалъ батӀи-батӀияб гӀурччинлъи бижизабе: хьон бугеб тӀегь-херги, бугӀа-ролъги ва хьон бугеб пихъ кьолел гъутӀбиги». Ва гьедин ккана.

Аллагьас къвакӀараб пардав бижана ва гьелда гъоркьги тӀадги лъинал кӀийиде рикьана.

Ракьалъ бижизабуна батӀи-батӀияб гӀурччинлъи: тӀегь-херги, бугӀа-ролъги, пихъ кьолел гъутӀбиги; гьезул щибалъул жинди-жиндир тайпаялъул хьонги букӀана, ракьулъ бекьани, цӀидасан жиб бижулеб. Аллагьасда бихьана гьеб лъикӀ ккей.

Аллагьас кӀиго кӀудияб чирахъ бижана: гьезул кӀудияб – къоязе ханлъи гьабизе, гьитӀинабаб – сардазе ханлъи гьабизе, гьединго цӀвабиги рижана.

Ва Аллагьас абуна: «Зобалазда гъоркь ругел киналго лъинал цойиде ракӀаре ва ракъдаллъи къватӀибе бакка», – ян. Ва гьедин ккана. Ракъдаллъиялда цӀар Аллагьас ракьилан лъуна, цоцазде данделъарал лъиназда цӀар ралъадал абун ахӀана. Аллагьасда бихьана гьеб лъикӀ ккей.

ва, гьеб киналдаго баракатги лъун, Аллагьас амру гьабуна: «Нужерго тӀинчӀ-къед цӀикӀкӀинабе, нужго гӀемерлъизаре ва ралъадазул лъинал нужедалъун цӀезаре. Риччанте ракьалда тӀад хӀанчӀиги гӀемерлъизе».

Аллагьас абуна: «Ракьалъ рижизаре батӀи-батӀияб тайпаялъул рухӀчӀаголъаби: хӀайваналги, ракьалдасан шурулел жалги ва гӀалхул жанаваралги». Ва гьедин ккана.

Аллагьас абуна: «Лъиназ бижизабе гӀемераб рухӀчӀаголъи. Зодихъ гьаваялда хӀанчӀиги роржанхъе».

Аллагьас рижана батӀи-батӀияб тайпаялъул гӀалхул жанаварал, хӀайванал ва ракьалдасан шурулеб батӀи-батӀияб рухӀчӀаголъи. Аллагьасда бихьана гьеб лъикӀ ккей.