San Mateo 8
8
Jesús ambin shuc leprayuta
(Mc 1.40-45; Lc 5.12-16)
1Jesús lomamanda uraicumujushpan, achca runacuna catirgacuna. 2Chasnapi shuc runa lepra#8.2 lepra Can: Aichata ismuchic chimbac ungüi ungüihua cajuc pundambi cungurishpa rimarga: «Señor, munashpaiguica, atipangui pichahuanata.» 3Jesús paibi maquinda churashpan rimarga: «Munani. ¡Picharishca quipari!.» Chairatulla lepra ungüininga picharirga. 4Chai huasha Jesusca paida rimarga: «Cuirari nima pita rimanguichu. Astahua, ri ricurigri curapi, chaimanda apangui ofrendaiguita maigandami Moisesca camachirga, Chasna paigunapas ricunangunapa ambirishcaiguita.»
Jesús capitamba siervuta ambin
(Lc 7.1-10; Jn 4.43-54)
5Jesús yaicushpan Cafernaumbi, shuc capitan caillayashpa paida rogarga. 6Rimashpa «Señor, siervuinimi huasinipi ungushca siriju, mana purinchu parisiju sinchi nanaita.»
7Jesús rimarga: «Rishami ambinapa.» 8Capitanga ainirga: «Señor, ñucaca mana nima ima canichu yaicunaiguipa huasinipi. Shuc rimashcaiguillami pactan siervuini ambirinambaca. 9Ñucapas yachanimi imasnami camachinaca can, tiyahuanmi sundaluinicunaca camachinainipa. Shucta rimashpainica ri, rinmi; shuctapas rimashpainica shamui, shamunmi; chaimandapas rimashpainica siervuinita: “Caida rurai”, ruranmi.»
10Uyashpan cai rimashcata Jesusca, cushicushpa rimarga paida catijucunata: «Quiquimbata cangunata rimani, nima Israelpi tarishcanichu chasna sumacta quiricta. 11Ñuca rimani cangunata achcacunami shamungacuna indi llucshinamanda chaimanda indi yaicunamanda, Abrahanhua, Isaac-hua, Jacobhua tiyarinangunapa Yaya Diospa camachinan cielopi; 12maicangunami Yaya Diospa camachinan cielopi yaicuna cargacuna huichui tucungacunami amsa canchama. Chaibi tiyanga sinchi llaquirina chaimanda quiru chucchurina mancharishpa.» 13Chai huasha Jesusca capitanda rimarga: «Ri huasiquima, quirishcaiquishina quiparichu.» Chairatulla siervunga ambirirga.
Jesús ambin Pedropa suegranda, chaimanda achca ungushcacunatapas
(Mc 1.29-34; Lc 4.38-41)
14Jesús pactashpan Pedropa huasimbi, ricurga Pedropa suegranda sinchi calindurahua puñunambi sirijucta. 15Jesús maquinda apishpan calinduranga pasarirga. Chai huasha atarishpan Jesusta cararga.
16Ña tutayajushcambi apargacuna achca supai yaicuitucushcacunata. Jesusca shuc rimashcanllahua chai supaigunata llucshichirga, chaimanda ambirga tucui ungushcacunatapas. 17Caiga chasna pasarga profeta Isaiaspa rimashcanshina pactarinamba: «Paiguiquin ungüininchita nanaininchicunatapas aparga.»
Jesusta catinata munaccunamanda
(Lc 9.57-62)
18Achca runacunata muyucta ricushpan Jesusca camachirga discipulungunata shuc parti cocha chimbama chimbanangunapa. 19Chasnapi shuc escribaca caillayashpan, rimarga: «Yachachic, ñuca catishcaigui maitachari rijungui.» 20Jesús ainirga: «Zorrocunapa tiyan uchcungunaca causanangunapa, pishcucunapa tiyan lulunyanangunaca, astahua Cielomanda camachishca Runaca mana tiyanchu maibimi umanda churanga samanamba.» 21Shuc paiba discipulun rimarga: «Señor, saquihuaira pundiru pambagrinainipa papainita; chai huasha catishcaigui.» 22Jesusca ainirga: «Catihuai, saqui huañuccunata pambanajuchu huañuccunaca.»
