Népszerű bibliai igeversek innen: प्रस्थान 7

Megosztás

छबिमा याहवेहजी मोशाने बिइ, “थेद्, ङइ फारोए ल्हागिर क्हि परमेश्‍वर धोंन् लमिंइमुँ, धै क्हिए आघें हारून क्हिए ताँ पोंमिंबै म्हि तब्मुँ।

दिलेया ङइ फारोए सैं सारो लवाब्मुँ। धै ङइ ङ्हिंन् ङ्हाँन् तबै औदिबै चिनुमैं ल्हें लमिंब्मुँ। दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

छतमा फारोज्यै या ह्रोंसए ह्रब सेब्मैं नेरो टुना मुना लब्मैं हुइबर कुलइ। धै च मिश्रर्बै जादु लब्मैंज्यै या ह्रों-ह्रोंसए न्होंर्बै सिपउँइँले छान् लइ। ताँनइ ह्रों-ह्रोंसए प्हरे भ्योंवामा प्हुरि तयाइ। दिलेया हारूनए प्हरेइ चमैंए प्हरे क्ल्ह्‍योंवाइ।

छतसि “ङ्‍ह्‍योद्, ङइ नील स्योंर्बै क्यु ङए योर्बै प्हरेइ प्रिंब्मुँ। धै च को तयाब्मुँ। छले ङ याहवेह ग बिबै ताँ क्हिइ सेब्मुँ।

“फारोइ क्हेमैंने ‘औदिबै के लसि उँइँन्’ बिमा, क्हिइ हारुने ‘प्हरे फारोए उँइँर भ्योंवाँन्’ बिदु, धै च प्हरे प्हुरि तब्मुँ।” छतसि मोशा नेरो हारून फारो ङाँर ह्‍यासि याहवेहजी बिब् धोंलेन् हारूनइ ह्रोंसए प्हरे किंसि फारो नेरो चए म्हिमैंए ओंसों भ्योंवामा प्हरे प्हुरि तयाइ।