Népszerű bibliai igeversek innen: Hebreos 13

Megosztás

*Méxra̱ chrókóxríanhñara chróchontara itsjé chichaon la chrókócháhara kjónté kanhñó itsjé chontara; kixin Díos la tsíndáchro: “Janhan la tsi̱to̱a̱hya ti jahara la ko tsꞌitjáñanahña ti jahara.”

Ìnchéni Jesucristo mé ijna la ko ijie la ko nkochríxín tꞌixikíhya chꞌan; jehe chꞌan mé nkochríxín itjen chꞌan.

*Mé xi̱kaha jína tsondáchroni: Ìnchéni mé tjinki̱tsa ti jeheni, méxra̱ chrakonhani kjónté nkojín chojni tjenka̱yáxin ichrén nkehe jínahña sichꞌehe ti jeheni.

Chrokꞌuitjáñahñara chrókjui̱chꞌera ixra̱ jína la ko chrókjuínki̱tsara kichuara. Ti xi̱kaha chrókuitekáonra mé xi̱kaha tóxríhi̱n Díos.

Méxra̱ xi̱kaha chrókjuikosáyeheni Díos kixin Jesucristo kjuasótexín chꞌan kixin ti jeheni. Ti nkehe chrókjuajoni chrókꞌuáyéhe̱ chꞌan la mé ti kjuasáya tsꞌaxrjexín irꞌuani kixin tinkáchónkini ti jehe chꞌan.

Méxra̱ kaínra tsíkóta̱hara la chrókjuíkosáyehéra kichuara la chrókuitekákohénra kichuara. Chrotjue̱héra kichuara la ko tjóá chrókꞌuejora. A̱ndá ti nkojín ti chojni ó tsíkóte̱he tjinkaon tsjasiko ijie ókjé chojni la Díos sinchekjasóte chꞌan ti sin xi̱kaha ichꞌe.

*La chrókꞌuitjáñahñara chrókjuájonra kjuachaxin chrókuíto̱he ndo̱ara ti chojni tsíkji̱xi̱n ikjín. Mé xi̱kaha itsjé chojni kjuajon kjuachaxin, la kjónté noehña sin la ijnko ángel tsíkito̱he ti ndo̱e sin.

Ti Díos tjajon kjuaxróxin, ti nkexro kjuínchexechón Ìnchéni Jesucristo, mé ti Pastor tjetoan tꞌayakohen ti kolélo, la kjuajon chꞌan ti ijni̱é chꞌan kixin tsoxiteyáxin ti kjuachaxin ni̱xin sichꞌe ixra̱ nkochríxín, jehe chꞌan mé tsjinki̱tsa chꞌan ti jahara kixin jína chrókꞌuejora la ko kaín ixra̱ jína chrókjui̱chꞌera éxi tjinkaon chꞌan; la ko Ìnchéni Jesucristo tjinki̱tsa kixin kaíni sichꞌeni ti ixra̱ tjinkaon chꞌan. Mé xi̱kaha tsochjéheni Cristo kjuasáya nkochríxín. Mé xi̱kaha tso̱hen.