Népszerű bibliai igeversek innen: Apocalipsis 8

Megosztás

A̱ndá ti ó kuakitje̱he̱ ti Kolélo ti ya̱to̱xi̱n sello chónta ti libro la kꞌuixinhña ninkehó ruido chjina itꞌo̱ hora ti nkaya nka̱jní.

*Ndá ti ángel sa̱oxín kꞌuánoa ti trompeta, mé kꞌuaniá toni la ko xrohi sinkíkjanxín ijni̱, mé ikui chjasintajni. Ndá iche níxin parte ti nonte la ko níxin parte ti inta la ko kaín ti kayoa siín.

Ndá na̱xa̱ tsjaha̱ la kui̱ha̱n kixin ijnko ángel tjetjaká nko̱siñe nka̱jní mé itsen ndáchro: ―¡Nóa ti sin tjejó chjasintajni ti ó tsondáchro ti trompeta tsꞌánoa ti iní ángel na̱xa̱ tꞌitjáña!

A̱ndá ti yaáxin ángel kꞌuánoa ti trompeta mé éxi ijnko ijna̱ ijié síchrꞌákjen xrohi la sákjuí kꞌuánótjenkí nda̱ñao ndá ti níxin parte ti nda̱ñao la kꞌóna ijni̱.

*A̱ndá ti níxin ángel kꞌuánoa ti trompeta, la kꞌuánótje̱xi̱n nka̱jní ijnko konotsé ijié, éxi ijnko xrohi ijié tjeche. Mé kꞌuánótjenkí níxin parte ti nda̱río la ko níxin parte ti sítꞌaxrje ìnta̱. *A̱ndá ti konotsé la itꞌin Ajenjo, mé tꞌaxrjexín itsjá, landá ti níxin parte ti ìnta̱ la kótsjá, la xi̱kaha itsjé chojni kꞌuénxin ti ìnta̱ kixin itsjá.

*A̱ndá ti noóxin ángel kꞌuánoa ti trompeta, la kjuíncheníhi níxin parte ti ña̱o, níxin parte ti nitjó la ko níxin parte ti konotsé. Méxra̱ níxin parte la kótié la í kohya tꞌinkaséña níxin parte ti ncha̱kotjin la ko tie.