Jesús pasachin sinchi huairata
(Mc 4.35-41; Lc 8.22-25)
23Chai huasha Jesusca botepi yaicushpan, discipulungunahua rirgacuna. 24Chasna rijushcangunapi Jesusca puñushpa rijurga, sinchi huaira paigunata apirga atun ulaspas shayarishpan sinchita huicharga botengunata. 25Chaibi paiba discipulungunaca licchachishpa, rimargacuna: «Señor, salvai ñucanchita, ñami yaicujunchi.» 26Jesús paigunata rimarga: «¿Imaraiguta mancharijunguichi, runa mana sumacta quiriccuna?» Jesús atarishpan camachirga huairata yacutapas pasarinamba; chaimanda tucui casillayarga. 27Discipulungunaca mancharishpanguna paiguna pura rimargacuna: «¿Ima sami runataya caiga, huairapas, ulaspas casun?»
Jesús ambin supai yaicuitucushca Gadareno runacunata
(Mc 5.1-20; Lc 8.26-39)
28Jesusca pactashpan Gadara allpa chimbama, pantion pambarina ucumanda llucshimurgacuna ishcai supai yaicuitucushca runacuna. Chai ñambita nima maigan atipargacunachu pasanata yapa piña manchaiba cashpanguna. 29Supaiguna caparirgacuna rimashpa: «Diospa Huahuan ¿mana ñucanchihua satirichu? ¿Shamushcanguichu parisichinapa manara castigarina puncha pactarishpan?» 30Paigunamanda carunicpi tiyarga achca cuchicuna micushpa quihuata. 31Chaimanda supaigunaca rogargacuna: «Ñucanchita llucshichishpaiguica, yaicuchi chai cuchicunapi.» 32Jesús rimarga: «Richi.» Runacunamanda llucshishpanguna supaigunaca yaicugrirgacuna cuchicunapina. Chairatulla tucui cuchicunaca callpargacuna nima shayarishpa yacucama, yacupi urmashpanguna yacuta chucashpa huañurgacuna. 33Cuchita cuiraccunaca mancharishpanguna miticurgacuna callpashpa llactangunama. Pactashpanguna cuindargacuna tucui ricushcangunata, chaimanda imasnami pasarga supaiguna yaicushca runacunamanda. 34Tucui chai llactamanda ricunapa rirgacuna Jesusta, tarishpanguna, rimargacuna llucshinamba cai allpamanda.
Chwazi Kounye ya:
San Mateo 8: QUPN
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company
San Mateo 8
8
Jesús ambin shuc leprayuta
(Mc 1.40-45; Lc 5.12-16)
1Jesús lomamanda uraicumujushpan, achca runacuna catirgacuna. 2Chasnapi shuc runa lepra#8.2 lepra Can: Aichata ismuchic chimbac ungüi ungüihua cajuc pundambi cungurishpa rimarga: «Señor, munashpaiguica, atipangui pichahuanata.» 3Jesús paibi maquinda churashpan rimarga: «Munani. ¡Picharishca quipari!.» Chairatulla lepra ungüininga picharirga. 4Chai huasha Jesusca paida rimarga: «Cuirari nima pita rimanguichu. Astahua, ri ricurigri curapi, chaimanda apangui ofrendaiguita maigandami Moisesca camachirga, Chasna paigunapas ricunangunapa ambirishcaiguita.»
Jesús capitamba siervuta ambin
(Lc 7.1-10; Jn 4.43-54)
5Jesús yaicushpan Cafernaumbi, shuc capitan caillayashpa paida rogarga. 6Rimashpa «Señor, siervuinimi huasinipi ungushca siriju, mana purinchu parisiju sinchi nanaita.»
7Jesús rimarga: «Rishami ambinapa.» 8Capitanga ainirga: «Señor, ñucaca mana nima ima canichu yaicunaiguipa huasinipi. Shuc rimashcaiguillami pactan siervuini ambirinambaca. 9Ñucapas yachanimi imasnami camachinaca can, tiyahuanmi sundaluinicunaca camachinainipa. Shucta rimashpainica ri, rinmi; shuctapas rimashpainica shamui, shamunmi; chaimandapas rimashpainica siervuinita: “Caida rurai”, ruranmi.»
10Uyashpan cai rimashcata Jesusca, cushicushpa rimarga paida catijucunata: «Quiquimbata cangunata rimani, nima Israelpi tarishcanichu chasna sumacta quiricta. 11Ñuca rimani cangunata achcacunami shamungacuna indi llucshinamanda chaimanda indi yaicunamanda, Abrahanhua, Isaac-hua, Jacobhua tiyarinangunapa Yaya Diospa camachinan cielopi; 12maicangunami Yaya Diospa camachinan cielopi yaicuna cargacuna huichui tucungacunami amsa canchama. Chaibi tiyanga sinchi llaquirina chaimanda quiru chucchurina mancharishpa.» 13Chai huasha Jesusca capitanda rimarga: «Ri huasiquima, quirishcaiquishina quiparichu.» Chairatulla siervunga ambirirga.
