Népszerű bibliai igeversek innen: Даниял 9

Megosztás

Дица дирго БЕТӀЕРГЬАН Аллагьасде дугӀа гьабуна ва Гьесда цебе рекӀекълъи загьир гьабуна: „Вай дир БетӀергьан Аллагь, Гучав ва ХӀикматав, Мун хириязе ва Дур ахӀкамал тӀуразарулезе къотӀи цӀунулев!

ГӀенекке, дир хирияв Аллагь, ва къабул гьабе Дуца! Нижер шагьаралде бер щвезабе ва балагье гьеб щущахъ биххизабун бугеб куцалъухъ – жинда Дур цӀар чӀвараб шагьар! Нижеца гьарулеб буго Дуда, нижер ритӀухълъиялъе гӀоло гуреб, амма Дур гурхӀел-рахӀмуялъул гӀатӀилъиялъе гӀоло. БетӀергьан, нижер гьари къабул гьабе! БетӀергьан, тӀаса лъугьа! БетӀергьан, гӀенекке ва нижее хӀалае вахъа! Дурго цӀаралъе гӀоло, дир хирияв Аллагь, тӀокӀалъ нахъе тӀамун тоге. Дур цӀар чӀван бугелъул Дур шагьаралдаги Дур халкъалдаги“.

Гьебмехалъ дун кӀалги ккун, тӀад хӀебтил гӀабаги ретӀун, ботӀроде рахъуги бан, БетӀергьан Аллагьасде гьардана.

Я БетӀергьан Аллагь, нижеца мунагьал гьаруна, амма Дур рахӀму гӀатӀидаб бугелъулха, Мун тӀаса лъугьине хӀадуравги вугелъул.

Гьес анкьго соналъул щулияб къотӀи гьабизе буго гӀемерал гӀадамалгун ва гьеб анкьсоналъул бащалъуда къурбаналги сайгъаталги къотӀизаризе руго; Мукъадасаб Рукъги хъублъизабун, гьенир цӀакъ къабихӀал ва чорокал ишал гьаризе руго. Бичас хӀарамзадае хъвараб ахир ва гьесие къотӀараб жаза гьесда тӀаде рещтӀинегӀан гьедин букӀине буго“».