Néra Njékaḭkulaje 22
22
1Ŋgakɔmje gə bɔmje gə́ dəwje, ooje ta ləm gə́ m’a gə pa ɓasinè gə mba taa ne dɔm lé.
2Loo gə́ deḛ d’oo to gə́ yeḛ pata gə ta Ǝbrə ndá kaa-mbi-loo-pa-doi. Pool ula dee pana: 3Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ#NNk 5.34-39. 4Deḛ gə́ taa ta neelé m’ula kəm dee ndòo m’ar dee d’wəi ne ləm, m’wa diŋgamje gə denéje m’tɔ dee m’ɔm dee daŋgai’g ləm tɔ. 5Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g#NNk 8.3, 26.9-11.
Pool ɔr gin meekun ləa
NNk 9.1-19, 26.12-18
6To gə́ m’isi m’aw rəbee ɓəi lé m’unda dɔ Damas dəb ndá kàr aar daŋdɔ bèe ya ɓa loo ḭ dara ndogó gugu dɔm sub. 7Ma m’guru naŋg rug ndá m’oo ndu ɓar dɔm’g wəl-wəl pana: Sool, Sool, see ban ɓa i ula kəm ndòo bèe wa. 8Ma m’tel m’dəjee m’pana: Mbaidɔmbaije, see i to gə́ nawa. Yeḛ ulam pana: Ma m’to gə́ Jeju gə́ Najaret gə́ i ula kəm ndòo lé ya. 9Deḛ gə́ d’aar səm lé d’oo loo gə́ ndogó lé ya, nɛ ndu dəw gə́ njepata neelé ɓa oso mbi dee’g el. 10Yen ŋga m’dəjee m’pana: Mbaidɔmbaije, see m’a ra ban ŋga nee wa. Ndá Mbaidɔmbaije ilam keneŋ pana: Uba naŋg ḭta aw Damas ndá d’a kulai né gə́ kəm kari ra lé ɓəi. 11To gə́ m’oo loo el gə mbata loo gə́ ndogó wərərə kəm’g lé ndá deḛ gə́ njékaw səmje lé ndɔrm gə ji dee ɓa m’teḛ Damas ɓəi.
12Dəw kára si Damas ria lə Ananias, yeḛ to njemeenda gə́ un godndu lad ləm, Jibje lai gə́ d’isi Damas lé d’ɔr goo ta ləa maji ləm tɔ. 13Yeḛ ree aar nɔm’g ulam pana: Ŋgokɔm Sool, teḛ kəmi bəsəsə oo ne loo. Léegəneeya m’teḛ kəm bəsəsə m’oo ne loo ndá m’eaa gərərə. 14Yeḛ ulam pana: Ala lə ka síjeḛ ɔri undai gə kəmee gə mba kari gər torndia ləm, gə mba kari oo Njemeekarabasur lé ləma, gə mba kari oo ta gə́ təa’g ləm tɔ. 15Mbata i a to gə́ njekɔrgoota ləa dɔ néje lai gə́ i oo gə kəmi gə oo gə mbii lé kar dəwje lai-lai d’oo səi ya. 16Bèe ndá ɓasinè see i si ŋgina ɗi ɓəi wa. Uba naŋg ḭta ɓar ri Mbaidɔmbaije ɓa ar dee rai ne batɛm togo ne kaiya məəi’g.
