Matta 9
9
Yesu a mbəl hedi mahuluɓ
(Markus 2:1-12; Luka 5:17-26)
1Yesu a tap əŋ kambuwal, a taŋ gaw, a nda əŋ wuta ŋga səndawl#9:1 Markus 2:1; Matta 4:13.. 2I dahaŋ hedi mahuluɓ mə weŋgi a ɓəɓele. Əŋ Yesu mə gər kuw ma tata, a zlapaŋ əŋ hedi mahuluɓ ta, a zla: «Səɓ nəf, mbu na, hem təkwa mə beŋgi za.» 3Metir tə ma majaw dakayta iyi i wulək əŋ faŋw tata, i zla: «Hedi wa, a kəra Bizlaf.» 4Yesu kəsəŋ wulək tata, a zlapaŋta, a zla: «Heni abə wulək madawar mənaŋ wa seh, məŋgəvday a mey? 5Ma sə kefeŋ ley zlap seh vitikey? Ley zlap: “Hem təkwa iyi i mə beŋgi za” vaw, aka səku ley zlap: “Gar, nda təkwa”, vaw? 6Ama sa mba heni səŋgu Mbu tə Hedi abə fagay əŋ məŋhayak ley baŋgaŋta hem tə hedi iyi.» Ɓa, a zlapaŋ əŋ hedi mahuluɓ sey, a zla: «Gar, ɓət ɓəɓele təkwa, nda əŋ ge təkwa.»
7Hedi ta kəgar za, ɓa, a nda əŋ ge ŋga. 8Əŋ hedi iyi mbeh səku i mə gər məsəkəŋ mə taŋ ta, i kələndəŋ za, ɓa, i həmən Bizlaf məŋgəvday kəvəlaŋta fagay mənaŋ wa za əŋ hedi iyi.
Yesu a ɗafaŋ ma əŋ Matta
(Markus 2:13-17; Luka 5:27-32)
9Yesu kəgar ŋga za a lay ta, a nda ŋga, a lim hedi, miya ŋga Matta mə nji əŋ lay kə cakal budu. A zlapaŋgu, a zla: «Ziberekʉ.» Matta pərta! a gar, ɓa, a ziberʉ.
10Əŋ Yesu a kəzəm wuda a ge Matta, hedi mə cakal budu iyi mbeh səku abə hedi mə ɗal hem iyi i kəndaha za ley zəm wuda abə Yesu liŋ gula ŋga iyi. 11Farisa iyi i limta, i ɗəp gula ŋga iyi, i zla: «Metir təheni a kəzəm wuda abə hedi mə cakal budu iyi liŋ hedi mə ɗal hem iyi#9:11 Luka 15:1-2. seh, məŋgəvday a mey?» 12Əŋ Yesu mə zlim ma tata iyi i mə zlap wa, a zlapaŋta, a zla: «Hedi sə ndaŋwndaŋw iyi seh ma tata abə hedi mə vəl mənjivek seh halla, sey hedi mə dal iyi. 13Hi nda i sərək ma mawuzlel wa mə mba i zlap: “Sa mba seh, səŋ nje həhər, ama məsəkəŋ mandaham mafat iyi səku.” Sa kəndaha ley ɗafaŋta ma əŋ hedi mə ɗiy talaŋ tata iyi əŋ hedi sə delele iyi seh halla, ama əŋ hedi mə səŋ talaŋ tata əŋ hedi mə ɗal hem iyi.»
Ɗəp a talaŋ dalyam
(Markus 2:18-22; Luka 5:33-39)
14Gula tə Yahwana mə ɗal batem iyi i kərəɗaha əŋ kelek Yesu, i ɗəpu, i zla: «Nini abə Farisa iyi, nini kəɗal dalyam hwayhway, ama gula təkwa iyi i ɗal dalyam səku seh, məŋgəvday a mey?» 15Yesu a ziŋgeŋta zlap, a zla: «Hi wulək seh, hedi maɗaf ma iyi tə əŋ gugway kə ɓət wala, aka səku kə ɓət muwul seh, i gula i huhur za əŋ muwul dəma mbə abə tata vaw? Mənaŋ mba səku! Ama waŋ ta a nda za, i kəɓət muwul dəma ta za əŋ faŋw tata seh, mbamba seh, i ɗal dalyam za.
16«Hedi mə nda i mbasl məsəra rukut abə rukut lawayaŋ seh halla, məŋgəvday rukut lawayaŋ a ndeɗ məsəra rukut ta za, maŋgwahak ta a fəfəl za. 17I kəɗiɗe mavu sə deɗek əŋ kwenkwene mavəva səku. Məŋgəvday mavu sə deɗek ta a na seh, a ŋgwahak kwenkwene ta za, mavu bahayim a mbaɗ ŋga za əŋ teyek, kwenkwene a gay ŋga za. Ama i ɗiɗe mavu sə deɗek seh, əŋ kwenkwene lawayaŋ, mənaŋ wa, bək tata iyi i gay halla.»
