San Mateo 9
9
Jesús ambin shuc paraliticuta
(Mc 2.1-12; Lc 5.17-26)
1Chai huasha Jesusca, yaicurga botepi, chimbanamba shuc allpama chaimanda cutinamba llactanma.
2Chaibi sirishpa apargacuna camillapi shuc paraliticuta. Jesús ricushpan apajushcacunata shutipa quirijushcangunata, ungushcata rimarga: «Sinchicui, huahuaini; uchaiguicunaca perdonashcami caju.»
3Masna escribacuna paiguna pura rimargacuna: «Casna rimashpan Yaya Diosta piñachiju cai runaca.»
4Paigunapa yuyainingunata ricsishpan Jesús rimarga: «¿Imaraiguta shungüiguichipi yuyaringuichi millaipata?
5¿Imasna rimanainitataya munajunguichi? ¿Rimanainipa “uchaiguicunami perdonarishca”, mana cashpaca rimashachu “atari puri”?
6Chasna cangunaca yachanaiguichipa Cielomanda camachishca Runaca tiyan camachinamba cai allpapi, perdonanamba uchacunatapas.» Chaibi Jesusca paraliticuta rimarga: «Atari api camillaiguita cuti huasiquima.»
7Chaimanda paraliticuca atarishpan cutirga huasinma.
8Ricushpanguna chaida runacunaca quiparirgacuna mancharishcacuna chaimanda cushichirgacuna Yaya Diosta, cushcanraigu tucui poderta runacunata.
Jesús cayan Mateota
(Mc 2.13-17; Lc 5.27-32)
9Rijushpan ñambita, Jesusca ricurga shuc runa Mateo shutiyuta, tiyajucta maibimi tapunaju cullquita Romaraigu. Jesús rimarga: «Catihuai.» Chasna Mateoca atarishpan catirga.
10Chai punchalla, Jesusca paiba discipulungunahua rirgacuna micunapa Mateopa huasinma. Chaibi Jesús-hua micushpa cajurgacuna discipulunguna cullquita tapuccuna, uchata ruraccunapas.
11Chaida ricushpanguna fariseocunaca tapurgacuna dicipulungunata: «¿Imaraiguta micuju Yachachicniquichica cullquita tapuccunahua uchasapacunahuapas?»
12Chaida uyashpan Jesusca rimarga: «Manami alicunaca munanajuchu doctortaca astahua ungushcacunami munanaju.
13Richi chaimanda yachacuichi imatami riman: “Runa masita llaquishpa yanapanaca munani, mana ofrenda huihuacunatachu”. Astahua manami shamushcanichu Yaya Diospa camachishcata casuccunata cayanapa uchangunata saquinangunapa, astahua shamushcanimi uchasapacuna ucha runanangunata saquinangunapa.»
Jesús yachachin ayunumanda
(Mc 2.18-22; Lc 5.33-39)
14Juan Bautistapa discipulunguna caillayashpanguna Jesusta tapurgacuna: «¿Imaraigutaya ñucanchica chaimanda fariseocunapas ayunanchi achca cuti, camba discipuluiguicunaca mana?»
15Jesús paigunata ainirga: «¿Invitaitucushcacunaca casaranaraigu mana atipanajuchu llaquirishca canata casarajuc paigunahua cajushpan? ¡Mana atipanajuchu! Astahua pactaringami punchaca, imasnapimi paigunata quichuitucungacuna casarajuc carita. Chaibi shuti ayunangacuna.
16Nima maigan limindanchu shuc llachapa maucata shuc mushu llachapa pitihua, astahua llachapa mushuca mirachin llachapa maucata chaimanda liquichin astahua.
17Mana atipanchichu mushu vinuta mauca cueromanda bolsapi churanata. Mushu vinuca tugyachinmi mauca cuero bolsataca. Chasna cashpaca vinuca atipan talirinata, mauca cueropas huaglin. Chairaigu mushu vinutaca churana can mushu cueromanda bolsapi. Chasna ishcandicuna alita huacaicharinaju.»
