LUKE 21
21
Hemipui ge Makai
(Mrk. 12:41-44)
1Ciciu eh pa ngangcuh ge, keheime dung hema kehekwabung gage penui makai kebam ngau lu; 2nah pa makega hemipui nage de cika ge tamrine pak na kai eh ngau lu. 3Ge pa cu, “I nnui dage rang siakte lia zie, hemipui aipau pui de mi kedame swa kai kieeki lie: 4kedanemene kedame penui mahei gade Tinggwang de peu zeu; dede aipau pui de au pe maga gade de pe gu kela leune kai beudi delu.”
Jisu Kerecaki Tei msia di Kera ha Kerang
(Mat. 24:1-2; Mrk. 13:1-2)
5Nah midung ge ntsu keyi ruih pwa nah mi makai dung le pwa Kerecaki tei myi süt kelu ha rang la, ge pa cu, 6“Nnui aidung de kengau dung de, tingnai ge ntsuqang gede keda ge reu ga kesua pwabam kelak nah tei meu di mene bam kelak tingba ge gwang zie,” debeu.
Keherei nah Kesah Gwang kera
(Mat. 24:3-14; Mrk. 13:3-13)
7Ge penui pecu keteu eh, “Keledeubo, daidau aidung de tei di zie no? Nah aidung de gwang kera tingdau daipai rehi tei di zie no?” dedi.
8Ge pa cu “Nnui de cwa di melu kerane mriak lulo: kedanemene mina kekiee a zi teu eh ‘I Khrista da’ de gwang de; cidau peting mna dida: cine nnui penui caisui so. 9Dede nnui heroi tei kecu nah ma kehebwak kegwang dau ngngi diso: kedanemene keraibe aidung de gwang rai zie; dede pe nlih mereu.”
10Ciciu eh pa rang si eh cu, “Heleuh ge heleuh keda gede ngngwa keregih, nah hegwang ge keda gede ngngwa keregih cu zie: 11nah kideu luga aika nlui luidi teu herakum kum nah kekap cu zie; nah tinggim gade ma mretkei ketei nah marehi dung ngau dizie. 12Dede ma aidung pelane tei kedi dwa penui nnui reu gage penui ba hwa gai eh nnui de nneu zie nah nnui de synagogue nah hebaangki gage tui gaizie, delü hegwangme nah renam teu kelame dung dwa a zi ziemne nnui de teugwang zie. 13Aipau tingde nnui a zierang tei lu kebui tingda. 14#Luk. 12:11,12.Cine dainzwa misam keli maisia bi de mrai cet nswa so; 15kedanemene I nnui de rang lu kebui muige nah maci ngauraume nnui de rangkum gai kelakme de renia gai kelak ge peu zie. 16Nnui puipei nah nnui siname nah nnui kibaume nah nnui zangme ne nnui de tui gai beuzie; nah penui nnui kang gede daptset dizie; 17a zi ziemne mina pelane nnui de ngaurau zie. 18Dede nnui tam leih gede tei nggah dilak. 19Nnui lung kekam kelu gade nnui ring lazie.
Jisu Jerusalem Kap di kera ha Kerang
(Mat. 24:15-21; Mrk. 13:14-19)
20“Dede nnui Jerusalem roigwame ne togwa kelu kengau dau, cide renam tei tadi lauda de kecu ci lulo. 21Cidau peu Judah ga kelunghme de kideutuh reu gage pak gailu, nah namdibe ga kebamme de peu tet dilu, nah renam gole kelame de peu cika nlüt so; 22#Hos. 9:7.kedanemene tingbazie aidung de, rauteu kela dung teicang lu kera, hequm peei kecu tingba kecune. 23Cidau ting tetlak eh kelame nah nepam kelame dung au rei lu buida! Kedanemene kideube da keherei süt kecu gwang zie nah pe reu lungh kela mina da lungkabe gwang zie kecune; 24penui de qiengtie mui dade kau dizie, nah heleuh pelane kak ga hebaang teila dizie; nah Jerusalem au Tinggwang de ci kemakme ne pidauh tei dizie, penui tingcang di kemaktane.
Mina Nabe Kegwang
(Mat. 24:29-31; Mrk. 13:24-27)
25 #
Isa. 13:10; Eze. 32:7; Joe. 2:31; Keu. 6:12-13. “Nah tingnaimik, hekei nah heghi dung gade marehi teipet dizie, nah kideu ga kelungh mina leune keherei süt zie; ciciu eh duidi nah pe nswak dung ziemne penui de keheu sahmpwa bam dizie; 26ciciu eh kideu reu ga matei gwang kera dung cet eh mina dung ngngi eh penui sui ga bam dizie; kedanemene tinggim kenkieng dung teu nlai gaizie kecune. 27#Dan. 7:13; Keu. 1:7.Ciciu eh penui Mina Nabe kenkieng teu eh nah hecili eh kemwa gade kegwang ngau luzie. 28Aidung de teicu kecu dau, nnui sap lü nnui peu ngangcuh lü pielu, kedanemene nnui de ri lu kera mna kedine.”
Nzüt bang le pwa Keledeu
(Mat. 24:32-35; Mrk. 13:28-31)
29Nah pa penui dage samgwa ge ranglia: “Nzüt bang na tsingbang pelane de pielo. 30nnui penei bwa pet kerikezi, nnui tinglum ting mna gwang zeuda de kecu cet lula. 31Cinzwa ma aidung de tei gwang kezeu dau, nnui Tinggwang hegwang mna bam kedi ci lulo.
32“I nnui dage kesangbe ranglia zie, ma pelane teicang di kemakne cudau name gah dilak. 33Ting nah kideu gah dizie, dede a sam dung au gah dilak.
Kwa bam lu Maikesia
34“Dede nnui nlien nah sak miee nah cudau teilung naang dung tei eh nnui lungnaang bam eh peu cipau nai tingba de zette gwang eh nnui de kekit teu di melu kerane mriak eh kwa bam lulo; 35kedanemene cide kideu reu lungh kelaleu da gwang zielu. 36Dede nnui ma cidung pelane tei kegwang dau, cidung de nzia lü Mina Nabe dwa nkieng sap lu kerane kehei dau de kie eh kwa bam lulo,” debeu.
37 #
Luk. 19:47. Nah tingba ramsangne pa Kerecaki ga mide ledeu bam di; dede pa tingmui pet olive deutuh lie kecu ga bam di dila.
38Nah mina pelane tingcang nuge Kerecaki ga pe sam kingnei zie lie gwang gwang la.
Chwazi Kounye ya:
LUKE 21: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.