Sofonías 2
2
1Chꞌutubomak e̱rib ut cꞌoxlahomak cꞌaꞌru te̱ba̱nu, la̱ex li tenamit li ma̱cꞌaꞌ e̱xuta̱n. 2Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru. 3Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.
Eb lix ni̱nkal ru tenamit li ma̱cuaꞌeb aj judío teꞌsachekꞌ ruheb
4Li tenamit Gaza ta̱tzꞌekta̱na̱k ut li tenamit Ascalón ta̱sachekꞌ ruheb. Ut li tenamit Asdod, chi cutan ta̱makꞌekꞌ chiruheb chixjunil li cꞌaꞌru cuan reheb. Ut li tenamit Ecrón chanchan michꞌbil teꞌuxk reheb nak teꞌsachekꞌ ruheb. 5Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit. 6Li tenamit li cuan chire li palau ta̱pimokꞌ ut ta̱sukꞌi̱k chokꞌ xnaꞌajeb xul. Aran teꞌxchꞌutub ribeb laj ilol xul ut aran teꞌxqꞌue xnaꞌajeb li carner, chan li Ka̱cuaꞌ. 7Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic. 8Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb. 9La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ. 10Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb. 11Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb. 12Li Ka̱cuaꞌ quixye: —Joꞌcan ajcuiꞌ te̱cꞌul la̱ex aj Etiopía. Tinsach ajcuiꞌ e̱ru riqꞌuin lin chꞌi̱chꞌ, chan. 13Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k. 14Lix naꞌajeb laj Asiria ta̱cana̱k chokꞌ xnaꞌajeb li xul xban nak juqꞌuinbil chic chixjunil li naꞌajej aꞌan. Tꞌantꞌo̱keb aj chic chi cutanquil li chacalteꞌ, lix cheꞌel li rochocheb. Teꞌcua̱nk cuacax aran joꞌqueb ajcuiꞌ li xul li cuanqueb saꞌ qꞌuicheꞌ. Saꞌ xbe̱n li oqueba̱l teꞌcua̱rk li soꞌsol ut eb li cuarom. Ut ta̱abi̱k nak tixjap re saꞌ li ventana. 15Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.
Chwazi Kounye ya:
Sofonías 2: kek
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2019, Wycliffe Bible Translators. All rights reserved.