Jesús ambin Pedropa suegranda, chaimanda achca ungushcacunatapas
(Mc 1.29-34; Lc 4.38-41)
14Jesús pactashpan Pedropa huasimbi, ricurga Pedropa suegranda sinchi calindurahua puñunambi sirijucta. 15Jesús maquinda apishpan calinduranga pasarirga. Chai huasha atarishpan Jesusta cararga.
16Ña tutayajushcambi apargacuna achca supai yaicuitucushcacunata. Jesusca shuc rimashcanllahua chai supaigunata llucshichirga, chaimanda ambirga tucui ungushcacunatapas. 17Caiga chasna pasarga profeta Isaiaspa rimashcanshina pactarinamba: «Paiguiquin ungüininchita nanaininchicunatapas aparga.»
Jesusta catinata munaccunamanda
(Lc 9.57-62)
18Achca runacunata muyucta ricushpan Jesusca camachirga discipulungunata shuc parti cocha chimbama chimbanangunapa. 19Chasnapi shuc escribaca caillayashpan, rimarga: «Yachachic, ñuca catishcaigui maitachari rijungui.» 20Jesús ainirga: «Zorrocunapa tiyan uchcungunaca causanangunapa, pishcucunapa tiyan lulunyanangunaca, astahua Cielomanda camachishca Runaca mana tiyanchu maibimi umanda churanga samanamba.» 21Shuc paiba discipulun rimarga: «Señor, saquihuaira pundiru pambagrinainipa papainita; chai huasha catishcaigui.» 22Jesusca ainirga: «Catihuai, saqui huañuccunata pambanajuchu huañuccunaca.»
Jesús pasachin sinchi huairata
(Mc 4.35-41; Lc 8.22-25)
23Chai huasha Jesusca botepi yaicushpan, discipulungunahua rirgacuna. 24Chasna rijushcangunapi Jesusca puñushpa rijurga, sinchi huaira paigunata apirga atun ulaspas shayarishpan sinchita huicharga botengunata. 25Chaibi paiba discipulungunaca licchachishpa, rimargacuna: «Señor, salvai ñucanchita, ñami yaicujunchi.» 26Jesús paigunata rimarga: «¿Imaraiguta mancharijunguichi, runa mana sumacta quiriccuna?» Jesús atarishpan camachirga huairata yacutapas pasarinamba; chaimanda tucui casillayarga. 27Discipulungunaca mancharishpanguna paiguna pura rimargacuna: «¿Ima sami runataya caiga, huairapas, ulaspas casun?»
Jesús ambin supai yaicuitucushca Gadareno runacunata
(Mc 5.1-20; Lc 8.26-39)
28Jesusca pactashpan Gadara allpa chimbama, pantion pambarina ucumanda llucshimurgacuna ishcai supai yaicuitucushca runacuna. Chai ñambita nima maigan atipargacunachu pasanata yapa piña manchaiba cashpanguna. 29Supaiguna caparirgacuna rimashpa: «Diospa Huahuan ¿mana ñucanchihua satirichu? ¿Shamushcanguichu parisichinapa manara castigarina puncha pactarishpan?» 30Paigunamanda carunicpi tiyarga achca cuchicuna micushpa quihuata. 31Chaimanda supaigunaca rogargacuna: «Ñucanchita llucshichishpaiguica, yaicuchi chai cuchicunapi.» 32Jesús rimarga: «Richi.» Runacunamanda llucshishpanguna supaigunaca yaicugrirgacuna cuchicunapina. Chairatulla tucui cuchicunaca callpargacuna nima shayarishpa yacucama, yacupi urmashpanguna yacuta chucashpa huañurgacuna. 33Cuchita cuiraccunaca mancharishpanguna miticurgacuna callpashpa llactangunama. Pactashpanguna cuindargacuna tucui ricushcangunata, chaimanda imasnami pasarga supaiguna yaicushca runacunamanda. 34Tucui chai llactamanda ricunapa rirgacuna Jesusta, tarishpanguna, rimargacuna llucshinamba cai allpamanda.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company