Yesu a fəɗaha hazləma tə hedi səndawl tə Yahuda iyi əŋ məc liŋ wala mə ges a rukut ŋga
(Markus 5:21-43; Luka 8:40-56)
18Əŋ Yesu a kəzlapaŋta mənaŋ wa seh, hedi səndawl tə Yahuda iyi a gwaraha, a dar malakw a ma ŋga, a zla: «Hazləma na kəməc cuza mbehmbeh wa. Ama ndaha ley ɗiyaŋ ndəra a mbiŋ amba mə nja abə nje.» 19Yesu a gar, mbiŋ abə gula ŋga iyi i ziberʉ.
20Wala məzəwindi aka, a kəzləŋ takwaŋ əŋ məc tə məmbəz mə hiyaha, kəɗal va wam a meɗek bək. A kərəɗaha əŋ kelek Yesu kəɗi dawaŋ, ɓa, a ges a meɗek tə rukut ŋga. 21Məŋgəvday a kəwulək, a zla: «Əŋgah sa kəlim za ley ges kwa abə rukut ŋga dap seh, sa mbəl za.» 22Yesu a buw nje, a gəru, ɓa, a zlapaŋgu, a zla: «Səɓ nəf hazləma na, kuw ma təkwa kəmbəlah za.» Mbehmbeh mba, wala ta, a mbəl ŋga.
23Əŋ Yesu mə gwaraha əŋ ge hedi səndawl tə Yahuda iyi sey, a lim hedi mə mbiz sləlam iyi abə hedi iyi mbeh səku i kəmbuw ma, 24a zlapaŋta, a zla: «Hi təɗ təheni za a nawa, məŋgəvday hazləma ta kəməc halla, a kəwaŋ.» Ama hedi iyi ta i ɓasaŋ a talaŋ. 25Abə dawaŋ ta, i təɗaha hedi makwas iyi sey fuk a palah, Yesu a təɗ əŋ biŋ ta, a məlaŋ ndəra tə hazləma ta, ɓa, a garaha ŋga. 26Labara ta, kəwʉweɗ za əŋ hayak tə a namba fuk.
Yesu a rəzaŋta nje tə hedi wuluf iyi bək
27Əŋ pis Yesu mə gar tə a namba, hedi wuluf iyi bək i mar ley ziberʉ abə ja varay, i zla: «Səŋganini nje həhər, Mbu tə Dawuda!»
28Əŋ Yesu mə gwaraha əŋ ge, hedi wuluf iyi sey i kərəɗaha əŋ kelek ŋga. A ɗəpta, a zla: «Heni kəkuw za sa gula i ɗal məsəkəŋ ta za vaw?» I ziŋgeŋ zlap, i zla: «Ayaw, Bay Bayta!» 29Abə dawaŋ ta izey, Yesu a ges ndəra a nje tata, a zla: «Məsəkəŋ ta mə ɗal mənaŋ heni mə kuw ma wa.» 30Mbehmbeh mba, nje tata iyi i rəz. Ɓa, Yesu a ŋgəzta, a zla: «Kwa hedi ntaɗ mə mba i səŋ məsəkəŋ ta səku.» 31Ama əŋ tata i kətəɗaha tata, i nda i wʉweɗ labara tə Yesu əŋ hayak ta fuk.
Yesu a mbəl hedi mə gula i zlap səku
32Əŋ hedi wuluf iyi i kənda tata seh, hedi iyi i kədaha hedi mə gula i zlap səku əŋ Yesu, məŋgəvday hedi ta abə mulula əŋ talaŋ. 33Əŋ Yesu mə gam mimiɗ madawar ta, hedi mə gula i zlap səku tata, a mar ley zlap. Hedi makwas tə a namba iyi fuk, i kəhar za, ɓa, i zlap, i zla: «Məsəkəŋ mənaŋ wa, nakwa kəter ley lim əŋ hayak tə Israyila iyi halla səlak.» 34Ama Farisa iyi, i zla: «Ar bay tə mimiɗ madawar iyi i mə vəlaŋ mazla ley gam mimiɗ madawar iyi ta!»
Nje həhər a ɗalaŋ Yesu a talaŋ hedi makwas iyi
35Yesu kəpik berne iyi abə wuta iyi fuk. A kəsərək hedi iyi əŋ biŋ tata iyi kə ɗal mbuh əŋ Bizlaf, a kəgizeŋta Labara Səntaŋ Lawayaŋ tə Bay tə Bizlaf, a kəmbəl hedi iyi əŋ məc tata iyi par par, əŋ hulawf tata iyi par par. 36Əŋ mbiŋ mə gər hedi makwas iyi ta seh, nje həhər a ɗalaŋgu a tata, məŋgəvday i kətəɓəl za, kwa fagay halla ba, tata mənaŋ ntek mə tak njʉwiŋ iyi. 37Abə dawaŋ ta, Yesu a zlapaŋta əŋ gula ŋga iyi, a zla: «Məsəkəŋ iyi i kəɗal za mbeh səku, ama hedi iyi ɓəraŋ ley cakalahata əŋ wuta. 38Hi rək hedi tə lay ta, mə ləɓaha hedi iyi baha ley cakal məsəkəŋ ŋga iyi ta əŋ wuta.»
Chwazi Kounye ya:
Matta 9: xmd
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte