1 Ba-Tesalonika 1
1
1 #
Inc 17:1; 15:40; 2 Tes 1:1 Ndiswe ba-Paulo a-Silvano a-Timoteo, tulamujuzya nombungano yakuTesalonika muli-Leza Taateesu a-Jesu Kristo, Mwami wesu. Akube kulindinywe luzyalo aluumuno.
Paulo ulalumba milimo yaba-Tesalonika
2 #
2 Tes 1:11
Tulamulumba Leza lyoonse anywebo nyoonse, tulamwaambilizya kukukomba kwesu, 3#1 Kor 13:13; Kol 1:4,5mbotuyeeya cakutaleka milimo yanu yalusyomo akubeleka kwanu kwaluyando akukakatila kwabulangizi mbumulangila Mwami wesu Jesu Kristo kumeso aa-Leza Taateesu, 4Akaka nobakwesu bayandwa kuli-Leza, tulizi kuti mwakasalwa, 5#1 Kor 2:5nkaambo Makani Mabotu ngitukambauka naakasika kulindinywe, tecakasika amajwi alike pe, akeza anguzu a-Muuya Uusalala akulamwa kunji kwamumoyo, Mulizi nobeni mbutwakabede nkaambo kandinywe nitwakakede akati kanu, 6#Inc 17:5-9; 13:52; 1 Kor 4:16; 2 Tes 3:9Nkabela mwakaba batobeli bandiswe aba-Mwami, mwakatambula Makani akati kamapenzi manjimanji akubotelwa kwa-Muuya Uusalala, 7#1 Tes 4:10; Flp 3:7; 1 Pet 5:3aboobo mwakaba zyeezyanisyo kubasyomi boonse bamu-Makedoniya abamu-Akaya. 8#Rom 1:8Nkaambo kuzwa kulindinywe makani aa-Mwami akaya impuwo koonse koonse, nkabela takweensi kwaamba ku-Makedoniya aku-Akaya luzutu, pele muzisi zyoonse lusyomo lwanu lwakuli-Leza lwakaba ampuwo. Lino swebo tatweelede akulwaamba, 9#Inc 14:15; Joh 17:3; 1 Kor 12:2ikuti bantu beni balatwaambila kuswaya kwesu kulindinywe mbokwakabede, ambomwakafutatila mizimo akulanga kuli-Leza, kuti mukombe Leza uupona mwinimwini, 10#1 Tes 5:9; Tit 2:13; Inc 17:31akulindila kuboola kwa-Mwanaakwe kuzwa kujulu, ngwaakabusya kulufu, ngonguwe Jesu uutuvuna kubukali buza,
Chwazi Kounye ya:
1 Ba-Tesalonika 1: Ibbaib63
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
The Bible in Tonga (Zambia) © United Bible Societies, 1963.