JOHAN MRAISAM
MRAISAM
Johan ne kerau Samlia keyi ga Jisu au kelungta kering Tinggwang Sam, pa “Mina mmi lü anui kak ga kelungh be” lie eh rau gai. Laisiukwak ga kerang nzwa eh, Samlia keyi aide rau kelu au kepeime de peu Jisu au sampet kebeu kelikelube, Tinggwang Nabe lie kecu, nah penui pecu nlum kelu gade ring lu zie lie (20.31) kecu rau gai. Mraisam ga Jisu au kelungta kering Tinggwang Sambe delie kecu ranglia, kegai cai, Samlia keyi keraile bie miswa kega bata pwalia kegai gade Jisu au sampet kebeu, Tinggwang Nabe delie rang gai. Aidung decai ga miswa kega bata dung gade keuliakegai reha dung rang nci liah gai. Laisiukwak aipau sam ga midung ge dainzwa nlum lü pe caisuime tei dibi kecu, dede kangge pecu renia di nah pecu nlum meih dibi kecu rang gai. Sau 13-17 ga Jisu pecu tuih kelube ziu pa ledeukelume de hekang mna süt kecu ha rau tietau pwa la, nah pecu kegwak dwa beziu penui de telei kelu nah tei ngkuu kebeu sam dung. Sau kekambe au Jisu ze tuihkelu nah tiak kecu, kegwak nah ringcudai kelu, nah ringcudai kelu cai pa ledeukelume de pecu peu ngau kegai ha dung rang gai. Kemmha ta tei bam eh tuihkelu pui ha de (8:1-11) au kenahm lung gage kaipwa bam kedanemene ndaa laisiu dung nah kededkeli kerai dung ga cide si kemakne, nah keda dung kesa au cide heni keda dung gage kaipwa kebam ziemne. Johan au Khrista gade kelungta kering mapeuh de rang mtingring gai, mapeu cu cide ngau lu bam kedi nah Jisu au lampui be, kesangbe, nah keringbe lie eh pe sam kaggwa kegaime dung da cide gwang lu kela. Johan gade nlangcui eh ngau lu kela de cai hera tingba teilung gade ngau bam kela dui, nku, kebaa, meurün kekwabe nah pe meurün dung, nah kubebang nah petsi kenzwa dung teu keda kegai dung.
Pelung Ga Kela dung
Sam keraibe 1:1-18
Baptist be Johan nah Jisu ledeukelu keraime 1:19-51.
Jisu hemaabe ta ketei 2:1—12:50
Jerusalem ga nah pe tai ga tingbazie kekam dung 13:1—19:42
Rampaube ringcuhdai kedi nah mikngau tei kegai dung 20:1-31
Sam kekambe: Galilee gade mikngau tei kegai keda ge 21:1-25
Chwazi Kounye ya:
JOHAN MRAISAM: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.