Matié 6
6
Imfáán kɔ́ ɔsúkɔsukɔ
1«Nutiambá ɛ́ɛ́ núɛ́lɛ ké eŋís yɛ́ pɛɛnd maandá emé Támbák óówonée, ɛ́ɛ́ núpítíínyenyi; kati nɛ́ɛ, nutíápíá pinamá ku Síí waanɔ́ unyɛɛ́ mɛnɛ́mɛnɛ́ɛ. 2Aká kɔk opookosíé ɔsúkɔsukɔ, ɔtitɔ́ŋɔ́ ikól, aná pɛɛnd pɛ́ nunɛ́m ɛ́ɛlɛnɛ́ kí iŋilí na á piansi pí imbísókólí ɛ́ɛ́ pɛɛnd tááman pɔ́ imbɔ́k. Yɔɔ́núɔ́yɔn kémuémue ɛ́ɛ́ pámamaná apia pinamá piɔ́p. 3Aŋúɛ kɔk, aká opookosíé ɔsúkɔsukɔ, ɛ́nyɛɛlɛ́ ɔmbɔ́k wááwɔ waakányí leeme epú wɔɔnɛ́m ɛ́ɛlɛnɛ́ɛ, 4ɛ́ɛ́ nupoo núáwɔ lɔp insunse; Tíɔ wɛɛ́nɛnɛ́ kí insunse áányíkunam.
Tiɛkiɛ́ nuɛsikɛɛnɛnɛ́ kupísókolonyi
5«Aká nupísókolonyée, nutiɛlɛ́ ɛlɛɛ́ pɛɛnd pɛ́ nunɛ́m pɔ́ɔ́yɔnɛ́ kupísókolonyi pitényée á piansi pí imbísókólí na á maátukana mí iŋilí, ɛ́ɛ́ pépítíínyenyi. Yɔɔ́núɔ́yɔn kémuémue ɛ́ɛ́ pásiaman apia píɔ́p pinamá. 6Aŋúɛ, aká aambanɛ́ɛ kupísókoliti, píkín kááwɔ kí insúmbiɛ, ɛ́fɛl nipíkínín ópísókolonyi Tíɔ unyɛɛ́ akáánɛ́ kí insunse. Tíɔ wɛɛ́nɛnɛ́ kí insunse kakunam. 7Aká nupísókolonyée, nutisápá níítí ɛlɛɛ́ pɛɛnd pátiányípá pémenyen Támbákɛ́ɛ; pápítááka ɛ́ɛ́ tukál puólío túɛ́lɛnɛ́ ɛ́ɛ́ Támbák óondinyi pɔ́ɔ. 8Nutipíketesí pɔ́ɔ, á kiákí ɛ́ɛ́ Tíɔ éémenyen epú nunyɛɛ́ insaná na pɔ, tɛ numanyi nutiɔŋɛ́n wɔ́.
Imbísókólí i «Síí waasɔ́»
(Lúk 11.2-4)
9«Panɔ́ kɔk, ónupísókólónyí anɛ:
Síí waasɔ́ unyɛɛ́ mɛnɛ́mɛnɛ́ɛ,
tíínyi pɛɛnd peem ewú ɛnyɛɛ́,
10ɛlɛ́ ɛ́ɛ́ Pufuŋ púáwɔ áásiám,
ɛlɛ́ ɛ́ɛ́ epú ɔɔyɔnɛ́ píwóónyi ekué e kúúsí asi mɛnɛ́mɛnɛ́ɛ.
11Túéki ɔ́ puɔ́s pú ínanɔ múkunyá múɛsikɛɛnɛnɛ́ naasɔ́,
12Túyapɛ́n káásɔ́ á pifal
aná pasɔ́ kákáásɔ́ tuyapinanɛ́ epé pɛ́tuɛ́lɛnɛ́ kilɔk,
13atitúyapá ɔ́ yɔɔ́pítɛ́n,
tútúkún ké ewú wɔɔ́pitɔninɛ́ɛ.
