Népszerű bibliai igeversek innen: Taniel 2

Megosztás

Iwe, a apasa, “Üpwe mwareiti Kot tori feilfeilachök, pun i a eäni tipachem me manaman. A siwili fansoun me kinikinin, a asapwilätiu king kana o seikiretä lon wiser, a pwal fang ngeni chon tipachem ar tipachem o ngeni chon silelap ar silelap. Iwe, a pwäri mine a alolol o monomon, a silei mine a op lon rochopwak, pun saram a nom ren.

Nge Taniel a pälüeni ewe king, “Esap wor eman soutipachem me sourong ika soupwe me souürür epwe tongeni pwäri ngonuk en king ewe monomon ka mochen silei. Nge mi wor eman Kot won läng a pwäri mine a monomon, a pwal pwäri ngonuk, en king Nepukatnesar, mine epwe fis me mürin. Iei usun om we tan me künaom, lupwen ka annut.

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.