Pool ɔr goo ɓar gə́ Ala ɓaree ulá ɓee lə njépole-magəje
17Ma m’tel m’aw Jerusalem ndá loo gə́ m’isi m’ra tamaji kəi-Ala’g ndá né mḭdi teḛ dɔm’g 18am m’oo Mbaidɔmbaije aree ulam pana: Maji kam m’ɔs rɔm ɓad m’unda loo m’teḛ Jerusalem kalaŋ mbata ta gə́ m’ɔr m’wɔji ne dɔ neḛ’g lé d’a taa el. 19Ma m’ilá keneŋ m’pana: Mbaidɔmbaije, deḛ nja gər gao, to gə́ ma lé m’to gə́ njekwa deḛ gə́ d’ɔm meḛ dee dɔi’g kəi-kwa-dɔ-na̰je’g lə dee, m’ɔm dee daŋgai’g ləm, m’kunda dee gə́ ndəi ləm tɔ. 20Tɔɓəi loo gə́ d’ɔm məs Etien gə́ njekɔrgoota ləi naŋg lé ndá ma m’aar sə dee ta pəree’g na̰’d ləm, m’ndigi sə dee rəgm ya ləma, ma nja m’to gə́ njeŋgəm ta kubu lə deḛ gə́ to gə́ njétɔleeje lé ləm tɔ#NNk 7.58. 21Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.
Pool pa təsərə pana: Neḛ n’to dəw gə́ Rɔm ya
22D’ur mbi dee dɔ ta’g ləa lé gèŋ saar ta neelé teḛ təa’g. Yen ŋga d’ila boo-ndu dee naŋg pana: Dəw gə́ togə́bè lé maji karee godo naŋg nee. Nérea wa bua kaw kəmba el.
23Deḛ ndaŋg rɔ dee paḭ-paḭ ləm, tɔr kubu rɔ dee’g wɔgədɔ-wɔgədɔ d’ɔm naŋg ləma, saa naŋg d’ɔm dɔ dee’g ta-ta ləm tɔ. 24Ɓé-njérɔje lé un ndia ar dee d’aw gə Pool gadloo’g kɔrɔg mba dəjee ta gə ndəi ɓa gə mba koo gin né gə́ deḛ ndaŋg ne rɔ dee d’wɔji ne dəa lé. 25Loo gə́ d’ɔr ndəi piao ndá Pool dəji njekɔrno̰ njérɔje gə́ tɔl-tɔl gə́ aar keneŋ lé pana: See d’un ndu dee d’ar sí gə mba kar sí kundaje dəw gə́ Rɔm gə́ ta wa dəa el ɓəi lé gə ndəi wa.
26Loo gə́ njekɔrno̰-njérɔje gə́ tɔl-tɔl lé oo ta neelé ndá yeḛ aw rɔ ɓé-njérɔje’g gə mba kulá karee oo pana: See i a ra ban ŋga gə rɔi wa. Mbata dəw neelé to dəw gə́ Rɔm.
27Ɓé-njérɔje ree rɔ Pool’g dəjee pana: Ulam gəd, see i lé to njeɓee gə́ Rɔm ya wa. Pool ilá keneŋ pana: Oiyo, bèe ya.
28Ɓé-njérɔje tel ulá pana: Ma lé m’ar dee lar yaa̰ gə mba tel ne rɔm gə́ njeɓee gə́ Rɔm. Pool pana: Ma lé m’to gə́ njeɓee gə́ Rɔm gə́ kojikəikɔl ya.
29Léegəneeya deḛ gə́ d’a gə kundá ɓa dəjee ne ta lé ɓəi deḛ sa rɔ dee d’ḭ ŋgəndəŋ-ŋgəndəŋ dəa’g, nɛ ɓé-njérɔje lé loo gə́ yeḛ oo to gə́ Pool to gə́ njeɓee gə́ Rɔm ndá yeḛ ɓəl mbata yeḛ un ndia ar dee teá.
Pool aar no̰ njégaŋ-rəwtaje’g
30Bèlè lookàree ɓé-njérɔje ndigi koo ta né gə́ Jibje səgee ne lé gəd ndá yeḛ ar dee tudu kúla rəa’g un ndia ar mbai dɔ njékinjanéməsje-je gə njégaŋ-rəwtaje lə Jibje ar dee mbo̰ dɔ na̰. Tɔɓəi yeḛ ar Pool uru naŋg aree aar dan dee’g dana.
Chwazi Kounye ya:
Néra Njékaḭkulaje 22: SBA2015
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Ngambai Bible © Alliance Biblique du Tchad 1989, 2015.