Jesús ambin shuc huarmita, causachin Jairopa huahuanda
(Mc 5.21-43; Lc 8.40-56)
18Chasna Jesusca rimajushpan tucui caigunata, judiocunapa shuc apun shamurga, pundambi cungurishpan rimarga: «Ñucapa huarmi huahuainimi cunalla huañushca; shamui maquiquita paibi churai. Chasna maquiquita churashpaiguica paibi causaringami.»
19Jesús atarishpan paida catirga discipulungunapas paihua rirgacuna.
20Chai rijushcangunapi, chunga ishcai huatata yahuar urmanahua ungushca huarmi Jesusta caillayashpan huashanmanda, tupachirga llachapan pundata,
21paiga yuyarirga: «Pactashpainica llachapan pundallatapas tupachishpainica ambirishami.»
22Astahua Jesusca vultiarishpan ricurga paida chaimanda rimarga: «Sinchicui, huahuani; camba quirinaiguimi canda quishpichishca.» Chairatulla huarmica ambirirga.
23Judiocunapa apupa huasimbi Jesús yaicushpan, ricurga huañushcata pambanapa flautata uyachijuccunata, chaimanda achca caparishpa huacajuc runacunata.
24Chaibi paigunata rimarga: «Llucshichi caimanda, cai huarmi huahuaca manami huañushcachu, astahua puñujumi.» Paiguna rimashcanmanda asichirgacuna Jesusta.
25Llucshichiscan huasha runacunata, yaicushpan Jesusca maquinmanda apishpan huarmi huahuata, chaimanda paiga atarirga.
26Causachishcanda tucui chai regiombi yachargacuna.
Jesús ambin ishcai huiscucunata
27Jesús llucshishpan chaimanda, ishcai huiscucuna catirgacuna caparishpa, rimargacuna: «¡Llaquirishpaigui yanapai ñucanchita Davidpa huahuan!»
28Imasnapimi Jesusca pactarga huasima, huiscucuna paida caillayargacuna. Chaibi paigunata tapurga: «¿Quiringuichichu ambinainipa?» Paiguna ainirgacuna. «Ari, Señorni.»
29Chaibi Jesusca llangashpan ñahuingunata, rimarga: «Quirihuashcaiguichiraigu canguichi ambirishca.»
30Chasna ñahuingunaca pascarirga, Jesús paigunata camachirga sinchita, rimashpa: «Mana cuindanguichichu nima pita cai pasashcata.»
31Paiguna randi llucshishpanguna chairatulla cuindashpa uyachirgacuna paimanda tucui chai regiombi.
Jesús ambin shuc mana rimacta
32Imasnapimi huiscucunaca llucshijurgacuna, apamurgacuna Jesusma shuc mana rimac supai yaicushcata.
33Jesús llucshichispan supaida, chairatulla mana rimacca callarirga rimanata. Runaca cushicushpa rimarga: «¡Nima ima uras ricushcanchichu chasnata Israelpi!»
34Astahua fariseocunaca rimargacuna: «Caiga llucshichin supaigunata supaigunapa apupa poderhua.»
Jesús llaquirin runacunaraigu
35Jesús purirga tucui atun llactacunata chaimanda ichilla llactacunatapas, yachachishpa paigunapa tandarina huasicunapi, predicashpa evangeliota Yaya Diospa camachinanmanda chaimanda ambirga tucui ungüicunata tucui nanaicunatapas chai llactamandacunata.
36Ricushpan achca runacunata, Jesusca paigunamanda llaquirirga cajuhspanguna amun illacuna chaimanda shicuarishcacuna, ovejacuna mana pastoryushina.
37Jesús paiba discipulungunata rimarga: «Quiquimbatami, achca muyu pallanaca, astahua tarahuaccunaca ichilla canaju.
38Chasna cashpanga, tapuichi Yaya Diosta cachanamba muyuta pallaccunata.»