14«Á kiákí ɛ́ɛ́, índɛ nusiayapɛn pɛɛnd á pipínanɔ́ píɔ́p, Síí waanɔ́ unyɛɛ́ mɛnɛ́mɛnɛ́ɛ kanúyapɛn kákáánɔ́ á pipínanɔ́ píánɔ́; 15maná, índɛ nusiɛl nutiyapɛ́n pɛɛnd á pipínanɔ́ píɔ́p, Síí waanɔ́ kɛ́kɛ́ɛ́yɛ́ tíánúyapɛ́n á píánɔ́.
Kipíkotio kí múkunya
16«Aká nupíkotosíé múkunya, nutiyɔ́ɔ́yɔ́n, aná pɛɛnd pɛ́nyɛɛ́ nɛ nunɛ́m ɛ́ɛ́lɛnɛ́ɛ: póyoosonin ɔsúkɔsúkɛ ɛ́ pétíínyi pɛɛnd peseékése ɛ́ɛ́ póópíkotosi múkunya. Kémuémue yɔɔ́núɔ́yɔn ɛ́ɛ́ pakanyi na pinamá piɔ́p. 17Aŋúɛ kɔk, aká opíkotosíé múkunya, písukɛ́t pusíó, épíwúú elepínde kɛ́ ɛtɔ́, 18ɛ́ɛ́ mɔɔnd timenyí ɛ́ɛ́ oópíkotosi múkunya, ɛsiɛ́ Tíɔ wééŋényí unyɛɛ́ akáánɛ́ kí insunse; Tiɔ́, wɛɛ́nɛnɛ́ kí insunse áányíkunam.
Punɛ́m puutámb nyɛ mɛnɛ́mɛnɛ́ɛ
(Lúk 12.33-34)
19«Nutipítulén punɛ́m pú kúúsí, kɔɔ́mɔ ne puúnyée ni insíiŋí nyáanɛ́ɛ, peépí kata piansi péépe. 20Énulílíkén punɛ́m mɛnɛ́mɛnɛ́ɛ, kɔɔ́mɔ ne puúnyé ni insíiŋí tiányípá kunyá, tɛ peépí pátipá kukata piansi ɛ́ɛ́ péépe. 21Á kiákí ɛ́ɛ́ kɔɔ́mɔ punɛ́m púáwɔ nyɛɛ́, kɔ́ɔkɔ́ ɔtɛ́m wááwɔ nyɛɛ́.
Epú púteekenyé nuɔ́l
(Lúk 11.34-36)
22«Niínsi nínyɛɛ́ ilámba í nuɔ́l. Niínsi níáwɔ kilikili, nuɔ́l núáwɔ kitikit nyɛ é kisie. 23Índɛ kɔk níánúma, nuɔ́l núáwɔ kitikit nyɛ kí imbíne. Índɛ kɔk kisie kínyɛɛ́ kááwɔ nyɛ imbíne, imbíne ikáánɛ́ nyɛ kiandákáand!
Támbákɛ́ɛ kúnyaánɛ Muenyí
(Lúk 16.13)
24«Atipá kukɔtinɔn pamásɛ páandɛ́: akapá ɛfɛmɛ ewe ɔɔyɔ owúnóo, púnyaánɛ akapá makánákana ne ewe ɛyɛɛnɛ owúnóo. Atipá kukɔtinɔn na Támbák ne Muenyí.
