Népszerű bibliai igeversek innen: Mateo 22

*Ndá chꞌin Jesús ndáchro: ―“Chrotjue̱héra Ìnchéni Díos kaín a̱sánra la ko kaín kjuaxrexinkaon kuèntára.” Tíhi ti ley imá tjetoan la ko ti sa̱oxín kꞌue̱to̱an Díos. *A̱ndá ti yaáxin la tóyóhe̱ la ndáchro: “Chrotjue̱héra kichuara éxi tju̱éxinra a̱sánra.”

*Yaá ti nkehe i mé a̱ntsí tjetoan kuènté ti ley tsíkꞌe̱to̱an Moisés la ko ti nkehe kjuako ti sin kꞌuéchronka itén Díos ósé.

Ndá ndáchro chꞌin Jesús: ―Nchónhña chojni kꞌue̱ya̱ha̱, kjánchó tsjéhya ti chojni tóchjinehe ti janhan ―ichro chꞌin Jesús.

Ti ó tsoxechón ti chojni tsíkꞌen la ninkexró í tso̱te̱ehya kixin kaín ti sin tsíkꞌen la tsꞌejó sin éxi ti sin ángel kuènté Díos itjen nkaya nka̱jní.

Tjákora ijnko ti chichaon tjènka̱ra ―ichro chꞌin Jesús. Ndá kjua̱ko̱he̱ sin chꞌin Jesús ti chichaon. Ndá chꞌin Jesús kjuanchankí, ndáchro: ―¿Nkexro tjenkáni ti chichaon i, la ko nkexro ihni̱é chónta? ―ichro chꞌan. Ndá jehe sin kjuáte̱he sin: ―Kuènté César ―ichro sin. Ndá ndáchro chꞌin Jesús: ―Ti xi̱kaha la chje̱héra César ti nkehe kuènté, a̱ndá ti nkehe kuènté Díos la chje̱héra Díos ―ichro chꞌin Jesús.