Népszerű bibliai igeversek innen: VIKHOLWA 17

Megosztás

Nyasaye yakhola ndio, khu vandu vi tsimbia tsienetso vamukhave; khandi haundi vamunyole khuli vikombanga khumumanya. Khali ndio, Nyasaye shiali ihale wene khurula khu shia mulala khu khutsi tawe

Yalomba khurula khu mundu mulala vandu vi tsimbia tsiosi mu shivala, khu vamenye shia havundu hosi khulilova. Wamanya khale matukhu ka venyekhanga khumenya, khandi havundu ha valiitsa khuva nivamenyanga.

Nyasaye, walomba shivala nende shindu shiosi shilimu, neye Mwami wu mwikulu nende lilova; shianyala khumenya mu mateempeli ka vandu vumbakha tawe.

shichila waviritsa khale litukhu lialiitsa khukhalachila shia mundu wosi, mu shivala munjila yu vulunji khuvirila mu mundu wa yarovola. Neye wahaana shimanyilu khu shia mundu wosi lwa yisimushitsa mundu mwenoyo khurula mu likhutsa.”

Lwa khuli vaana va Nyasaye, khuvuli khukanakana ndi liiva lia Nyasaye lili khuli itsahabu inoho ifetsa inoho lichina inoho shimanyilu khuli shiu mundu yalomba ni tsinganakani tsietsie.