Nutitúmén ó pusíó pú kusɔ́t kúánɔ́
(Lúk 12.22-31)
25«Púúpú inúɔ́yɔnɛ́ ɛ́ɛ́: Nutitúmén ó pusíó pú kusɔ́t kúánɔ́ ne epú nukaná anyáánɛ́ɛ, no ó pusíó pú tuɔ́l túánɔ́ ne epú nukaná apíákanɛ́ɛ. Kusɔ́t áátápukan múkunya, nuɔ́l tápukan insunú. 26Ónuyoósín munoní: mútipá múkúna tɛ kukaya, mútipá múline maandá á pisasá; tɛ nɔ, Síí waanɔ́ unyɛɛ́ mɛnɛ́mɛnɛ́ɛ óókooyosi múu! Panɔ́ nuátápukan munoní táásɛ. Wooyi munoní utinúóyí á? 27Ɛ́nyɛ́ unyɛɛ́ pɔ́kuɔ́yikɛn isikilisíkɛ́l kɛ́ɛ́yɛ́ ɔ́ kusɔ́t ni indúmútén síɛ́yɛ́? 28Kiákí nutúmenée ó pusíó pú insunú? Énupítípényí enyeŋú ú putiɛ́púlɛ́ɛ: útipá úkɔ́lɔn muyú mú kutɛnɛ eyunú; 29yɔɔ́núɔ́yɔn ɛ́ɛ́, tɛ efuŋ Sálúmune, na punɛ́m púɛ́yɛ́ puum, timɛpílɛŋɛ niaŋ ní enyeŋú! 30Índɛ Támbák siɛlɛŋɛ pikuti pí putiɛ́púlɛ́ɛ anakáánɛ́, pínyɛɛ́, píi kɔ́ɔ́kɔ ínanɔ, nakinyámɔ pípɛk, tiɛkiɛ́ kɔk Támbák kaná kuɛlɛ́ utinulɛŋɛ́ kutápɔk? Kiákí pipíóndínyí ɔtɛ́m píánɔ́ nyɛɛ́ pukétí anɛ? 31Nutitúmén kɔk, núɛlɛɛ́: Kiákí tukaná anyáanɛ́ɛ? Kiákí tukaná apúwáanɛ́ɛ? Kiákí tukaná apíákanɛ́ɛ? 32Makáánɛ́ kitikit pɛɛnd pátiányípá pemenyen Támbákɛ́ɛ páámbanɛ́ mɔ́ɔ tɛ kuɛl yɔ́lɔ́l; Síí waanɔ́ unyɛɛ́ mɛnɛ́mɛnɛ́ɛ émenyen ɛ́ɛ́ nunyɛ insaná na mɔ́ɔ. 33Ɛ́nusíɛ́lɛ́ kuamba Pufuŋ pú Támbák ne epú púnyɛɛ́ indɛ́ndɛ́nɛ kɛ́ɛ́yiɛ́ ké eŋís, móólémóond Támbák áánúfáan mɔ́ na pitál. 34Nutitúmén kɔk na nakinyámúɛ: nakinyámúɛ étúmen nɛɛyɛ́ wɔ́ muɛ́t. Siki puɔ́síɛ́ nɛ múɛ́yɛ́ muyu.
Chwazi Kounye ya:
Matié 6: yav
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2026, CABTAL
Matié 6
6
Imfáán kɔ́ ɔsúkɔsukɔ
1«Nutiambá ɛ́ɛ́ núɛ́lɛ ké eŋís yɛ́ pɛɛnd maandá emé Támbák óówonée, ɛ́ɛ́ núpítíínyenyi; kati nɛ́ɛ, nutíápíá pinamá ku Síí waanɔ́ unyɛɛ́ mɛnɛ́mɛnɛ́ɛ. 2Aká kɔk opookosíé ɔsúkɔsukɔ, ɔtitɔ́ŋɔ́ ikól, aná pɛɛnd pɛ́ nunɛ́m ɛ́ɛlɛnɛ́ kí iŋilí na á piansi pí imbísókólí ɛ́ɛ́ pɛɛnd tááman pɔ́ imbɔ́k. Yɔɔ́núɔ́yɔn kémuémue ɛ́ɛ́ pámamaná apia pinamá piɔ́p. 3Aŋúɛ kɔk, aká opookosíé ɔsúkɔsukɔ, ɛ́nyɛɛlɛ́ ɔmbɔ́k wááwɔ waakányí leeme epú wɔɔnɛ́m ɛ́ɛlɛnɛ́ɛ, 4ɛ́ɛ́ nupoo núáwɔ lɔp insunse; Tíɔ wɛɛ́nɛnɛ́ kí insunse áányíkunam.
