Népszerű bibliai igeversek innen: Johannes 2

Megosztás

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Unkan Jesus heciya; Winoḣinca hetanhan iwamayatokiya he; nahanḣin iyemicihantu śni ce.

Wakiśkokpa kin mini ojudan okaśtan po, ewicakiya. Unkan ojugjudan okaśtanpi. Hehan, Onge etanhan icupi qa omniciye itancan kin he kaya po, Jesus ewicakiya. Unkan kayapi.

Unkan Jesus waayupte c̣a, Tipi kin de ihangya po, qa anpetu iciyamni kin han ake ekicetuwaye kta, ewicakiya.

Qa icapsinte cikciqadan yugaga wan kage c̣ehan, tipi wakan kin etanhan owasin tankan iyewicaya, taḣinca tatanka ko; qa mazaska tokiyopekiciyapi qon iś kada iyeya, qa can wahna wotapi kin he nakun paahdapśinyan eḣpeya. Qa wakiyedan wiyopeyapi kin iś, Dena owasin tankan iyeya po, qa, Ate ti kin de wopeton tipi kagapi śni po, ewicakiya.