Népszerű bibliai igeversek innen: Yowani 11

Megosztás

Yesu era kwire ámubura mbu: «Nyono, nyi nénde nômwola ebafu! Kanji nyi nénde nêresa ebandu ekalamo! Ola wànyêmerere mwa muchima wai kuika ànábone ekalamo, chiro angaba mbu àfire. Kanji chira mundu woshi ola uchíri muuma-uma anányemerere mwa muchima wai, atákafe chiro na hicha. Ei myasi, wèmerere'i?»

Yesu nai mbu: «Ndakúburaa kwa ukêmerera mwa muchima wao, ungálola kwa buashi bwa Ongo?»

Yesu muna malira.

Mango Yesu ômvaa bacha, era kuteta mbu: «Obu bulwala bwai, butá bwa kumwita, si bwàmuikirire chasiya Ongo áye ngulu, nanyi nyi Mwana wai nyíye ngulu kurengera'bo.»

Ábere era àmalaa kuteta ei myasi, era kuteta na murenge munene mbu: «Lasaro! Tèngaa omola!» Unao-unao, wali Lasaro kuna kutenga mwe'ra shinda. Ebihando ne'maboko mai, byábaa bichiri bìminyirwe mwa mirembe era béndee bámina mwe'bafu. Ne'buso bwai, nabo bwábaa buchíri bùhukirwe ne'luchimba. Yesu kukwera kubura abu bandu mbu: «Mumúboolaa esi njimba, mumureke áende.»

Yesu echifufu chera kumusimba kanji, era kusibuka busese na áya kwa shinda. Ei shinda, lwábaa lukunda, no'kwa chiso chalo kwábaa kuhukirwe ekoi linene.

Mango Yesu ábaa era àmalaa kuteta ei myasi, era kuhuba kubura ebanafunzi* bai mbu: «Mwira wetu Lasaro àonjire, si náya kumususa.»