Népszerű bibliai igeversek innen: ᐊᑈᔅᑕᓇᒡ 2

Megosztás

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᒥᓯᐛ ᒪᒃ ᐊᑯᑕ ᒧᔅ ᑲ ᑕᒡ ᐊ ᒋᔅᑯᑎᒪᒐᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒋ ᐸᒂᓇᐅᒡ ᐸᒂᓯᑭᓇ ᑭᔭ ᒋ ᒪᒧᐤ ᐊᔭᒥᐊᐅᒡ᙮

ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᓯᔅᒋᑯᒡ ᒋ ᐅᒋ ᐸᑎᒧᒡ ᒧᔭᒻ ᐊ ᒥᔅᑎᔪᑎᓂᔨᒡ ᐊ ᐃᑎᑕᑯᓂᔨᒡ ᐊᓐᑕ ᒋᒋᒋᓯᑯᒡ ᐅᒡ᙮ ᒥᓯᐛ ᐊ ᐃᔅᐱᓴᔨᒡ ᐱᑎᑭᒥᒡ ᐊᓂᔭᔪᐤ ᒥᒋᐛᐱᔪᐤ ᑲ ᑕᒡ ᒋ ᐸᑕᑯᓂᔪᐤ᙮ ᐊᑯ ᒂ ᐅᒋ ᓄᑯᓂᔨᒡ ᐃᔅᑯᑕᓯᓴ ᐊ ᑭᒐᒥᑕᔨᒋ ᐊ ᐃᓯᓇᑯᓂᔨᒋ ᐊ ᐊᑎ ᒪᑎᓄᐛᐱᔨᒋ, ᒥᓯᐛ ᐸᐸᐃᒄ ᐊᐛᓐ ᐊ ᑕᑦ ᐸᐃᒄ ᐅᔭ ᒋ ᑎᑯᓂᔪᐤ᙮ ᒥᓯᐛ ᒪᒃ ᐊ ᑎᓯᒡ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ᒥᔨᑯᒡ ᐊᒐᒂ ᒐᒋ ᐃᓯ ᐃᔨᒥᒡ᙮

ᐊᓯᑯᒻ ᒋᓯᑲᐛ ᒪᒃ ᒋ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ᒥᔽᔨᑕᒡ ᐅᑕᐃᐛᒡ ᐊ ᒥᔨᑐᒡ ᑕᓐ ᐊ ᐃᓯ ᐊᔭᒡ᙮ ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐃᔅᐱ ᒪᔅᑕᔾ ᐊᑎ ᒋᓯᑲᒐ ᒪᐅ ᒐ ᐃᑐᑎᒪᓐ ᒋ ᐃᔅᒋᔄᐤ ᒋᓴᒪᓂᑐᐤ, ᒥᓯᐛ ᐊᐛᓐ ᓂᑭ ᓯᒋᓂᒧᐛᐤ ᓂᑦ ᐊᒐᒂ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᒋᑭ ᒋᔅᒋᐛᐃᒐᐅᒡ᙮ ᐅᔅᒋᓂᒋᓱᐅᒡ ᒋᑭ ᐛᐸᑎᒧᒡ ᐛᐸᑎᔨᐛᐅᓇ ᐊᑯ ᒋᓴᐃᔪᒡ ᓂᓇᐧᑯᐤ ᒋᑭ ᐃᓯ ᐳᐛᒧᐅᒡ᙮

ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᒧᔅ ᒋ ᒪᒧᐤ ᐊᔭᒥᐊᐅᒡ ᑭᔭ ᐅᒐᒂᓂᒧᐛᐛ ᒧᔅ ᒋ ᒪᒧᐤ ᐊᐱᒋᑕᐅᒡ᙮ ᒋ ᐊᑕᐛᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯ ᒂ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ᑎᓯᒡ᙮ ᒥᒄ ᑕᓐ ᐊ ᐃᓯ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ᒥᔭᑭᓄᐅᑦ᙮

ᐊᑯ ᒪᒃ ᑕᑐᐤ ᐊᐛᓐ ᒐ ᑕᑈᑎᒧᒂ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᐅᓂᔪᐤ, ᒋᑭ ᐱᒪᒋᐊᑭᓄᐤ᙮”

ᐱᓯᒻ ᒋᑭ ᑎᐱᔅᒋᐱᔪᐤ ᑭᔭ ᑎᐱᔅᑲᐤ ᐱᓯᒻ ᒋᑭ ᒥᐧᑯᓯᐤ ᒧᔭᒻ ᒥᐧᒄ ᐊ ᐃᓯ ᒥᒂᒡ ᐊᐅᑯᓐ ᒐ ᐃᓯᓇᑯᓯᑦ ᐊᔅᒄ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᓇᔅᒡ ᑕᑈ ᒋᑭ ᒋᔅᑕᔨᑕᑯᓐ ᐊᓐ ᐊ ᒋᓯᑲᒡ ᑭᔭ ᓄᐛᒡ ᒋᑭ ᑎᑯᓐ ᐊ ᓴᒋᓯᓇᓄᐅᒡ᙮