Chwazi Kounye ya:
San Mateo 9: QUPN
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company
San Mateo 9
9
Jesús ambin shuc paraliticuta
(Mc 2.1-12; Lc 5.17-26)
1Chai huasha Jesusca, yaicurga botepi, chimbanamba shuc allpama chaimanda cutinamba llactanma.
2Chaibi sirishpa apargacuna camillapi shuc paraliticuta. Jesús ricushpan apajushcacunata shutipa quirijushcangunata, ungushcata rimarga: «Sinchicui, huahuaini; uchaiguicunaca perdonashcami caju.»
3Masna escribacuna paiguna pura rimargacuna: «Casna rimashpan Yaya Diosta piñachiju cai runaca.»
4Paigunapa yuyainingunata ricsishpan Jesús rimarga: «¿Imaraiguta shungüiguichipi yuyaringuichi millaipata?
5¿Imasna rimanainitataya munajunguichi? ¿Rimanainipa “uchaiguicunami perdonarishca”, mana cashpaca rimashachu “atari puri”?
6Chasna cangunaca yachanaiguichipa Cielomanda camachishca Runaca tiyan camachinamba cai allpapi, perdonanamba uchacunatapas.» Chaibi Jesusca paraliticuta rimarga: «Atari api camillaiguita cuti huasiquima.»
7Chaimanda paraliticuca atarishpan cutirga huasinma.
8Ricushpanguna chaida runacunaca quiparirgacuna mancharishcacuna chaimanda cushichirgacuna Yaya Diosta, cushcanraigu tucui poderta runacunata.
Jesús cayan Mateota
(Mc 2.13-17; Lc 5.27-32)
9Rijushpan ñambita, Jesusca ricurga shuc runa Mateo shutiyuta, tiyajucta maibimi tapunaju cullquita Romaraigu. Jesús rimarga: «Catihuai.» Chasna Mateoca atarishpan catirga.
10Chai punchalla, Jesusca paiba discipulungunahua rirgacuna micunapa Mateopa huasinma. Chaibi Jesús-hua micushpa cajurgacuna discipulunguna cullquita tapuccuna, uchata ruraccunapas.
11Chaida ricushpanguna fariseocunaca tapurgacuna dicipulungunata: «¿Imaraiguta micuju Yachachicniquichica cullquita tapuccunahua uchasapacunahuapas?»
12Chaida uyashpan Jesusca rimarga: «Manami alicunaca munanajuchu doctortaca astahua ungushcacunami munanaju.
13Richi chaimanda yachacuichi imatami riman: “Runa masita llaquishpa yanapanaca munani, mana ofrenda huihuacunatachu”. Astahua manami shamushcanichu Yaya Diospa camachishcata casuccunata cayanapa uchangunata saquinangunapa, astahua shamushcanimi uchasapacuna ucha runanangunata saquinangunapa.»
Jesús yachachin ayunumanda
(Mc 2.18-22; Lc 5.33-39)
14Juan Bautistapa discipulunguna caillayashpanguna Jesusta tapurgacuna: «¿Imaraigutaya ñucanchica chaimanda fariseocunapas ayunanchi achca cuti, camba discipuluiguicunaca mana?»
15Jesús paigunata ainirga: «¿Invitaitucushcacunaca casaranaraigu mana atipanajuchu llaquirishca canata casarajuc paigunahua cajushpan? ¡Mana atipanajuchu! Astahua pactaringami punchaca, imasnapimi paigunata quichuitucungacuna casarajuc carita. Chaibi shuti ayunangacuna.
16Nima maigan limindanchu shuc llachapa maucata shuc mushu llachapa pitihua, astahua llachapa mushuca mirachin llachapa maucata chaimanda liquichin astahua.
17Mana atipanchichu mushu vinuta mauca cueromanda bolsapi churanata. Mushu vinuca tugyachinmi mauca cuero bolsataca. Chasna cashpaca vinuca atipan talirinata, mauca cueropas huaglin. Chairaigu mushu vinutaca churana can mushu cueromanda bolsapi. Chasna ishcandicuna alita huacaicharinaju.»
