Népszerű bibliai igeversek innen: रोमियों 14

Megosztás

क्युं क परमेसर को राज खाली खाबो-पीबो कोन्अ पण वो तो धार्मिकता छ, सांति छ अर पवितर-आत्मा सुं मलबाळो आण्द छ। ज्यो अस्यान मसी की सेवा करअ छ, उसुं परमेसर राजी रेव्अ छ अर लोगबाग उन्अ मान देव्अ छ।

अर ज्यो आपा जीवां छा तो परबु बेई अर ज्यो मरां छा तोबी परबु बेई। तो फेर छाव्अ आपा जीवां या फेर मरां आपा छा तो परबु का ही।

ई बजेसुं, वा बाता मं लाग्या रेवो ज्यो सान्ति न्अ बढ़ाव्अ छ अर ज्यांसुं एक-दूसरा की आत्मिक बढ़ोतरी मं सायता मल्अ छ।

जिसुं आपा आमा-सामा दोष लगाबो बन्द करां। अर ई बात की बज्याई इम्अ पक्‍का होवां क दूसरा भाया न्अ पाप मं पड़बा बेई कोन उकसाव्अला।

सास्तर मं मण्ढ मेल्यो छ, “परबु खेव्अ छ, म जीवतो परमेसर छु, म्हारअ आग्अ सबळा गोढ़ा टेक्अला, अर सबळा मान्अला क म परमेसर छु।” आपा म सुं हरेक न्अ परमेसर क साम्अ खुदको हिसाब देणो पड़लो।

ज्यांको बस्वास कमजोर छ वांन्अ बी लारां राखो, पण वांकी बाता प्अ बेसबाजी मत करो।

दूसरा का दासा को न्याऊ करबाळा थे कुण छो? वे सफल होव्अला या फेर असफल ई बात को फेसलो करबाळो वांको मालिक छ। अर वे सफल होव्अला, क्युं क परबु वान्अ सफल बणाबा की हिम्मत राख्अ छ।