Népszerű bibliai igeversek innen: Apocalipsis 21

Megosztás

*Díos mé tsꞌóní kaín nda̱kon sin la í tso̱kohya ti itsꞌen chojni, la tso̱kohya nkexro tsotsjánka la ko tsꞌává, tso̱kohya ti tsjasóte chojni kixin kaín ti nkehe kuékꞌíxin ósé la ó kjuixin kꞌuatsínka.

A̱ndá ti nkexro tetja̱xi̱n ti trono mé ndáchro: ―Janhan si̱tꞌána ni̱xin kaín nkehe. La kja̱xin ndáchro: ―Ikjian tíhi, kixin tíhi mé itan chaxín ndoa la ko jína tsitekaon chojni.

*Ndá kui̱ha̱n ijnko itan itsen kui̱xi̱n nkaya nka̱jní ndáchro: ―Tihín, ijie la Díos itjen ntiha ti siín chojni, la tsꞌejóko sin ti jehe chꞌan, la jehe sin tsꞌóna sin chjasén chꞌan, la Díos mé tsꞌejóko sin ntiha la tsꞌóna Díos kuènté sin.

*Ndá chrónka chꞌan: ―Ó kjuixin kóhen kaín nkehe. Janhan mé ti xránkíxixín la ko ti tsjixixín, éxi ti letra A hasta Z. Ti nkexro ikꞌuén ìnta̱ la janhan tsotjahá ti ìnta̱ tjajon kjuachón la ninkehó tsꞌixinkíehya sin.

*Ti nkexro tsjacha tsíto̱ehya ti janhan la tsꞌáyéhe̱ sin kaín tíhi. La janhan tsꞌóna Díos kuènté sin, la jehe sin tsꞌóna sin xja̱na.

Kjánchó ti nkexro chrakon, ti nkexro titekakonhña, ti nkexro chji̱no̱xíhin, ti nkexro tꞌóñá kícho, ti nkexro tjasiko ijie̱ ókjé chojnichjin, ti nkexro nchexro̱a̱n, ti nkexro tinkáchónki nkehe tsíkjano̱ña la ko kaín ti nkexro xrichꞌia, mé sátsji ti siín xrohi la ko azufre kixin tsoche mé tíhi ti yaáxin itsꞌen chojni.

*Ndá chrꞌéxi̱n kꞌuíkua̱n ijnko nka̱jní ni̱xin la ko ijnko nonte ni̱xin, kixin ti nka̱jní sa̱oxén la ko ti nonte sa̱oxén la kꞌuitjáña la ti nda̱ñao la í kohya.

*Janhan, Juan, kꞌuíkua̱n ti chjasin ijié tjóá, ti Jerusalén ni̱xin, kꞌuínkaji̱nxi̱n nka̱jní kui̱xi̱n ti itjen Díos, la kuenté tsíkꞌitsá éxi ijnko chojnichjin tsíkꞌitsá kixin tso̱te̱he.

*Ti chjasin a mé ticháxi̱nhña kixin ti ña̱o o̱ ti nitjó tsꞌinkaséñaxín, kixin ti kjuachaxin ijié kuènté Díos la ko ti Kolélo mé ti xrohi tꞌinkaséñaxín ntiha. *La ti chojni kaín nación tsíkaá la tsjixín sin ti xrohi kuènté ti chjasin a, la ko ti sin rey kuènté chjasintajni la tsji̱ka̱o sin ti nkehe kꞌuéchónta sin.