Jesús ambin shuc huarmita, causachin Jairopa huahuanda
(Mc 5.21-43; Lc 8.40-56)
18Chasna Jesusca rimajushpan tucui caigunata, judiocunapa shuc apun shamurga, pundambi cungurishpan rimarga: «Ñucapa huarmi huahuainimi cunalla huañushca; shamui maquiquita paibi churai. Chasna maquiquita churashpaiguica paibi causaringami.»
19Jesús atarishpan paida catirga discipulungunapas paihua rirgacuna.
20Chai rijushcangunapi, chunga ishcai huatata yahuar urmanahua ungushca huarmi Jesusta caillayashpan huashanmanda, tupachirga llachapan pundata,
21paiga yuyarirga: «Pactashpainica llachapan pundallatapas tupachishpainica ambirishami.»
22Astahua Jesusca vultiarishpan ricurga paida chaimanda rimarga: «Sinchicui, huahuani; camba quirinaiguimi canda quishpichishca.» Chairatulla huarmica ambirirga.
23Judiocunapa apupa huasimbi Jesús yaicushpan, ricurga huañushcata pambanapa flautata uyachijuccunata, chaimanda achca caparishpa huacajuc runacunata.
24Chaibi paigunata rimarga: «Llucshichi caimanda, cai huarmi huahuaca manami huañushcachu, astahua puñujumi.» Paiguna rimashcanmanda asichirgacuna Jesusta.
25Llucshichiscan huasha runacunata, yaicushpan Jesusca maquinmanda apishpan huarmi huahuata, chaimanda paiga atarirga.
26Causachishcanda tucui chai regiombi yachargacuna.
Jesús ambin ishcai huiscucunata
27Jesús llucshishpan chaimanda, ishcai huiscucuna catirgacuna caparishpa, rimargacuna: «¡Llaquirishpaigui yanapai ñucanchita Davidpa huahuan!»
28Imasnapimi Jesusca pactarga huasima, huiscucuna paida caillayargacuna. Chaibi paigunata tapurga: «¿Quiringuichichu ambinainipa?» Paiguna ainirgacuna. «Ari, Señorni.»
29Chaibi Jesusca llangashpan ñahuingunata, rimarga: «Quirihuashcaiguichiraigu canguichi ambirishca.»
30Chasna ñahuingunaca pascarirga, Jesús paigunata camachirga sinchita, rimashpa: «Mana cuindanguichichu nima pita cai pasashcata.»
31Paiguna randi llucshishpanguna chairatulla cuindashpa uyachirgacuna paimanda tucui chai regiombi.
Jesús ambin shuc mana rimacta
32Imasnapimi huiscucunaca llucshijurgacuna, apamurgacuna Jesusma shuc mana rimac supai yaicushcata.
33Jesús llucshichispan supaida, chairatulla mana rimacca callarirga rimanata. Runaca cushicushpa rimarga: «¡Nima ima uras ricushcanchichu chasnata Israelpi!»
34Astahua fariseocunaca rimargacuna: «Caiga llucshichin supaigunata supaigunapa apupa poderhua.»
Jesús llaquirin runacunaraigu
35Jesús purirga tucui atun llactacunata chaimanda ichilla llactacunatapas, yachachishpa paigunapa tandarina huasicunapi, predicashpa evangeliota Yaya Diospa camachinanmanda chaimanda ambirga tucui ungüicunata tucui nanaicunatapas chai llactamandacunata.
36Ricushpan achca runacunata, Jesusca paigunamanda llaquirirga cajuhspanguna amun illacuna chaimanda shicuarishcacuna, ovejacuna mana pastoryushina.
37Jesús paiba discipulungunata rimarga: «Quiquimbatami, achca muyu pallanaca, astahua tarahuaccunaca ichilla canaju.
38Chasna cashpanga, tapuichi Yaya Diosta cachanamba muyuta pallaccunata.»
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company