Népszerű bibliai igeversek innen: От Луки 12

Megosztás

Лъпысилъю апыӷӣҳсяӷўа̄ӷлюси пикатык қаюҳлъяк Иӷныӷа Югым тагияҳқа̄гуқ ўа̄кынӷилъҳаӷулъюни».

Тама̄кын апалъюқлъюку кияҳтылъыҳпысини мыгнуналъыҳпига̄ҳтыстыкык Кияӷныӷым Атаныҳпагулъҳалъю, пиюкылъҳалъю. Таўатын пикуфси Кияӷныӷым тӯнылъықӣ қамахлъюки аклъюкыхкаси».

Та̄хкын қамахлъюки пикӣ: «Кылыңалюси алъя̄ҳӣнаӷмың пакигнӣҳтылъыӷмың, қаюҳлъяк югым уңувалъыҳпига̄ сяӷьӣҳтылъыҳқун аюқынӷитуқ».

Аклъюңиси на̄нтыката сюмыҳтаӷалъысилъю таўанлъықут».

Ынка̄м налиҳпыси нулъқавӣӷуткылъюку уңувалъыни та̄куҳтырыгаҳлъықагӯ?

Та̄хкын Иисусым малихся̄ҳтыни пикӣ: «Тама̄кын апалъюқлъюку уңипа̄тамси, нулъқавӣӷуткыхпына̄н уңувалъыҳси, сямың ныӷылъыҳқаҳси, налиӷмың сямың а̄тылъыҳқаҳси.

Талўа нуяҳпыси угляҳталяңи Кияӷныӷым лӣсимакӣ. Алиңыхпынаси, Кияӷныӷым мыгнукатаӷаӷӣси қатыӷьӣӷалӷутның пакихулъюси».

«Алиңыхпынаси пынъӣҳамни, қаюҳлъяк Атахпыси қуякусиқлъюку тӯньюгақа̄ лъпысинун Атаныҳпагулъық.

Ысҳақаҳтыкиқун мытыҳлъюгыт, пӣтысиӷӣгатут, налиӷмың унатӣгатут, налиӷмың кахпагиңигатут, нақамлъю Кияӷныӷым ныҳқақӣ. Лъпыси мыгнунаӷатаӷаҳтуси қаўа̄гның!

Сюмыҳтаӷа̄маңинаҳпынаси сямың ныӷылъыҳқаҳпысиныңлъю мыӷылъыҳқаҳпысиныңлъю. Нулъқавӣӷуткыхпынаки тама̄кут

Кияӷныӷым а̄сиҳтуӷақӣ выга̄ӷыт пӣтфигмыхнилңӯт аӷныӷми таўани, иўырңа уна̄миңани қӣтақӣт. Кияӷныӷым а̄сиҳтӯңукаки выга̄ӷыт, лъпыси а̄сиҳтуӷатаӷаӷна̄нӷитисӣ? Ухпықилъыҳқыста̄пигӯси!

Сяңўа̄ ся̄пыхкақ ся̄путӣӷьяҳқа̄гуқ. Қамахлъюни аксяқыхкақ қайвиҳқысяҳқа̄гуқ.