KENDEU 28
28
1Isaac Jakob ze qulu delü pecu kellum gai eh peda de cu, “Canaanme relei ze luu so. 2Mesopotamia ga n pao Bethuel ki ga miecu, delü cika releime hang gede luu lu, n pao Laban napui hang gede. 3Kenkieng Tinggwang ze peu n laktak samlam beulu delü n name kekiee ge peu lu, ciciu eh nang heleuh kekiee ge pei tei lu kerane! 4#Ken. 17:4-8.Pecu peu pa Abraham ze samlam kebeu nzwa ncu nah n leuhme ze samlam kebeube tei lulo, nah nang aipau deu de luupwa n gu tei kelube tei lu, nang lungh kegwangbe deu nah Tinggwang Abraham ze kepeube deu de!” debeu. 5Isaac Jakob ze Mesopotamia ga Arameanme Bethuel napei Laban, Jakob penai Esau pui Rebecca heibe dage lang gaidi.
Esau Pe Nau keda Tei kelu
6Isaac Jakob ze samlam beu eh pe nau peei kera pecu langpwa Mesopotamia gage kaikedi Esau ci lu. Pa Isaac pecu samlam kebeu dau, pa pecu Canaanme pui ze luu helo kebeu de ci lu. 7Pa Jakob pe pui penai pe pei sam mzai eh Mesopotamia ga mie kedi ci lu. 8Ciciu eh Esau pe pei Isaac Canaanme pui ze pesui kemak ci lu. 9Cine pa Abraham napei Ishmael da mie eh pe napui Mahalath ze luu lu, pa Nebaioth tipui.
Bethel gade Jakob Mang
10Jakob Beersheba püt ti eh Haran lam gwang di. 11Tingnaimik nlüt ti ge pa heni kemci#28:11. kemci ni ge; mede heni. gega gwanglü cika zeu lu. Pa zip kera zeu mie, ntsu ge nkum lü. 12#Jhn. 1:51.Pa pe mang lam de taksua ge hangdeu gade tinggim hangh tung bam eh ngau, tinggimgwame cipau reu ga nghungh nghang bam eh. 13#Ken. 13:14-15.Nah cika Rampaube pe tai ga sap.#28:13 pe tai ga; mede cipau reu. Pa rang eh, “I Rampaube, Abraham penai Isaac Tinggwang. Nang zeu kebam aipau deu de I ncu nah n leuhme ze peu zie. 14#Ken. 12:3; 22:18.Penui kieepwa kideu ga rebui nzwa zie. Penui penui deu lule ailam tei mdi luzie nah nda de nah n leuhme dade I heleuh pelane ze samlam beuzie.#28:14. nda ze... heleuh dung; mede I nang nah n leuhme ze samlam kebeu nzwa samlam beu lo heleuh leune ada kie zie. 15Nsung lu, nang kegwang leu ga I ncu gum nah ngngwa lazie, delü I aipau deu gage ncu ngngwa caili gwang beuzie. I nda ge a sam pet kebeu dung pelane tei lu kemaktane I ncu püt ti lak” debeu.
16Jakob mrak lü cu, “Rampaube aika bam! Pa heni aika bam, nah I cide ci ma!” dedi. 17Pa ngngi di eh cu, “Aide mretkei ketei heni ge da! Cide Tinggwang ki bih zieda; cide tinggim kegwang rieki bih zieda,” dedi.
18Jakob pecai benai tingcang nuge cuh lu, ntsu pe biangkum de keu lu, delü cide kensung gade sum lu. Delü pa olive caa cipau reu gage rui gai eh cide tei nci pwa Tinggwang ze peu. 19Pa cipau ni zi de Bethel#28:19. Bethel: Aipau zi de Ibri gade pekieh “Tinggwang Ki”. msiak lu. (Cipau nam dede ndaa Luz lie la.) 20Pecai Jakob Rampaube dage reset eh pe sam pet gai: “Nang a beuhma aide ga acu ngngwa la nah acu gum beu nah acu taktyei nah pai peu zie cai, 21nah I a pei ki ga kuak eh caili gwang lu cai, ciciu cai nang de pwa a Tinggwang tei zie. 22Kensung tsu I aide sum kelu de pwa ncu kereca ni tei zie, nah I nang acu pwa kepeu keheibe de zi kerei zige ncu peu zie” debeu.
Chwazi Kounye ya:
KENDEU 28: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.