Népszerű bibliai igeversek innen: Matewu 18

Megosztás

Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

Jesu a to dhana mwanana wam'dotho e mu emisa hagari kwawe, a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Ngu konaho, awu a no ti veka hahatshi a txi fanana ni mwanana wuwa wam'dotho, ngene a no va i di wa hombe Mfumoni ka nzumani.

Sekoko, awu a no amukela ngu ditina dangu, mwanana wammweyo wa ku nga wuwa, ngani a ni amukelako.”

“Kha ditshuri na mi gela: Txihi ni txihi mi no txi sunga ha mafuni, txi na sungwa ni kona nzumani; txihi ni txihi mi no txi thukunyula ha mafuni, txi na thukunyulwa ni kona nzumani.

Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

“Aniko awu a no khuvekisa mmweyo ka vava vavadotho va tumelako kwangu, ti nga va i di txhuko ti to txiwindi txa kukhurula txi sungelelwa thamoni kwakwe, a txi rinzwa txizivani ka linene.

Se mi khanu txani kani? Ngako m'thu a di ni 100 da tinvuta, se yimweyo ya tona yi txi mwalala, ina kha siyi ti ta mtxhanu ni mune wa magumi, ni mtxhanu wa tinvuta ni mune, mimangoni, e tsimbila e lava yi yi nga mwalala kani?”