Tiɛkiɛ́ nuɛsikɛɛnɛnɛ́ kupísókolonyi
5«Aká nupísókolonyée, nutiɛlɛ́ ɛlɛɛ́ pɛɛnd pɛ́ nunɛ́m pɔ́ɔ́yɔnɛ́ kupísókolonyi pitényée á piansi pí imbísókólí na á maátukana mí iŋilí, ɛ́ɛ́ pépítíínyenyi. Yɔɔ́núɔ́yɔn kémuémue ɛ́ɛ́ pásiaman apia píɔ́p pinamá. 6Aŋúɛ, aká aambanɛ́ɛ kupísókoliti, píkín kááwɔ kí insúmbiɛ, ɛ́fɛl nipíkínín ópísókolonyi Tíɔ unyɛɛ́ akáánɛ́ kí insunse. Tíɔ wɛɛ́nɛnɛ́ kí insunse kakunam. 7Aká nupísókolonyée, nutisápá níítí ɛlɛɛ́ pɛɛnd pátiányípá pémenyen Támbákɛ́ɛ; pápítááka ɛ́ɛ́ tukál puólío túɛ́lɛnɛ́ ɛ́ɛ́ Támbák óondinyi pɔ́ɔ. 8Nutipíketesí pɔ́ɔ, á kiákí ɛ́ɛ́ Tíɔ éémenyen epú nunyɛɛ́ insaná na pɔ, tɛ numanyi nutiɔŋɛ́n wɔ́.
Imbísókólí i «Síí waasɔ́»
(Lúk 11.2-4)
9«Panɔ́ kɔk, ónupísókólónyí anɛ:
Síí waasɔ́ unyɛɛ́ mɛnɛ́mɛnɛ́ɛ,
tíínyi pɛɛnd peem ewú ɛnyɛɛ́,
10ɛlɛ́ ɛ́ɛ́ Pufuŋ púáwɔ áásiám,
ɛlɛ́ ɛ́ɛ́ epú ɔɔyɔnɛ́ píwóónyi ekué e kúúsí asi mɛnɛ́mɛnɛ́ɛ.
11Túéki ɔ́ puɔ́s pú ínanɔ múkunyá múɛsikɛɛnɛnɛ́ naasɔ́,
12Túyapɛ́n káásɔ́ á pifal
aná pasɔ́ kákáásɔ́ tuyapinanɛ́ epé pɛ́tuɛ́lɛnɛ́ kilɔk,
13atitúyapá ɔ́ yɔɔ́pítɛ́n,
tútúkún ké ewú wɔɔ́pitɔninɛ́ɛ.
14«Á kiákí ɛ́ɛ́, índɛ nusiayapɛn pɛɛnd á pipínanɔ́ píɔ́p, Síí waanɔ́ unyɛɛ́ mɛnɛ́mɛnɛ́ɛ kanúyapɛn kákáánɔ́ á pipínanɔ́ píánɔ́; 15maná, índɛ nusiɛl nutiyapɛ́n pɛɛnd á pipínanɔ́ píɔ́p, Síí waanɔ́ kɛ́kɛ́ɛ́yɛ́ tíánúyapɛ́n á píánɔ́.
Kipíkotio kí múkunya
16«Aká nupíkotosíé múkunya, nutiyɔ́ɔ́yɔ́n, aná pɛɛnd pɛ́nyɛɛ́ nɛ nunɛ́m ɛ́ɛ́lɛnɛ́ɛ: póyoosonin ɔsúkɔsúkɛ ɛ́ pétíínyi pɛɛnd peseékése ɛ́ɛ́ póópíkotosi múkunya. Kémuémue yɔɔ́núɔ́yɔn ɛ́ɛ́ pakanyi na pinamá piɔ́p. 17Aŋúɛ kɔk, aká opíkotosíé múkunya, písukɛ́t pusíó, épíwúú elepínde kɛ́ ɛtɔ́, 18ɛ́ɛ́ mɔɔnd timenyí ɛ́ɛ́ oópíkotosi múkunya, ɛsiɛ́ Tíɔ wééŋényí unyɛɛ́ akáánɛ́ kí insunse; Tiɔ́, wɛɛ́nɛnɛ́ kí insunse áányíkunam.
Punɛ́m puutámb nyɛ mɛnɛ́mɛnɛ́ɛ
(Lúk 12.33-34)
19«Nutipítulén punɛ́m pú kúúsí, kɔɔ́mɔ ne puúnyée ni insíiŋí nyáanɛ́ɛ, peépí kata piansi péépe. 20Énulílíkén punɛ́m mɛnɛ́mɛnɛ́ɛ, kɔɔ́mɔ ne puúnyé ni insíiŋí tiányípá kunyá, tɛ peépí pátipá kukata piansi ɛ́ɛ́ péépe. 21Á kiákí ɛ́ɛ́ kɔɔ́mɔ punɛ́m púáwɔ nyɛɛ́, kɔ́ɔkɔ́ ɔtɛ́m wááwɔ nyɛɛ́.
