Népszerű bibliai igeversek innen: Mateghusi 24

Megosztás

Yoyishi manyathero ghoveta, gho mbo gha kara matendereritho ghoruhakitho rwawendi. Ene yu mbo gha dhidhimeka kate paghuhura, mbo ghana pu kughamwena.

No mbudhi dhino, mbo dhina pu kuyuvitha mukaye kokahe, eshi marudhi ghomahe mbo gha yuve ghunongononi wadho. Ndani po mbo wiya ghuhura.

Amwe mbo muna yuvu nguyungani dhoyita nomukukumo wayo. Mu koneke mwa mba tutukwa. Yi kone kwiya ene kadi ghoghuhura.

Yoyishi, diko dimwe mbo di neman̂anyena diyendhadyo, noghufumu ghumwe kughufumu ghuyendhagho. No mbo ghana kara mayerenge mumango ghomengi nomakin̂eno ghomuve. Ene yoyiheya yi ne matangero ghoyinyanda yoghuye ghoghupya.

Diwiru nomuve, mbo yina dhongonoka, ene n̂ando dhange ne nokamanana temba.

Yoyishi hengi mbeya muDina dyange ghuninga eshi: ‘Yame Kristusi,’ no mbo hana pemukitha hanu hohengi.

“Munyima mbo hana mu tapa hanu eshi, ha mu shinye no mbo hana mu pagha. Mbo ghana mu nyatha mako ghomahe pamuranda ghokunongonona Dina dyange mwe. Munako dhi hengi hakamatawero mba wa, no mbana kuheta‐heta no kukudhimba. “Mbo ha neya haporofeta hohengi hombango no mbo hana pemukitha hanu hohengi.

Jesusi ha wa hutha eshi: “Mu koneke eshi gha mu pemukitha ghumeya.

Yodigho muyinu yofotji yi, namwe mu kwinduke. Yoyishi Mwanamunu, mbo gha neya munako dhi mwa dhira kudimukera mwe.

“Mu rawe ne keho, yoyishi mbadi muna dikuma eshi, diyuwa munye mbo gheya Hekudyenu.

“Ene noyofotji temba yu gha dimuka kwiya kodiyuwa di nonako temba. Nawaengeli homudiwiru temba naMwana temba. Tate pithendi yo gha yi dimuka.

Yoyishi mbo ha neya kughutho hakristusi hombango nawaporofeta hombango. Awo ne mbo hana na tendi yidimukitho yoyikuru noyitetukitho. Ngeshi kukona, kupemukitha karo wa hapwa kutorora.

Thika di ya karire mumayuwa ghaNoghe, kemo mbo yi kara karo pamwiyero waMwanamunu. Yoyishi mumayuwa gha kughutho ghodivavure, ha dire thika di ha dyangire no kunwa no kukuyeka, kate mudiyuwa di gha peramine Noghe mudyato. Ene mbadi ha karire nodighano eshi yinye yi di po, kate dyeyire divavure di wa kundumune po wahe. Kemo mbo yi kara karo pamwiyero waMwanamunu.