Epú púteekenyé nuɔ́l
(Lúk 11.34-36)
22«Niínsi nínyɛɛ́ ilámba í nuɔ́l. Niínsi níáwɔ kilikili, nuɔ́l núáwɔ kitikit nyɛ é kisie. 23Índɛ kɔk níánúma, nuɔ́l núáwɔ kitikit nyɛ kí imbíne. Índɛ kɔk kisie kínyɛɛ́ kááwɔ nyɛ imbíne, imbíne ikáánɛ́ nyɛ kiandákáand!
Támbákɛ́ɛ kúnyaánɛ Muenyí
(Lúk 16.13)
24«Atipá kukɔtinɔn pamásɛ páandɛ́: akapá ɛfɛmɛ ewe ɔɔyɔ owúnóo, púnyaánɛ akapá makánákana ne ewe ɛyɛɛnɛ owúnóo. Atipá kukɔtinɔn na Támbák ne Muenyí.
Nutitúmén ó pusíó pú kusɔ́t kúánɔ́
(Lúk 12.22-31)
25«Púúpú inúɔ́yɔnɛ́ ɛ́ɛ́: Nutitúmén ó pusíó pú kusɔ́t kúánɔ́ ne epú nukaná anyáánɛ́ɛ, no ó pusíó pú tuɔ́l túánɔ́ ne epú nukaná apíákanɛ́ɛ. Kusɔ́t áátápukan múkunya, nuɔ́l tápukan insunú. 26Ónuyoósín munoní: mútipá múkúna tɛ kukaya, mútipá múline maandá á pisasá; tɛ nɔ, Síí waanɔ́ unyɛɛ́ mɛnɛ́mɛnɛ́ɛ óókooyosi múu! Panɔ́ nuátápukan munoní táásɛ. Wooyi munoní utinúóyí á? 27Ɛ́nyɛ́ unyɛɛ́ pɔ́kuɔ́yikɛn isikilisíkɛ́l kɛ́ɛ́yɛ́ ɔ́ kusɔ́t ni indúmútén síɛ́yɛ́? 28Kiákí nutúmenée ó pusíó pú insunú? Énupítípényí enyeŋú ú putiɛ́púlɛ́ɛ: útipá úkɔ́lɔn muyú mú kutɛnɛ eyunú; 29yɔɔ́núɔ́yɔn ɛ́ɛ́, tɛ efuŋ Sálúmune, na punɛ́m púɛ́yɛ́ puum, timɛpílɛŋɛ niaŋ ní enyeŋú! 30Índɛ Támbák siɛlɛŋɛ pikuti pí putiɛ́púlɛ́ɛ anakáánɛ́, pínyɛɛ́, píi kɔ́ɔ́kɔ ínanɔ, nakinyámɔ pípɛk, tiɛkiɛ́ kɔk Támbák kaná kuɛlɛ́ utinulɛŋɛ́ kutápɔk? Kiákí pipíóndínyí ɔtɛ́m píánɔ́ nyɛɛ́ pukétí anɛ? 31Nutitúmén kɔk, núɛlɛɛ́: Kiákí tukaná anyáanɛ́ɛ? Kiákí tukaná apúwáanɛ́ɛ? Kiákí tukaná apíákanɛ́ɛ? 32Makáánɛ́ kitikit pɛɛnd pátiányípá pemenyen Támbákɛ́ɛ páámbanɛ́ mɔ́ɔ tɛ kuɛl yɔ́lɔ́l; Síí waanɔ́ unyɛɛ́ mɛnɛ́mɛnɛ́ɛ émenyen ɛ́ɛ́ nunyɛ insaná na mɔ́ɔ. 33Ɛ́nusíɛ́lɛ́ kuamba Pufuŋ pú Támbák ne epú púnyɛɛ́ indɛ́ndɛ́nɛ kɛ́ɛ́yiɛ́ ké eŋís, móólémóond Támbák áánúfáan mɔ́ na pitál. 34Nutitúmén kɔk na nakinyámúɛ: nakinyámúɛ étúmen nɛɛyɛ́ wɔ́ muɛ́t. Siki puɔ́síɛ́ nɛ múɛ́yɛ́ muyu.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2026, CABTAL